ဢပုမ်ႇပွတ်းလႄႈၵႂၢမ်းၵပ်းထုၵ်ႇ/တွၼ်ႈ ၵႂၢမ်းၵပ်းထုၵ်ႇ (ထ)

1. ထ လုၵ်ႈယႃႇဝႃႈၸေး - ထႃႉမေးယႃႇဝႃႈၸွတ်ႇ
2. ဝူဝ်းၵႂၢႆးယႃႇလႃႇ - ၸၢင်ႈၶိုၼ်းၼႃႇတူဝ်ႁဝ်း
3. ထ ပိူၼ်ႈဝူၼ်ႉၶိုၼ်းတူဝ် - ၶူဝ်ပိူၼ်ႈဝူၼ်ႉၸႂ်ၵဝ်ႇ
4. ထ ၵၼ်ပိူဝ်ႈၼပ်ႉလၢတ်ႈ - မၢတ်ႈၵၼ်ပိူဝ်ႈၼပ်ႉယမ်
5. ထ ၵၼ်ၸၢင်ႈသွင်ႉ - ပွင်ႉၵၼ်ၸၢင်ႈပၢႆႈ
6. ထႃႈၵိၼ်မိူင်းလႆႈယူႇ - ထႃႈမူႇၶဝ်ႈၽၵ်းယဵၼ်
7. ထႃႈပိူၼ်ႈလၢတ်ႈသုတ်းယဝ်ႉ - ႁဝ်းၶႂ်ႈဢုပ်ႇၸင်ႇဢုပ်ႇ
8. ထႃႈႁႅင်းပိူၼ်ႈႁၢမ်းပဝ်ႇ - တူဝ်ၵဝ်ႇလုၵ်ႉၽင်ႇၽၢႆ
9. ထႃႈၶိင်ႇထႃႈယၢမ်း - ဢဝ်ႁၢမ်းဢူပ်းပႅတ်ႈ
10. ထႃႈၵၢမ်ႇဢမ်ႇလႆႈၵိၼ် - တိၼ်မိုဝ်းၶိုင်ၸင်ႇသႆႉ
11. ထႃႈဝၼ်းပွႆးဢမ်ႇၵႃႈ - ထႃႈၽူၼ်ႈငိုၼ်းဢမ်ႇတူၵ်း
12. ထႃႈမိူဝ်ႈဢမ်ႇတၼ်း - ထႃႈဝၼ်းဢမ်ႇယဝ်ႉ
13. ထႃႈလိူၼ်ၶႅၼ်းႁၢမ်း - ထႃႈယၢမ်းၶႅၼ်းၵၢတ်ႈ
14. ထွမ်ႇၶၢဝ်ႇႁွမ်ႁူၺ်းႁူၺ်း - ၵႂႃႇတူၺ်းမဵၼ်သိုင်ႈသိုင်ႈ
15. ထွမ်ႇၶၢဝ်ႇလႅပ်ႈတေထူး - ၽိူဝ်ႇၵႂႃႇၸူးဢမ်ႇငႂ်ႈ
16. ထွမ်ႇပိူၼ်ႈၶႆႈ - ဢမ်ႇတၢၼ်ႇလႆႈတူဝ်ထူပ်း
17. ထွမ်ႇၵႂၢမ်းပေႃႈၸင်ႇငႄႈ - ၸူးၵႂၢမ်းမႄႈၸင်ႇယဵၼ်ႇ
18. ထွမ်ႇပိူၼ်ႈလၢတ်ႈဢမ်ႇယၢပ်ႇ - တၢပ်ႇတႄႉသမ်ႉဢမ်ႇပဵၼ်
19. ထွမ်ႇၵႂၢမ်းမိူင်းၸႂ်လု - ထွမ်ၵႂၢမ်းၸုၸႂ်လီ
20. ထွမ်ႇၶၼ်ၶူဝ်းၸႂ်သဝ်ႈ - ထွမ်ႇၶၼ်ၶဝ်ႈၸႂ်သႅဝ်း
21. ထွမ်ႇလိၵ်ႈထမ်းၸႂ်ဢူၼ်ႈ - ထွမ်ႇၵႂၢမ်းႁူၼ်ႈၸႂ်ဝိုၼ်း
22. ထွမ်ႇပိူၼ်ႈလၢတ်ႈႁၢင်ႈငၢႆႈ - ဢၢႆႈႁႃးတၢပ်ႇဢမ်ႇမေႃ
23. ထွမ်ႇပိူၼ်ႈဝႃႈလိူင်ႇၼႃႇ - ၵႂႃႇႁႃသမ်ႉဢမ်ႇႁၼ်
24. ထွမ်ႇပိူၼ်ႈဝႃႈၸမ်ၼႃႇ - ၵႂႃႇၵႂႃႇႁိူဝ်ႇပေႃးယမ်း
25. ထွမ်ႇၶၢဝ်ႇလႅပ်ႈပဵၼ်ႁဝ်း - ၵဝ်းတူၺ်းသမ်ႉပဵၼ်ပိူၼ်ႈ
26. ထွမ်ႇပိူၼ်ႈဝႃႈၶႅမ်ႉၼႃႇ - ၵႂႃႇတူၺ်းလၢႆးၶုၵ်းလုၵ်း
27. ထွမ်ႇၶၢဝ်ႇလႅပ်ႈၸႂ်တူဝ်း - ၸူဝ်းၵၼ်မင်ၸင်ႇႁု
28. ထဝ်ႈယဝ်ႉၸင်ႇသွၼ်ထမ်း - သွၼ်ဢဝ်ႁိူဝ်ႇပေႃးယမ်းဢမ်ႇလႆႈ
29. ထဝ်ႈဢမ်ႇႁုၵႂၢမ်းထမ်း - ၵမ်းၵမ်းၶႆႈၶိူဝ်းပိူၼ်ႈ
30. ထဝ်ႈဢမ်ႇႁုလွင်ႈ - ပိူၼ်ႈယွင်ႈၵေႃႈၸူမ်း - ဢိုၵ်းဢိုၵ်း
31. ထဝ်ႈဢမ်ႇႁုတူဝ် - သဵင်ၶူဝ်ပၼ်းၸင်ႇၸင်ႇ
32. ထဝ်ႈဢမ်ႇႁၼ်တြႃး - လၢတ်ႈမႃးမိူၼ်လုၵ်ႈဢွၼ်ႇ
33. ထဝ်ႈဢံႇႁုၶၼ်ႇထႃႇ - ဢုပ်ႇၵႂႃႇၵမ်ႈမၼ်းလၼ်
34. ထဝ်ႈပေႃးဢွၵ်ႇႁဵပ်းသႃ - ယင်းပႆႇႁႃလွင်ႈမျၢတ်ႈ
35. ထဝ်ႈပေႃးသၼ်ႇလွႆႇလွႆႇ - ယင်းပႆႇပွႆႇၵၢၼ်လိူင်း
36. ထဝ်ႈႁူဝ်ႁွၵ်ႇပေႃးၶၢဝ် - လၢတ်ႈၶိူဝ်းသၢဝ်ဢံႇလႅပ်ႈ
37. ထဝ်ႈဢံႇႁုပရမၢတ်ႈ - ယေႈလၢတ်ႈယေႈၶႅၼ်းၽိတ်း
38. ထဝ်ႈၸႂ်ၶႅင်မၢၼ်ႇယႂ်ႇ - သႂ်ႇသႂ်ႇဢံႇမႅၼ်ႈၽႂ်
39. ထဝ်ႈမၢၼ်ႇယႂ်ႇၸႂ်ၶႅင် - ထဵင်တႃလႅင်တႃမီႇ
40. ထဝ်ႈၵူၵ်ႇငူၵ်ႇၵုၵ်းငုၵ်း - ၵွႆးၶုၵ်းၶူၼ်ႉမိူဝ်ႈၼုမ်ႇ
41. ထဝ်ႈၵွၵ်းငွၵ်းၵွင်ႇငွင်ႇ - လၢတ်ႈဢံႇပွင်ႇၵႂၢမ်းထမ်း
42. ထဝ်ႈယဝ်ႉၸင်ႇလၵ်း - ၶႃႁၵ်းၸင်ႇၵႆႉ
43. ထဝ်ႈမေႃယူႇမေႃၵိၼ် - ထဝ်ႈမီးသိၼ်မီးၵုင်ႇ
44. ထဝ်ႈပွင်ႇထဝ်ႈလႅင်း - ပိူၼ်ႈႁၵ်ႉပႅင်းၵူႈၵေႃႉ
45. ထဝ်ႈမေႃယိူၼ်ႉမေႃထိင်း - လုၵ်းၸၢႆးယိင်းဢံႇယၢႆႈ
46. ထဝ်ႈမေႃသင်ႇမေႃသွၼ် - ၵူၼ်းမိူင်းဢွၼ်ၵၼ်ႁၵ်ႉ
47. ထဝ်ႈလၢတ်ႈၵႂၢမ်းတြႃး - ၽႂ်ၵေႃႈမႃးၸူမ်းလူႇ
48. ထဝ်ႈဢမ်ႇပွင်ႉၼႄးၽႂ် - ပိူၼ်ႈမႅၼ်ႈၸႂ်ၵူႈၵေႃႉ
49. ထုၵ်ႇဢဝ်ယႃႇၼႅတ်ႈ - ထုၵ်ႇပႅတ်ႈဝူၼ်ႉၵွၼ်ႇ
50. ထုၵ်ႇၸႂ်မီ - ဢံႇလီၸႂ်ၽိုင်ႈ
51. ထုၵ်ႇၸႂ်ယႃႇၼႅတ်ႈၸူမ်း - မႅၼ်ႈလူမ်းယႃႇၼႅတ်ႈယုမ်ႉ
52. ထုၵ်ႇၼီႈပိူၼ်ႈဢွၼ်တၢင်း - သၢင်းလၢင်းပၼ်ၸင်ႇပေႇ
53. ထုၵ်ႇၸႂ်ပႃႈ - ယႃႇႁႂ်ႈၼႃႇၸႂ်လုင်း
54. ထုၵ်ႇၼီႈၸဝ်ႈၾႃႉ - ယႃႇႁႂ်ႈပဵၼ်ၼီႈၸဝ်ႈမုၼ်
55. ထုၵ်ႇလၢတ်ႈၸင်ႇလၢတ်ႈ - ပိူၼ်ႈမၢတ်ႈပဵၼ်ၵူၼ်းလီ
56. ထုၵ်ႇထၢတ်ႈၸႂ် - မႂ်ႁႅင်းတူဝ်
57. ထုၵ်ႇႁူပ်ႉၵေႃႈတေႁၼ် - ထုၵ်ႇပၼ်ၵေႃႈတေလႆႈ
58. ထုၵ်ႇၵိၼ်လႄႈထုၵ်ႇယေႃႇ - ဝၢႆးၼႆႉတေပေႃႇမႃး
59. ထုၵ်ႇမၢၵ်ႈဢံႇယၢၵ်ႈၸႂ် - ၽႂ်ၽႂ်ၵေႃႈမႃးမႅင်ႇ
60. ထုၵ်ႇမီးဢမ်ႇပေႃးၶိုၵ်ႉ - မိုၵ်ႉတႅမ်ႈၸေႈပဵၼ်ငိုၼ်း
61. ထုၵ်ႇလႆႈၵိၼ်မႃးၵူၺ်း - ထုၵ်ႇလႆႈတူၺ်းႁူပ်ႉသႂ်ႇ
62. ထုၵ်ႇတေလႆႈၵိၼ် - ပၢႆတိၼ်ဢံႇၼုၵ်းၵူမ်ႇ
63. ထုၵ်းထိၵ်းၵၼ်ပဵၼ်သျွတ်ႉ - ပွတ်ႉပႅတ်ႉၵၼ်ပဵၼ်ၽႆး
64. ထီႇၸင်ႇၼႃ - ႁႃၸင်ႇမီး
65. ထူမ်ႇၼံႉလၢႆးၶိုၼ်ႈၾႃႉ - တူၵ်ႉပႃႉၼႃးတူဝ်ၵဝ်ႇ
66. ထၢမ်လီထၢမ်ပႃႈၼႃႈ - ၶႃႉၸိုဝ်ႈၶႃႉဝၢႆးလင်
67. ထၢမ်ၸိုဝ်ႈၵၼ်တွင်းဝႆႉ - ၵႆႉႁွင်ႉၸဵဝ်းမိုတ်ႈၵၼ်
68. ထၢင်ႇဢွၼ်ႇၸၢင်ႈၶႄးႁူင် - ထၢင်ႇလူင်ၸၢင်ႈၶႄးႁၢမ်း
69. ထၢင်ႇလူင်ၸၢင်ႈၽိတ်း - ထၢင်ႇဢိတ်းဢိတ်းသံႉဢွင်ႇ
70. ထၢင်ႇႁၢႆႉထိူမ်ႁႅင် - ဢဝ်တၢင်းပႅင်းလု
71. ထၢင်ႇလဵၼ်ႈပဵၼ်တႄႉ - လႄႉမႃးၸူးႁဝ်း
72. ထၢင်ႇႁၢႆႉၶႅၼ်းပႅၼ် - ထူပ်းၶဵၼ်ၼႃႈမႆႈ
73. ထိုင်ယၢမ်းၸင်ႇလၢတ်ႈ - လွင်ႈၵၢတ်ႈဢံႇမီး
74. ထိုင်ၶိင်ႇၸင်ႇၶပ်း - မႅၼ်ႈၸပ်းဢံႇပိူင်ႈ
75. ထိုင်တူဝ်ၸင်ႇႁူႉ - မၢၵ်ႇမူႉၵႄႈႁိပ်ႇ
76. ထိုင်ပွႆးၸင်ႇၵႃႈ - ပႂ်ႉထႃႈၵူၼ်းၵိုၼ်း
77. ထိုင်တီႈၸင်ႇဝၢင်း - မိူဝ်ႈၵၢင်တၢင်းယႃႇပွႆႇ
78. ထိုင်ၶိင်ႇၸင်ႇၵွႆႈႁဵတ်း - ၿႃတွတ်ႇမဵတ်း ၸင်ႇတိုတ်ႉ
79. ထႅင်ႈၵေႃႉၼိုင်ႈႁၼ်လၢႆ - ႁၢႆၵေႃႉၼိုင်ႁၼ်ဢေႇ
80. ထဵင်ၼူၵ်ႉၶတ်းႁၢႆႉ - ပိူၼ်ၶၢႆႉပၢင်ပေႃးဝၢႆး
81. ထိူၵ်ႈသင်ဢဝ်ၼၼ်ႉ - ယႃႇၵၼ်ႉၼႅင်ၸွမ်း
82. ထၢင်ႇယူဝ်းၶႅၼ်းႁၢႆႉ - ၸၢင်ႈၶၢႆႉၽႃႈၵွပ်းၸူး
83. ထၢင်ႇလီသမ်ႉၸႃႉ - ထၢင်ႇၵျႃႉၶႅၼ်းၽိတ်း