ပပ်ႉတူမ်ႈႁုင်:ၽၵ်းၵမ်ႇၸွၼ်း ၶူဝ်ႈလေႃး ႁဵပ်း
ပပ်ႉတူမ်ႈႁုင် | မီႇၵီး | လၢႆးမိုဝ်ႉႁုင် | လၢႆးႁဵတ်း ဢၼ်ၶူဝ်ႈ
လၢႆးႁဵတ်း ၽၵ်းၵမ်ႇၸွၼ်း ၶူဝ်ႈလေႃး ႁဵပ်း
[မႄးထတ်း]| ၽၵ်းၵမ်ႇၸွၼ်း ၶူဝ်ႈလေႃး ႁဵပ်း | |
|---|---|
| ပိူင်ထၢၼ်ႈ | လၢႆးႁဵတ်း ဢၼ်ၶူဝ်ႈ |
| ႁဵတ်းတႃႇ | 3 |
| တၢင်းႁိုင် | 15 မိတ်ႉၼိတ်ႉ |
| လွင်ႈႁဵတ်းယၢပ်ႇ |  |
လၢတ်ႈဝႃႈတႄႉ ႁဵပ်းဢၼ်ႁဝ်းၵိၼ်ၼႆႉ ၼမ်လႄႈဢေႇ မၼ်းမီးၵွင်ႉၼႆလႄႈ ပေႃးၶူဝ်ႈလေႃး ၽၵ်းၵမ်ႇၸွၼ်းၼႆ ပဵၼ်ဢၼ်ၵႄႈမၼ်းၼႆႁိုဝ်။ ပဵၼ်ႁိုဝ်ၵေႃႈလီ ၽၵ်းၵမ်ႈၸွၼ်း ၶူဝ်ႈလေႃးႁဵပ်းၼႆႉၵေႃႉ ပဵၼ်ဢၼ်ၵိၼ်ဝၢၼ်ယူႇ။ ဢမ်ႇၸႂ်ႈဝႃႈ ၵိၼ်ဝၢၼ်လၢႆလၢႆၵူၺ်း မၼ်းပဵၼ် ထၢတ်ႈ တႃႇယုၵ်ႉသုင်ပၼ် ႁႅင်းၵမ်ႉတူဝ် ၼင်ႇထၢတ်ႈ ဝီႇတႃႇမိၼ်ႇ ဢေႇ၊ ဝီႇတႃႇမိၼ်ႇ ၸီႇ၊ ထၢတ်ႈလဵၵ်း၊ ဝီႇတႃႇမိၼ်ႇ B6 လႄႈ ဝီႇတႃႇမိၼ်ႇတၢင်ႇၸိူဝ်း ဢိၵ်ႇတင်း ထၢတ်ႈ ပူဝ်ႇတႅတ်ႇသီႇယမ်ႇ၊ မႅၵ်ႇၵၼီႇသီႇယႅမ်ႇ၊ ဝီႇတႃႇမိၼ်ႇ B1၊ ဝီႇတႃႇမိၼ်ႇ B3၊ ထၢတ်ႈယိူဝ်ႇ လႄႈ ထၢတ်ႈပရူဝ်ႇတိၼ်း ၸိူဝ်းၼႆႉယဝ်ႉ။ ပွင်ႈလိၵ်ႈဢၼ်ၼႆႉ ဢိင်ဢၢင်ႈဝႆႉ ၸွမ်းၼင်ႇ တၢင်းၶႆႈၸႂ် မေႃယႃဝိၼ်းဝိၼ်းမျိၼ်ႉ (မေႃယႃၶိုၵ်ႉတွၼ်း ၽၢႆႇတၢင်းၵိၼ်ယႅမ်ႉ) ၼၼ်ႉၶႃႈဢေႃး။
မီႇၵီး ၸိူဝ်းၶဝ်ႈပႃး
[မႄးထတ်း]- ၽၵ်းၵမ်ႇၸွၼ်း 3 မတ်ႉ (ဢဝ်ပႅၼ်ႈ ၵၢၼ်ႈဢၼ်ၵႄႇမၼ်းသေ၊ မႆႈမႆမၼ်းဝႆႉလႄႈ)
- မၢၵ်ႇၽိတ်ႉလႅင် 2 လုၵ်ႈ (ထႅၵ်ႇဝႆႉတင်းယၢဝ်းမၼ်း)
- ၽွင်ၼိူဝ်ႉၵႆႇ ၸေႃႉၼမ်ႉၼဵင်ႈ 1 ၸေႃႉ
- ႁဵပ်းၽိူင်း 10 ၵျၢပ်ႈ
- ၼမ်ႉမၼ်း 60 ၵရမ်ႇ
- ၽၵ်းမီႇႁေႃ 2 ၵိပ်ႇ (ဢဝ်မိပ်ႈသေ ပူပ်းၽႅပ်ႉဝႆႉလႄႈ)
- မၼ်းႁွႆ ၸေႃႉၼမ်ႉၼဵင်ႈ ၶိုင်ႈၸေႃႉ
- ၵိူဝ် ၸေႃႉၼမ်ႉၼဵင်ႈ ၶိုင်ႈၸေႃႉ
ႁၢင်ႈႁႅၼ်းတူမ်ႈႁုင်
[မႄးထတ်း]- ဢွၼ်တၢင်းသုတ်းတႄႉ ဢဝ်ပႅတ်ႈၵၢၼ်ႈၽၵ်းၵမ်ႇၸွၼ်း ဢၼ်ၵႄႇမၼ်းသေ မႆႈမႆမၼ်းဝႆႉလႄႈ။
- ဢဝ်မႆၽၵ်းၵမ်ႇၸွၼ်း ဢၼ်ၸဝ်ႈၵဝ်ႇ မႆႈဝႆႉၼၼ်ႉသေ သုၵ်ႉတင်းၼမ်ႉၵတ်းၵတ်း ဢၼ်သႂ်ႇၵိူဝ်သေ ၸေႃႉၼိုင်ႈၼၼ်ႉသေၵေႃႈ ၶိုၼ်းႁႃႉၼမ်ႉဝႆႉလႄႈ။
- တင်ႈမေႃႈၼမ်ႉမၼ်းႁႂ်ႈမႆႈယဝ်ႉသေ ဢဝ်ၽၵ်းမီႇႁေႃ သႂ်ႇသေ ၶူၼ်းပၼ် မွၵ်ႈ 15 ၸႅၵ်ႉၵၢၼ်ႉၼၼ်ႉလႄႈ။ ပေႃးယဝ်ႉ ဢဝ် ၽၵ်းၵမ်ႇၸွၼ်း လႄႈ ႁဵပ်း သႂ်ႇသေ ၶူၼ်းပၼ်လႄႈ။
- သႂ်ႇပၼ် ၽွင်ၼိူဝ်ႉၵႆႇ။ သႂ်ႇပၼ် မၼ်းႁွႆသေ ၶူၼ်းပၼ်လႄႈ။
- ပေႃးဝႃႈ ၽၵ်းၵမ်ႇၸွၼ်း ဢူၼ်ႈမႃးၼႆ သွႆးမၢၵ်ႇၽိတ်ႉသႂ်ႇသေႇ ၶူဝ်ႈပၼ်တေႃႇပေႃးၵိုတ်းၼမ်ႉ ဢိတ်းဢိတ်းလႄႈ။
- ပေႃးယဝ်ႉၼႆတႄႉ လႆႈၽၵ်းၵမ်ႇၸွၼ်း ဢၼ်ၶူဝ်ႈလေႃးႁဵပ်းယဝ်ႉလႄႈ တေၸၢင်ႈၵိၼ်ၵပ်းၵၼ်တင်း ၶဝ်ႈ ဢမ်ႇၼၼ် တၢင်းၵိၼ် ဢၼ်ပႃးထၢတ်ႈၵၸီႇၼၼ်ႉ လႆႈယဝ်ႉဢေႃႈ။