ပပ်ႉတူမ်ႈႁုင်:ၼိူဝ်ႉၵႆႇသိၵ်ႇၶူဝ်ႈ
ပပ်ႉတူမ်ႈႁုင် | မီႇၵီး | လၢႆးမိုဝ်ႉႁုင် | လၢႆးႁဵတ်း ဢၼ်ၶူဝ်ႈ
လၢႆးႁဵတ်း ၼိူဝ်ႉၵႆႇသိၵ်ႇၶူဝ်ႈ
[မႄးထတ်း]| ၼိူဝ်ႉၵႆႇသိၵ်ႇၶူဝ်ႈ | |
|---|---|
| ပိူင်ထၢၼ်ႈ | လၢႆးႁဵတ်း ဢၼ်ၶူဝ်ႈ |
| ႁဵတ်းတႃႇ | 4 |
| တၢင်းႁိုင် | 20 မိတ်ႉၼိတ်ႉ |
| လွင်ႈႁဵတ်းယၢပ်ႇ |  |
ၼႆႉတႄႉ ၶႂ်ႈမွၵ်ႇလၢတ်ႈၼႄ လွင်ႈဝႃႈ တေႁဵၼ်းႁိုဝ်ႁဵတ်း ၼိူဝ်ႉၵႆႇသိၵ်ႈယွႆႈယွႆႈသေ ၶူဝ်ႈ ဢၼ်တႃႇၵိၼ်ၵၼ်တင်း ၶဝ်ႈႁုင်လႅဝ် (ၶဝ်ႈတူမ်ႈ) ၼၼ်ႉဢေႃႈ။ ၵိၼ်ၶဝ်ႈတူမ်ႈၼႆႉ ၵိၼ်ပဵၼ်တၢင်းၵိၼ်ၵၢင်ၼႂ်လႄႈ ၸၢင်ႈၶူဝ်ႈၼိူဝ်ႉၵႆႇလၢႆးၼႆႉသေ ၵိၼ်ၵပ်းတူၺ်းၶႃႈလႄႈ။
မီႇၵီး ၸိူဝ်းၶဝ်ႈပႃး
[မႄးထတ်း]- ၼိူဝ်ႉၵႆႇ ပွတ်းဢူၵ်း 320 ၵရမ်ႇ
- ၽၵ်းမီႇၽိူၵ်ႇ (ၽၵ်းမီႇႁေႃ) 2 ၵိပ်ႇ (ဢဝ်မိတ်ႈသေ ပေႃႉၽႅပ်ႉဝႆႉ)
- ၶိင်သွင်ၶႅပ်း
- ၼမ်ႉထူဝ်ႇ ၸေႃႉၼမ်ႉၼဵင်ႈ 1 ၸေႃႉ
- ၼမ်ႉသၢမ်ၵွၵ်း (700 မီႇလီႇလီႇတႃႇ) (တွၼ်ႈတႃႇ တူမ်ႈၼိူဝ်ႉၵႆႇ)
- မိၼ်ႉ သၢမ်ပုၼ်ႈၼိုင်ႈပုၼ်ႈ ၸေႃႉၼမ်ႉၼဵင်ႈ
- ၽၵ်းမီႇလႅင် 3 ႁူဝ် (သွႆးဝႆႉမၢင်မၢင်)
- ၽွင်ၼိူဝ်ႉၵႆႇ
- ၽွင်မၢၵ်ႇၽိတ်ႉ ၸေႃႉၼမ်ႉၼဵင်ႈ 1 ၸေႃႉ
- ၼမ်ႉမၼ်း ၸေႃႉၵိၼ်ၶဝ်ႈ 3 ၸေႃႉ
- ၶဝ်ႈႁုင်လႅဝ် (ၶဝ်ႈတူမ်ႈ) 1 ႁေႃႇ
- ၼမ်ႉ 250 မီႇလီႇလီႇတႃႇ
လၢႆးႁၢင်ႈႁႅၼ်း
[မႄးထတ်း]- ၼိူဝ်ႉၵႆႇ တင်း ၶဵင်၊ ၼမ်ႉထူဝ်ႇ၊ ၽၵ်းမီႇႁေႃ သွင်ၵိပ်ႇ သႂ်ႇတင်း ၼမ်ႉသၢမ်ၵွၵ်းသေၵေႃႈ တူမ်ႈဝႆႉပၼ် မွၵ်ႈ 15 မိတ်ႉၼိတ်ႉၼၼ်ႉ။
- ၶိုၼ်းႁႃႉဢဝ် ၼိူဝ်ႉၵႆႇသေၵေႃႈ ဢဝ်မိုဝ်းလႄႈသင်၊ ဢဝ်ၸေႃႉငၢမ်ႈလႄႈသင် ပွၼ်ႈဢဝ်ၼိူဝ်ႉမၼ်းသေ သိၵ်ႇဝႆႉလႄႈ။
- တင်ႈၼမ်ႉမၼ်းသေ ပေႃးၼမ်ႉမၼ်းမႆႈမႃး သႂ်ႇပၼ် မိၼ်ႉဢွၼ်တၢင်းလႄႈ။ ဢဝ်ၽၵ်းမီႇလႅင် ဢၼ်ႁဝ်းသွႆးဝႆႉၼၼ်ႉသေ ၶူဝ်ႈပၼ် ၽႆးယဵၼ်ယဵၼ် ႁႂ်ႈမၼ်းပေႃး ၶွပ်ႈမႃးလႄႈ။ ပေႃးယဝ်ႉ ႁႃႉဢဝ် ၽၵ်းမီႇၶူဝ်ႈၼၼ်ႉသေ ထွင်ၼမ်ႉမၼ်းသေၵေႃႈ သႂ်ႇဝႆႉတီႈၼႂ်း ဝၢၼ်ႇဢၼ်ၼိုင်ႈလႄႈ။
- ၶိုၼ်းဢဝ် ၽွင်မၢၵ်ႇၽိတ်ႉသႂ်ႇတီႈၼႂ်း ၼမ်ႉမၼ်းဢၼ်ၵိုတ်းဝႆႉၼၼ်ႉသေ တဝ်ပၼ်လႄႈ။ ပေႃးယဝ်ႉ ဢဝ်ၼိူဝ်ႉၵႆႇ ဢၼ်ႁဝ်းသိၵ်ႇဝႆႉ မိူဝ်ႈၵႆႈၼၼ်ႉသႂ်ႇသေ ဢဝ်ၽွင်ၼိူဝ်ႉၵႆႇသေထႅင်ႈသေၵေႃႈ ၶူဝ်ႈပၼ်ၽႆးယဵၼ်ယဵၼ် ႁၢၼ်ႉတေႃႇ ၼိူဝ်ႉၵႆႇ ပေႃးၶွပ်ႈမႃးလႄႈ။
- ပေႃးဝႃႈ ၼိူဝ်ႉၵႆႇၼၼ်ႉ ပဵၼ်မႃးၼင်ႇ ဢၼ်ၸဝ်ႈၵဝ်ႈၶႂ်းလႆႈၼႆ ဢဝ် ၽၵ်းမီႇလႅင်ၶူဝ်ႈ ဢၼ်ႁဝ်းႁႃႉဝႆႉၼၼ်ႉ ၶိုၼ်းသႂ်ႇသေ ၶူဝ်ႈပၼ်မွၵ်ႈ 30 ၸႅၵ်ႉၵၢၼ်ႉၼၼ်ႉလႄႈ။ ပေႃးယဝ်ႉယဝ်ႈတႄႉ ဢဝ် ၼိူဝ်ႉၵႆႇၶူဝ်ႈ ၼၼ်ႉ သႂ်ႇၼႂ်းဝၢၼ်ႈလႄႈ။
- ပေႃးတေတူမ်ႈ ၶဝ်ႈတူမ်ႈၵေႃႈ ဢဝ် ၼမ်ႉ 250 မီႇလီႇလီႇတႃႇ သႂ်ႇၼႂ်းမေႃႈသေ တူမ်ႈႁႂ်းၼမ်ႉၽူတ်ႉ။ ပေႃးၼမ်ႉၽူတ်ႉမႃး ဢဝ် ၽွင်ၶဝ်ႈတူမ်ႈ သႂ်ႇသေၵေႃႈ ယွမ်းၽႆးသေ တဝ်ပၼ် မွၵ်ႈ 3 မိတ်ႉၼိတ်ႉ တေႃႇ 5 မိတ်ႉၼိတ်ႉ။
- ပေႃးၼၼ် ၶဝ်ႈတူမ်ႈၵေႃႈ လႆႈယဝ်ႉၼႆ ဢဝ် ၼိူဝ်ႉၵႆႇၶူဝ်ႈၼၼ်ႉ သႂ်ႇတီႈၼႂ်း ၶဝ်ႈတူမ်ႈသေၵေႃႈ ၵိၼ်လႆႈယဝ်ႉ။