ၸၢတ်ႈၸဝ်ႈမႁႃႇၸၼၵ/ၼၢင်းၽီမၼိမေႇၶလႃႇ ၸွႆႈထႅမ်
မိူဝ်ႈယၢမ်းၼၼ် ၶုၼ်ၽီလူင်သီႇၵေႃႉ ဢၼ်ပႂ်ႉလေႃးၵၸိူဝ်းၼၼ်ႉ မွၵ်ႇလၢတ်ႈထိုင် ၼၢင်းၽိမၼိမေႇၶလႃႇဝႃႈ "ၵူၼ်းၸၢႆးၵေႃႉလူလုမ်းလႃးပေႃႈမႄႈ၊ မီးမဵတ်ႉတႃႇႁၵ်ႉႁွမ်ဢီးလူပိူၼ်ႈ၊ ၸႃႇၵယိုၼ်ႈတၢၼ်းပိူၼ်ႈ၊ မီးသိၼ်ထမ်းတႄႇၵႂႃႇၸိူဝ်းၼၼ်ႉ သင်ဝႃႈ ၸူမ်ယူႇၼႂ်းၼမ်ႉသမုတ်ႉတရႃႇၵေႃႈ ၸွႆႈထႅမ်ပၼ် ယႃႇပေႁႂ်ႈလူႉသုမ်းတၢႆ” ဝႃႈၼႆသေ ၸႂ်ႉႁႂ်ႈၼၢင်းၽိမꧣိမေႇၶလႃႇ ပႂ်ႉတီႈၼမ်ႉသမ်ႇမုၻ်ႉတရႃႇၼၼ်ႉယဝ်ႈ။ မိူဝ်ႈၽွင်းၼေႃႇၶမ်းၸဝ်ႈ လုၺ်းၼမ်ႉယူႇ ၸဵတ်းဝၼ်းၼၼ်ႉ ၼၢင်းၽီမꧣိမေႇၶလႃႇၼႆႉ ၵွပ်ႈယူႇတီႈ ဢွင်ႈၿိမၢၼ်ႇၸဝ်ႈၵဝ်ႇသေ ၸၢမ်ႇပူၺ်ႈၸေးၸိမ်ၽီသေလႄႈ လိုမ်းပႅတ်ႈဝႆႉပုၼ်ႈၽွၼ်းၸဝ်ႈၵဝ်ႇ ဢၼ်ၶုၼ်ၽီလူင်ၶဝ် ပူင်ဢၢပ်ႈၼၼ်ႉယဝ်ႉ။ မိူဝ်ႈထိုင်မႃးၸဵတ်းဝၼ်း ၸင်ႇၶုၵ်းၸႂ်လႆႈသေ ဝူၼ်ႉဝႃႈ "ၵဝ်ပေႃးလိုမ်းၼႃႈၵၢၼ်ၵဝ်ယဝ်ႉ။ တီႈၼမ်ႉပၢင်ႇလၢႆႇ တေမီးၸိူင်ႉႁိုဝ်ၵေႃႈဢမ်ႇႁူႉ” ၼႆ မိူဝ်ႈတူၺ်းမုင်ႈၵႂႃႇတီႈၼမ်ႉသမ်ႇမုတ်ႉၻရႃႇၼၼ်ႉ လႆႈႁၼ်ၼေႃႇၶမ်းၸဝ်ႈ လုၺ်းၼမ်ႉသေ ၽူးဝႆႉမိူၼ်ၼင်ႇတုမ်ၶမ်းၼၼ်ႉယဝ်ႉ။ ၵမ်းၼၼ် ၸင်ႇဝူၼ်ႉၶႆႈၸႂ်ဝႃႈ "ဢၼ်ပဵၼ်လုၵ်ႈၸၢႆးၶုၼ်ဝဵင်းမိထိလႃႇ ၸၢႆးမၢဝ်ႇမႁႃႇၸၼၵၵေႃႉၼႆႉ သင်ဝႃႈ လႆႈၸူမ်တၢႆၵႂႃႇ ၼႂ်းၼမ်ႉသမ်ႇမုတ်ႉၻရႃႇၼႆႉၸိုင် ၵဝ်တေဢမ်ႇၸၢင်ႈလႆႈၶဝ်ႈၼႂ်းပၢင်ၵုမ်ၽီယဝ်ႉ” ၼႆသေ ဢဝ်ၶူဝ်းၼုင်ႈ သၢႆႁၢင်ႉဢႅဝ်ၶမ်း ဢၼ်ၶႅမ်ႉဢၼ်မီးသီမၢပ်ႈၼၼ်ႉသေ ႁၢင်ႈၶိူင်ႈတူဝ်ၶိင်းၶႅမ်ႉလႅပ်ႈယဝ်ႉၵေႃႈ ၵႂႃႇၸူးၼေႃႇၶမ်းၸဝ်ႈ တီႈဢၼ်ဢမ်ႇၸႂ်ဢမ်ႇၵႆ ၽၢႆႇၼိူဝ်ၼမ်ႉသမ်ႇမုတ်ႉၻရႃႇသေ ၸုၵ်းၼိူဝ်ၵၢင်ႁၢဝ်ၼႄႁၢင်ႈတူဝ်ဝႆႉယဝ်ႉ။ ဢိၵ်ႇသမ်ႉဝူၼ်ဝႃႈ "ၸၢႆးမၢဝ်ႇၵေႃႉၼႆႉ ဢဝ်တၢင်းၶတ်းၸႂ်သေလုၺ်းႁႃႉ ဢမ်ႇၼၼ် ၵွပ်ႈၸႂ်ယွင်ႇမႃႈသေလုၺ်း” ၼႆယဝ်ႉ။
ၵမ်းၼၼ် ၼၢင်းၽီၸင်ႇထၢမ်ၼေႃႇၸဝ်ႈဝႃႈ -