ပပ်ႉတူမ်ႈႁုင်:ၽၵ်းႁိၵႅင်
ပပ်ႉတူမ်ႈႁုင် | လၢႆးမိုဝ်ႉႁုင် | မီႇၵီး | ၽၵ်းၶဵဝ်
| ၽၵ်းႁိၵႅင် | |
|---|---|
 | |
| ပိူင်ထၢၼ်ႈ | လၢႆးမိုဝ်ႉႁုင် ဢၼ်ၵႅင် |
| ႁဵတ်းတႃႇ | 4 |
| တၢင်းႁိုင် | 30 မိတ်ႉၼိတ်ႉ |
| လွင်ႈႁဵတ်းယၢပ်ႇ |  |
ၶိူင်ႈမိုဝ်ႉႁုင်
[မႄးထတ်း]- ၽၵ်းႁိ - ဢၼ်လိူၵ်ႈယဝ်ႉ မွၵ်ႈ 25-30 ၵျၢပ်ႈ
- ၵိူဝ် - ၵမ်ႉသၢင်ႇထုၵ်ႇ
- ၽွင်ဝၢၼ် - ၵမ်ႉသၢင်ႇထုၵ်ႇ
- ထူဝ်ႇၼဝ်ႈ - ၵမ်ႉသၢင်ႇထုၵ်ႇ
- ၼမ်ႉမၼ်း - သၢမ်သီႇယွတ်ႇ
- မၢၵ်ႇၶိူဝ်သူမ်ႈ - 2 လုၵ်ႈ
- ၽၵ်းမီႇႁူဝ်လႅင် - 4 ႁူဝ်
လၢႆးမိုဝ်ႉလၢႆးႁုင်
[မႄးထတ်း]- ဢွၼ်တၢင်းသုတ်း လိူၵ်ႈၽၵ်းႁိ၊ ပွၵ်ႇၽၵ်းမီႇႁူဝ်လီ သီႇႁူဝ်သေ သွႆးဝႆႉသေးသေး၊ မၢၵ်ႇၶိူဝ်သူမ်ႈၵေႃႈ သွႆးဝႆႉ
- ဢဝ်ၼမ်ႉသႂ်ႇၼႂ်းမေႃႈသေ တင်ႈၼိူဝ်ၽႆး
- ဢဝ်ၵိူဝ်၊ ၽွင်ဝၢၼ်၊ ၽွင်ထူဝ်ႇၼဝ်ႈ သႂ်ႇသေ ဢဝ်ၼမ်ႉမၼ်း ယွတ်ႇသႂ်ႇ မွၵ်ႈ သၢမ်သီႇယွတ်ႇသေ ၶိုဝ်ႇပၼ် ႁႂ်ႈၼမ်ႉမၼ်းၽူတ်ႉမႃး
- ပေႃးဝႃႈ ၶိုဝ်ႇၼမ်ႉၽၵ်း မၼ်းၽူတ်ႉမႃးယဝ်ႉၼႆ ဢဝ် ၽၵ်းႁိ လႄႈ ၽၵ်းမီႇႁူဝ်လႅင် ဢၼ်သွႆးဝႆႉၼၼ်ႉ သႂ်ႇသေ ၶူၼ်းတႂ်ႈၶူၼ်းၼိူဝ်သေၵေႃႈ တင်ႈဝႆႉပၼ် ႁႂ်ႈၽၵ်းႁိမၼ်း ပူၺ်ႇမႃး
- ပေႃးဝႃႈ ဢဝ်မိုဝ်းယိပ်းတူၺ်းဝႃႈ ၽၵ်းႁိမၼ်း ပူၺ်ႇယဝ်ႉ ၸင်ႇၵွႆႈ ဢဝ် မၢၵ်ႇၶိူဝ်သူမ်ႈ ဢၼ်သွႆးဝႆႉၼၼ်ႉ သႂ်ႇသေၵေႃႈ ၶူၼ်းသေ ၶိုၼ်းတင်ႈဝႆႉပၼ်။
- ပေႃးတင်ႈဝႆႉတၢၼ်ႇတၢၼ်ႇ ၼမ်ႉဝၢၼ်မၢၵ်ႇၶိူဝ်သူမ်ႈမၼ်းဢွၵ်ႇမႃး လႄႈ ဢၢႆၽၵ်းႁိၵေႃႈ ႁွမ်မႃး ၸိမ်းတူၺ်းၵေႃႈ တူဝ်ၽၵ်းႁိမၼ်း ပူၺ်ႇလီလၢၼ်ႈလီယဝ်ႉၼႆၵေႃႈ ၵွၼ်ႉသႂ်ႇၼႂ်းဝၢၼ်ႇသေ တမ်းၵိၼ်လႆႈယဝ်ႉ။
ဢၼ်ၵပ်းမၼ်း
[မႄးထတ်း]ၽၵ်းႁိၵႅင်ၼႆႉ ပေႃးဝႃႈ ဢမ်ႇတၼ်းႁဵတ်း ၼမ်ႉၽိတ်ႉၶိုၵ်ႉၶၢႆးသင်ၵေႃႈ ႁဵတ်းထူဝ်ႇၼဝ်ႈၽွင်ၵပ်းၵေႃႈ ဝၢၼ်ယူႇၵူၺ်း။ ဢဝ်ၽွင်ထူဝ်ႇၼဝ်ႈ လေႃးၵၼ်တင်း ၵိူဝ်၊ ၽွင်ဝၢၼ်၊ မၢၵ်ႇၽိတ်ႉၽွင်သေ ၶူၼ်းၶဝ်ႈလေႃးၵၼ်သေၵေႃႈ ၵိၼ်ၵပ်းၵၼ်တင်း ၽၵ်းႁိၵႅင်ၼႆတႄႉ ပဵၼ်ဢၼ် လၼ်ႇၵမ်းၶဝ်ႈလီဝႆႉယဝ်ႉ။ ပေႃးလႆႈၸႂ်ၵိၼ် ၽၵ်းမီႇႁူဝ်လႅင်ၵေႃႈ ပွၵ်ႇႁဵတ်းၵိပ်ႇသေ ၵိၼ်ၵပ်းၵၼ်ၵေႃႈ ဝၢၼ်ႇယူႇမဵဝ်းၼိုင်ႈယဝ်ႉ။
မၢႆတွင်း
[မႄးထတ်း]မိူဝ်ႈသႂ်ႇတူဝ်ၽၵ်းႁိ လႄႈ ၽၵ်းမီႇၼၼ်ႉ ယႃႇပေၽူမ်ႈဢဝ် မၢၵ်ႇၶိူဝ်သူမ်ႈသႂ်ႇလေႃးၵမ်းလဵဝ်။ ပေႃးဢဝ် မၢၵ်ႇၶိူဝ်သူမ်ႈသႂ်ႇလေႃးၵမ်းလဵဝ်ၼႆ ၽၵ်းႁိမၼ်းၼၢၼ်းပူၺ်ႇၼႆယဝ်ႉ။ မိူဝ်ႈလႂ် ၽၵ်းႁိႁဝ်း ပူၺ်ႇလၢၼ်ႈမႃးယဝ်ႉ ၸင်ႇၵွႆႈဢဝ် မၢၵ်ႇၶိူဝ်သူမ်ႈသႂ်ႇတႃႉ။