ဢပုမ်ႇပွတ်းလႄႈၵႂၢမ်းၵပ်းထုၵ်ႇ/တွၼ်ႈ ၵႂၢမ်းၵပ်းထုၵ်ႇ (ဢ)

ဢရၢင်းဢံႇဢွၵ်ႇ - ၶႂ်ႈပွၵ်ႇၵိၼ်လၢႆ
ဢၵျၢင်ႉဢံႇလီ - တေထူပ်းၶီဝၼ်း ႞
ဢထၢင်ႇဢံႇပႄႉတၢင်းၵၢတ်ႈ - မေႃလၢတ်ႈဢံႇပႄႉၵျၢမ်ႇမႃႇ
ဢီႈၸၢင်ႈထၢမ်ၵေႃႈ - ဢၢမ်ၸၢင်ႈတွပ်ႇ
ဢီႇၸၢင်ႈႁၢႆႉ - ၺႃးဢၢႆႈၸၢင်ႈႁႅမ်
ဢံႇၸၢင်ႈၵႃႈ - ယႃႇယူႇၼႃႈၵွင်
ဢံႇၸၢင်ႈပွင် - ယႃႇယူႇၵၢင်ပိူၼ်ႈ
ဢံႇႁုၵေႃႈလီ - ဢံႇမီးၵေႃႈယဝ်ႉ
ဢံႇမီးၵေႃႈႁႃ - ဢံႇမႃးၵေႃႈၵူႈ
ဢံႇႁုႁႂ်ႈထၢမ် - ဢံႇငၢမ်းႁႂ်ႈတႅမ်ႈ
ဢံႇႁၵ်ႉယိူၼ်ႉၸႂ်ၼူမ် - ဢံႇၸူမ်းယိူၼ်ႉၸႂ်ၸုပ်ႇ
ဢံႇပႅတ်ႉဢံႇလႆႈၼၢင်း - ဢံႇၽၢင်းဢံႇလႆႈၸု
ဢံႇပၼ်ၵေႃႈတေမီး - ဢံႇပၢၼ်းၵီးၵေႃႈတေလႆႈ
ဢမ်ႇမေႃသမ်ႉၶႂ်ႈႁဵတ်း - မႄးၸဵတ်းပွၵ်ႈပႆႇယဝ်ႉ
ဢမ်ႇပွင်ႇၵေႃႈလၢတ်ႈၸွမ်း - ဢမ်ယွမ်းၵေႃႈႁုလိူဝ်
ဢမ်ႇပႄႉသမ်ႉၶႂ်ႈမႅၵ်ႇ - ႁႅင်းတႅၵ်ႇတၢႆလၢႆလၢႆ
ဢမ်ႇယူႇဢမ်ႇသဝ်း - ႁႃပေႃးမဝ်းသမ်ႉၽၢၼ်
ဢမ်ႇႁၼ်တူဝ်ၶႂ်ႈလႃႇ - ႁၼ်ၼႃႈသမ်ႉဢိတ်းလူ
ဢမ်ႇလၢတ်ႈၵေႃႈၶၢဝ်ႇဢွၵ်ႇ - ဢမ်ႇမွၵ်ႇၵေႃႈပိူၼ်ႈငိၼ်း
ဢမ်ႇႁၢင်ႈလီၵေႃႈႁၵ်ႉ - ၵွႆႈယၵ်ႉၵွႆႈထုၵ်ႇတႃ
ဢမ်ႇႁုယႃႇပေလၢမ်း - ၵူဝ်ပိူၼ်ႈဢၢမ်းတၢင်းငိူဝ်ႈ
ဢမ်ႇမီးပပ်ႉလွၵ်ႈမၢႆ - ငိုၼ်းတူၵ်းႁၢႆဢမ်ႇႁု
ဢဝ်သရေႇတွင်ႉၵူင် - ၵိၼ်လူင်ၽႅဝ်တွင်ႉၵႂ်ႈ
ဢဝ်ၵၼ်ဝႃႈပႃးၵၼ်ပဵၼ် - ၶဝ်ယဵၼ်ပဵၼ်ၶဝ်ႈဢုၼ်ႇ
ဢဝ်မေးလႃႈ - ပဵၼ်ၶႃႈလုၵ်ႈ
ဢဝ်မေးၸဝ်ႉ - ပဵၼ်ၵဝ်ႉႁိူၼ်း
ဢဝ်မေးႁၢင်ႈလီ - ၶီၸႂ်မိူဝ်ႈၵႂႃႇၵႃႉ
ဢဝ်မေးႁၢင်ႈၸႃႉ - ၶီၸႂ်မိူဝ်ႈၵႂႃႇပွႆး
ဢဝ်တီႈမႂ်ႇ - သႂ်ႇတီႈၵဝ်ႇ
ဢဝ်တီႈငၢႆႈ - သၢႆႈတီႈမေႃး
ဢဝ်ၶွင်ပိူၼ်ႈႁဵတ်းႁၢင်ႈ - ၸဝ်ႈပိူၼ်ႈယူႇတႂ်ႈလၢင်ႈၸွမ်းတူၺ်း
ဢၼ်ၸႃႉဢမ်ႇမီး - ဢၼ်လီဢမ်လႆႈဝႆႉ
ဢၢႆႈဝႃႈၸီႇ - ယီႈဝႃႈႁုင် သၢမ်ပုင်ဝႃႈႁႂ်ႈတူမ်ႈ
ဢၢႆႈလၵ်းၵေႃႈယီႈလႅမ်
ဢၢႆမွၵ်ႇၵႂႃႇၸွမ်းလူမ်း - ဢၢႆၵူၼ်းၵႂႃႇၸွမ်းၸိုဝ်ႈ
ဢူမ်ၼမ်ႉလပ်ႉၽႃႉ - ၶႂ်ႈၸႃႉဢမ်ႇသဵင်
ဢၢမ်းပႃႈၼႃႈ - ၶႃႉပႃႈလင်
ဢၢပ်ႇၼမ်ႉတႂ်ႈၶူဝ် - ဝီႁူဝ်တႂ်ႈၸၢၼ်း
ဢၢပ်ႇၼမ်ႉသွၼ်ႈႁူမ်ႈ - ၵူၼ်ႈၼႃႈသွၼ်ႈလႅတ်ႇ
ဢၢင်ႈၶၢႆပိူၼ်ႈသမ်ႉယႃႉ - ဢၢင်ႈၵႃႉသမ်ႉၶၼ်လူင်း
ဢွမ်ႇၽႆးဢုၼ်ႇပႃႈၼႃႈ - ႁူမ်ႇၽႃႈဢုၼ်ႇတင်းတူဝ်
ဢၢႆႈလၢတ်ႈၼူၵ်ႇ - လွၼ်ပူၵ်ႇဝႃႈတေသွတ်ႇၵၢၼ်းႁၢမ်
ဢိုၼ်ၼမ်ႉလၢႆးသၢမ်ၽဝ်ႇ - ဝူၼ်ႉၸႂ်ၵဝ်ႇၸင်ႇလၢတ်ႈ
ဢၼ်လႂ်လီၶႂ်ႈတၢပ်ႇ - ၵၢၼ်ယၢပ်ႇဢမ်ႇၶႂ်ႈႁဵတ်း
ဢွင်ႇဢႅင်ဢမ်ႇလႆႈၵိၼ် - ၶိၼ်ၸႂ်ဢမ်ႇလႆႈၼႃႈ
ဢုၼ်ႇၽႆးဢမ်ႇမိူၼ်ဢုၼ်ႇၽႃႈ - ဢုၼ်ႇပႃႈၼႃႈဢမ်ႇဢုၼ်ႇပႃႈလင်
ဢုၼ်ႇၽႃႈဢမ်ႇမိူၼ်ဢုၼ်ႇၽႆး - ဢုၼ်ႇၶၼ်ဢုၼ်ႇဝႆးဢမ်ႇလႆႈ