ဢပုမ်ႇပွတ်းလႄႈၵႂၢမ်းၵပ်းထုၵ်ႇ/တွၼ်ႈ ၵႂၢမ်းၵပ်းထုၵ်ႇ (ၽ)

ၽ ၽၼ်းၼႆႉ ဢံႇႁၼ်ႁွႆး
ၽ ၽၢႆၼႂ်းသွင်း - မွင်းလင်ၼႂ်းၵူၺ်
ၽ ပိူၼ်ႈသပ်းမႃး - မိုဝ်းႁႃးသႄႇသႂ်ႇ
ၽ ႁူၼ်ႈၽူၼ်လူင်း - ၵိူတ်းသူင်းထုၵ်ႇၵူၼ်းၶၢၼ်ႉ
ၽ လႅတ်ႇၽူၼ်ႁွင် - သဵင်ၵွင်ႁူၼ်ႈဢိုတ်ႇ
ၽ ဢံႇၽၢႆ - ၸၢႆးဢံႇလပ်ႉ
ၽ လႅတ်ႇၸဵဝ်းယၢမ်ႈ - ၽ ၵၢမ်ႈၸဵဝ်းၵႅတ်ႇ
ၽႃႇမႆႉဢံႇဝႄႈတႃ - တြႃးဢံႇဝႄႈၼႃႈ
ၽႃႇမႆႉၽႃႇတၢင်းပၢႆ - ၽႃႇဝၢႆ ၽႃႇတၢင်းငဝ်ႈ
ၽႃႇမိုဝ်းၼႃ - သၼ်ၶႃၶိူင်ႇ
ၽႃႈႁူမ်ႇပွတ်းသေတူဝ် - ႁူမ်ႇႁူဝ်လုတ်ႈတိၼ်ပႅတ်ႈ
ၽူႈလၵ်ႉဢံႇႁုၶၼ်ၵႂၢႆး
ၽူႈလၵ်ႉမီးတႂ်ႈလၢင်ႈ - ၸၢင်ႈၵႃႉၵေႃႈႁွၼ်ႇထူး
ၽူႈသၢဝ်ၼွင်း - ၵျွင်းၸၢင်ႈၵၢၼ်ႉ
ၽူႈသၢဝ်ႁၢႆ - ပၢႆပႃးၶိူင်ႈၶူဝ်းႁွႆႈ
ၽႆးတၢင်းၼွၵ်ႈ - ယႃႇသွၵ်ႈမႃးၸုတ်ႇၼႂ်းႁိူၼ်း
ၽႆးႁိူၼ်းတႂ်ႈ - ယႃႇႁႂ်ႈမႆႈႁိူၼ်းၼိူဝ်
ၽႂ်ၼႄးၽႂ်ၵေႃႈယႃႇ - တႃႇလီၵၼ်ဢံႇၸႂ်ႈ
ၽႂ်ႁုၵေႃႈမၼ်းယၢပ်ႇ - ၽႂ်ႁၢပ်ႇၵေႃႈမၼ်းၼၵ်း
ၽႂ်ႁႃမၼ်းလႆႈ - ၶႂ်ႈၶႆႈမၼ်းၶိုတ်း
ၽႂ်မီးငိုၼ်းပဵၼ်ၸဝ်ႈ - ၽႂ်မီးၶဝ်ႈပဵၼ်ၶုၼ်
ၽႂ်တူၵ်းလိုၼ်း - တိုၼ်းႁၢမ်းပဝ်ႇ
ၽႂ်ယႂ်ႇမၼ်းပဵၼ်လုင်း - ၽႂ်သုင်မၼ်းပဵၼ်ပီႈ
ၽႂ်လႅတ်းမၼ်းဢဝ် - ၽႂ်ငဝ်မၼ်းႁၢမ်း
ၽႂ်ႁႃၵတ်ႉမၼ်းတၢပ်ႇ - ၽႂ်ယၢပ်ႇလႆႈမၼ်းၵိၼ်
ၽႂ်ၵိၼ်ထုၼ် - တွင်ႉမၼ်းၶူၼ်ႉ
ၽၼ်လီၵေႃႈယႃႇထၢင်ႇ - ထၢမ်ပေတၢင်ႇၶႅၼ်းၽိတ်း
ၽၢၼ်ထူၼ်ႈၸင်ႇႁုတူဝ် - ၶူဝ်းယွၵ်းၸင်ႇႁႃၵၢတ်ႇ
ၽၢၼ်ဢံႇၶီ - မီးဢံႇၸူမ်း
ၽၢၼ်ယဝ်ႉၶိုၼ်းမီး - ၽၵ်းၵီးပေႃးဢံႇၶႂ်ႈၽုၵ်ႇ
ၽၼ်းႁိူဝ်းဝႆႉလၢႆတႃႈ - မႃႇၶဝ်ႈဝႆႉလၢႆမိူင်း
ၽၼ်းတွင်ယႃႇႁႂ်ႈထိုင်မႃႇ - လႃႇပိူၼ်ႈယႃႇႁႂ်ႈထိုင်ၸိူဝ်ႉၶိူဝ်း
ၽူၼ်တူၵ်းမႃး - ပႃးၼံႉၵဝ်ႇၼီ
ၽူၼ်တူၵ်းၸဝ်ႉပႃးၼံႉတဝ်ႈ - လႅတ်ႇဢွၵ်ႇၸဝ်ႉပႃးတူၺ်
ၽူၼ်ငိုၼ်းၽူၼ်ၶမ်းဢံႇသွၼ်ႉႁႃႇ - ၾႃႉၽႃႇဢံႇသွၼ်ႉႁွႆး
ၽိတ်းယဝ်ႉၸင်ႇႁု - လုယဝ်ႉၸင်ႇႁၼ်
ၽိတ်းၸင်ႇၸၢင်ႈႁု -လုၸင်ႇၸၢင်ႈမႄး
ၽိုၵ်းလွင်ႈလီပဵၼ်ယၢပ်ႇ - တၢပ်ႇလွင်ႈႁၢႆႉၸဵဝ်းမေႃ
ၽိူဝ်ႇႁဝ်းႁု - ပိူၼ်ႈပေႃးႁူႇ
ၽိူဝ်ႇတႃႉမီးပႃႈၼႃႈ - ၵတ်ႉၵႃႈယူႇတၢင်းလင်