ဢပုမ်ႇပွတ်းလႄႈၵႂၢမ်းၵပ်းထုၵ်ႇ/တွၼ်ႈ ၵႂၢမ်းၵပ်းထုၵ်ႇ (ၺ)

1. ၺႃးမိုဝ်ႈၵုသူလ်ႇၶိုၼ်ႈ - မၢၵ်ႇဢိုၼ်ႈလႅၵ်ႈၶမ်းၶူင်း
2. ၺႃးမိူဝ်ႈသုၼ်ႇႁဝ်းႁႅင်း - မိူင်းလႅင်းပိူၼ်ႈမႃးသူင်ႇ
3. ၺႃးမိူဝ်ႈသုၼ်ႇႁဝ်းလီ - ၼီႈသၢမ်ပီ ၶိုၼ်းလႆႈ
4. ၺႃးမိူဝ်ႈသိူဝ်တိုၵ်ႉဝႅၼ် - ပၢင်တၢႆးလႅၼ်ဢမ်ႇလႆႈ
5. ၺႃးမိူဝ်ႈသုၼ်ႇႁဝ်းပွၵ်း - ၶွင်ယွၵ်းသိုဝ်ႉၵႃႈယႂ်ႇ
6. ၺႃးယၢမ်းၵႅၼ် - ပိူၼ်ႈလႅၼ်ၵေႃႈၸဵဝ်းယုမ်ႇ
7. ၺႃးမိူဝ်ႈသုၼ်ႇႁဝ်းလူင်း - ၶၢႆၶမ်းၶူင်းပဵၼ်မၢၵ်ႇဢိုၼ်ႈ
8. ၺႃးၽွင်းမီးသုၼ်ႇ - သိုဝ်ႉၵုၼ်ႇယဝ်ႉၶၼ်ၶိုၼ်ႈ
9. ၺႃးမိူဝ်ႈၵႂၢင်တိုၵ်ႉမူပ်ႇ - ယုၵ်ႉၵွင်ႈတူပ်ႇဝႆးဝႆး
10. ၺႃးငူးမၢၼ် - ၺႃးၽၢၼ်းၵႅၼ်
11. ၺႃးလႅတ်ႇသံႉယၢမ်ႈ - ၾႃႉၵၢမ်ႈသံႉၵႅၼ်ႇ
12. ၺႃးၶွင်လီ - ၶီၸႂ်ဢံႇမီးငိုၼ်းတေသိုဝ်ႉ
13. ၺႃးမိူဝ်ႈၽီလပ်ႉတႃ - ၽႂ်ႁႃဢံႇႁၼ်လႆႈ
14. ၺမ်းၺွႆႈပိူၼ်ႈလွႆးလွႆး - ဝၢႆးပွႆးၸင်ႇဢဝ်ဢွၵ်ႇ
15. ၺၢၼ်ႇမႄႈမွႆႈ - ဢံႇလၢတ်ႈယွႆႈ - ပႂ်ႉတၢပ်ႇမိူဝ်ႈလိုမ်းတူဝ်
16. ၺၢၼ်ႇလီၸင်ႇၵေႃႉၸၢႆး - လၢႆးလီၸင်ႇပႄႉပိူၼ်ႈ
17. ၺၢၼ်ႇၼိုၵ်းဢံႇမိုင်ႉ - ၺၢၼ်ႇထိုင်ႉဢံႇၽၢႆ
18. ၺၢၼ်ႇထိုင်ႉ ၼၢၵ်ႈဢဝ်ႁိူဝ်ႇပေႃးယမ်း - ၺၢၼ်ႇၽၢႆ ႁဵတ်းၵမ်းၼိုင်ႈပေႃးယဝ်ႉ
19. ၺေႃႇမိူင်းမၢၼ်ႈ - ႁၢႆႉလိူဝ်ၽိူဝ်ႉမိူင်းတႆး
20. ၺီႇဝႃးပႃးၽွမ်ႉ - ယွမ်ႉသီဢၼ်လဵဝ်
21. ၺၢၼ်ႇလီဢံႇၽၢၼ် - ၵၢၼ်လီဢံႇၵွတ်း
22. ၺၢၼ်ႇထိုင်ႉသွၼ်လိူၼ်ပၢႆ - ၺၢၼ်ႇၽၢႆသွၼ်ဝၼ်း ႞
23. ၺၢမ်ႉတေႃႇၺၢမ်ႉ - သၼ်ႇၸၢမ်ႉၸၢမ်ႉၸူးၵၼ်