ပပ်ႉတူမ်ႈႁုင်:ၽၵ်းၵၢတ်ႇၵူဝ်ႈ
ပပ်ႉတူမ်ႈႁုင် | လၢႆးမိုဝ်ႉႁုင် | မီႇၵီး | ၽၵ်းၶဵဝ်
| ၽၵ်းၵၢတ်ႇၵူဝ်ႈ | |
|---|---|
| ပိူင်ထၢၼ်ႈ | လၢႆးမိုဝ်ႉႁုင် ဢၼ်ၵူဝ်ႈ |
| ႁဵတ်းတႃႇ | 4 |
| တၢင်းႁိုင် | 30 မိတ်ႉၼိတ်ႉ |
| လွင်ႈႁဵတ်းယၢပ်ႇ |  |
ၶိူင်ႈမိုဝ်ႉႁုင်
[မႄးထတ်း]- ၽၵ်းၵၢတ်ႇ - ႁႃႈတူၼ်ႈ
- မၢၵ်ႇၶိူဝ်သူမ်ႈႁၢတ်ႈ - 2, 3 လုၵ်ႈ
- ၽၵ်းမီႇလႅင်ႁၢတ်ႈ - 1 လုၵ်ႈ
- ၽၵ်းမီႇၽိူၵ်ႇႁၢတ်ႈ - 1 လုၵ်ႈ
- ထူဝ်ႇၼဝ်ႈၽွင် - ၵမ်ႉသၢင်ႇထုၵ်ႇ
- ၽွင်ဝၢၼ် - ၵမ်ႉသၢင်ႇထုၵ်ႇ
- ၵိူဝ် - ၵမ်ႉသၢင်ႇထုၵ်ႇ
- ၼမ်ႉမၼ်း - ၵမ်ႉသၢင်ႇထုၵ်ႇ
- မၢၵ်ႇၽိတ်ႉႁႅင်ႈ - 4-5 လုၵ်ႈ
- ထူဝ်ႇလိၼ်ၶူဝ်ႈ - 1 ဝၢၼ်ႇယိုဝ်ႈ (5 ၵျၢပ်ႈ)
လၢႆးမိုဝ်ႉလၢႆးႁုင်
[မႄးထတ်း]- ဢွၼ်တၢင်းသုတ်း သုၵ်ႈၽၵ်းၵၢတ်ႇသေ တူမ်ႈ၊ ဢမ်ႇၼၼ် ၸႃႈ။ ယႃႇႁႂ်ႈမၼ်းလၢၼ်ႈ၊ ၶိုၼ်းဝႆႉႁႂ်ႈယဵၼ်။
- ၶူဝ်ႈပၼ် ၽၵ်းမီႇႁူဝ်ၽိူၵ်ႇ၊ ႁူဝ်လႅင် ႁႂ်ႈပေႃးလိူင်သေသုၵ်းမႃး။
- ပေႃးၽၵ်းမီႇၽိူၵ်ႇ၊ ၽၵ်းမီႇလႅင် လိူင်မႃး ဢဝ် မၢၵ်ႇၶိူဝ်သွမ်ႈ ဢၼ်သွႆးသေးသေးၼၼ်ႉ သႂ်ႇပၼ်။
- ပေႃးမၢၵ်ႇၶိူဝ်သူမ်ႈမၼ်း သုၵ်းမႃးၵေႃႈ ၶိုၼ်းဢဝ် ၽွင်ထူဝ်ႇၼဝ်ႈ၊ ၵိူဝ်၊ ၽွင်ဝၢၼ် ၸိူဝ်းၼႆႉသႂ်ႇသေ ဢွင်ႇပၼ် ၶေးမၼ်း။
- ၽၵ်းၵၢတ်ႇႁဝ်းၼၼ်ႉ သွႆးသေ မိပ်ႇႁႂ်ႈၼမ်ႉမၼ်းယူတ်း။
- ပေႃးမိပ်ႇၼမ်ႉၽၵ်းၵၢတ်ႇယဝ်ႉ၊ ဢဝ်ၶေးမၢၵ်ႇၶိူဝ်သူမ်ႈ ဢၼ်ဢွင်ႇဝႆႉ မိူဝ်ႈၵႆႈၼၼ်ႉ ထွၵ်ႇသႂ်ႇၼႂ်းၽၵ်းၵၢတ်ႇသေၵေႃႈ ၵူဝ်ႈၵဝ်ပၼ်။
- ပေႃးလႆႈၸႂ် ထူဝ်ႇလိၼ်ၵေႃႈ ဢဝ်ထူဝ်လိၼ်ၶူဝ်ႈသေ တမ်ပဵၼ်ၽွင် (ယႃႇႁႂ်ႈဢွၼ်ႇႁႅင်း)သေၵေႃႈသႂ်ႇလႆႈယူႇ။
- ပေႃးယဝ်ႉၵေႃႈ ၶူဝ်ႈမၢၵ်ႇၽိတ်ႉႁႅင်ႈဢွၼ်ႇ သေၵေႃႈ ၵပ်းၵိၼ်လႆႈယူႇ။
မၢႆတွင်း
[မႄးထတ်း]မၢၵ်ႇၶိူဝ်သူမ်ႈ ဢမ်ႇဢွင်ႇၼမ်ႉမၼ်း၊ ၸီႇၽႆးသေၵူဝ်ႈၼႆ ႁွင်ႉဝႃႈ ၵူဝ်ႈယၢင်းၼႆယဝ်ႉ။
ဢၢင်ႈဢိင်
[မႄးထတ်း]- ပပ်ႉလၢႆးမိုဝ်းၽၵ်းဝၢၼ်တႆး - လၢဝ်သႂ်ယိင်း (လႃႈသဵဝ်ႈ)