ပပ်ႉတူမ်ႈႁုင်:ၶဝ်ႈႁုင်လႅဝ် ၵွၼ်ႈၵဵၼ်း
ပပ်ႉတူမ်ႈႁုင် | မီႇၵီး | လၢႆးမိုဝ်ႉႁုင် | လၢႆးႁဵတ်း ဢၼ်ႁုင်
လၢႆးႁဵတ်း ၶဝ်ႈႁုင်လႅဝ်
[မႄးထတ်း]| ၶဝ်ႈႁုင်လႅဝ် ၵွၼ်ႈၵဵၼ်း | |
|---|---|
| ပိူင်ထၢၼ်ႈ | လၢႆးႁဵတ်း ဢၼ်ႁုင် |
| ႁဵတ်းတႃႇ | 4 |
| တၢင်းႁိုင် | 35 မိတ်ႉၼိတ်ႉ |
| လွင်ႈႁဵတ်းယၢပ်ႇ |  |
ၼႆႉပဵၼ် လၢႆးႁဵတ်း ၶဝ်ႈႁုင်လႅဝ် (ၶဝ်ႈတူမ်ႈ) သႂ်ႇ ၵွၼ်ႈၵဵၼ်း လႄႈ ၽၵ်းယိူဝ်ႈၼၢင်းၶဵဝ် ဢၼ်ၶဝ်ႈပႃး ထၢတ်ႈပရူဝ်ႇတဵင်း လႄႈ ဝီႇတႃႇမိၼ်ႇ B1 ဢၼ်တေထႅင်ႈႁႅင်းပဵၼ် ဢႁႃႇရ တဵမ်ထူၼ်ႈၼၼ်ႉယဝ်ႉ။ လၢႆးႁုင်မၼ်းၵေႃႈ ငၢႆႈငႅမ်ႈသေ တေပၼ်လႆႈတၢင်းဝၢၼ် ၸိူဝ်းပဵၼ် လုၵ်ႈဢွၼ်ႇ ဢိၵ်ႇတင်း ၵူၼ်းထဝ်ႈၵူၼ်းၵႄႇၶဝ်ယူႇဢမ်ႇႁၢင်ႉယဝ်ႉ။ ပေႃးဝႃႈ ဢိမ်ႇၵႂႃႇ ဢၼ်လႆႈၵိၼ် ၶဝ်ႈႁုင်လႅဝ် ၶၢဝ်ၶၢဝ်ၼၼ်ႉယဝ်ႉၼႆတႄႉ ၸၢမ်းတူၺ်းလၢႆးၼႆႉၵေႃႈ လႆႈယူႇၶႃႈ။
မီႇၵီး ၸိူဝ်းၶဝ်ႈပႃး
[မႄးထတ်း]- ၽွင်ႈၶဝ်ႈႁုင်လႅဝ် (25 ၵရမ်ႇ) 4 ႁေႃႇ
- ၼိူဝ်ႉ ဢၼ်ၸဝ်ႈၵဝ်ႇလႆႈၸႂ် (ၵႆႇ/မူ) 20 ၵျၢပ်ႈ
- ႁူဝ်မုင်ႇလႃႇလႅင် 1 ႁူဝ်
- မုင်ႇလႃႇလုင်း ဢိတ်းၼိုင်ႈ
- ၽၵ်းမီႇၶႅဝ် ဢိတ်းၼိုင်ႈ
- ၽွင်ၶဝ်ႈၵၢပ်ႇ ၸေႃႉၵိၼ်ၶဝ်ႈ 1 ၸေႃႉ
- ၵိူဝ် ၸေႃႉၼမ်ႉၼဵင်ႈ 1 ၸေႃႉ
- ၵိူဝ်ဝၢၼ် ၸေႃႉၼမ်ႉၼဵင်ႈ ၶိုင်ႈ ၸေႃႉ
- မၢၵ်ႇၽိတ်ႉပွမ်ႈ ၸေႃႉၼမ်ႉၼဵင်ႈ ၶိုင်ႈ ၸေႃႉ
- မၼ်းၽၵ်းမီႇလႅင်ၶူဝ်ႈ ၸေႃႉၵိၼ်ၶဝ်ႈ 2 ၸေႃႉ
- ၼမ်ႉ 1250 မီႇလီႇလီႇတႃႇ (ၼမ်ႉတဝ်ႈၼမ်ႉသႅၼ်ႈသႂ် 1 လီႇတႃႇၼၼ်ႉ တေမီး တဝ်ႈပၢႆပၢႆ)
လၢႆးႁၢင်ႈႁႅၼ်း တႃႇႁုင်
[မႄးထတ်း]- ဢွၼ်တၢင်းသုတ်း ၽၵ်ႉၼိူဝ်ႉ ဢၼ်ၸဝ်ႈၵဝ်ႇ တေၸႂ်ႉ ၼိူဝ်ႉၵႆႇ (ဢမ်ႇၼၼ်) ၼိူဝ်ႉမူ၊ မုင်ႇလႃႇႁေႃႇ လႄႈ ၽၵ်းမီႇၶဵဝ် ၸိူဝ်းၼႆႉသေ သႂ်ႇဝႆႉ တီႈၼႂ်း ဢၢင်ႇဢၼ်ၼိုင်ႈ။
- တွၼ်ႈတႃႇၼမ်ႉဝၢၼ်မၼ်း သႂ်ႇ ၵိူဝ်၊ ၵိူဝ်ဝၢၼ်၊ မၢၵ်ႇၽိတ်ႉပွမ်ႈ လႄႈ ၽွင်ၶဝ်ႈၵၢပ်ႇ ၸိူဝ်းၼႆႉသေၵေႃႈ တဝ်ပၢၼ်ႇၼူတ်ႈပၼ် ၼိူဝ်ႉ လႄႈ တင်းၽၵ်းၶဵဝ်သေ ႁႂ်ႈမၼ်းၶဝ်ႈၵၼ်လီယဝ်ႉ ႁဵတ်းပဵၼ်ၵွၼ်ႈၵဵၼ်းသေၵေႃႈ ႁၢင်ႈႁႅၼ်းသႂ်ႇဝႆႉပၼ် တီႈၼိူဝ် ဝၢၼ်ႇဢၼ်ၼိုင်ႈလႄႈ။
လၢႆးတူမ်ႈႁုင် ၵမ်းၸၼ်ႉၸၼ်ႉ
[မႄးထတ်း]- ဢဝ်ၼမ်ႉ သႂ်ႇၼႂ်း မေႃႈသေ တင်ႈပၼ် ႁႂ်ႈၼမ်ႉၽူတ်ႉမႃးလႄႈ။
- ပေႃးၼမ်ႉၽူတ်ႉမႃးၼႆႉ ဢဝ် ၵွၼ်ႈၵဵၼ်း (ၵွၼ်ႈၼိူဝ်ႉ) ဢၼ်ႁဝ်းႁဵတ်းၵွၼ်ႈဝႆႉ မိူဝ်ႈၵႆႈၼၼ်ႉသေ သႂ်ႇတူမ်ႈပၼ် ႁႂ်ႈႁိုင်မွၵ်ႈ 5 မိတ်ႉၼိတ်ႉ 10 မိတ်ႉၼိတ်ႉသေ ပေႃးမၼ်းသုၵ်းမႃးယဝ်ႉၼႆ ၶိုၼ်းႁႃႉဢဝ်ဝႆႉသေ ဢဝ်ၽွမ်ၶဝ်ႈႁုင်လႅဝ် ၶိုၼ်းသႂ်ႇ တီႈၼႂ်း ၼမ်ႉတူမ်ႈၵွၼ်ႈၵဵၼ်းၼၼ်ႉသေၵေႃႈ ႁုင်ပၼ် ႁႂ်ႈႁိုင် မွၵ်ႈ 3 မိတ်ႉၼိတ်ႉၼၼ်ႉလႄႈ။
- ပေႃးဝႃႈ တၢင်းလၢဝ်ႈမၼ်းပဵၼ်မႃးၼင်ႇ ပဵၼ်မႃးၼင်ႇၸဝ်ႈၵဝ်ႇ လႆႈၸႂ်ယဝ်ႉၼႆ ယိုတ်းၽႆးသေၵေႃႈ ဢဝ် သႂ်ႇၼႂ်းဝၢၼ်ႇလႄႈ။
- လိုၼ်းသုတ်းမႃး ဢဝ် ၵွၼ်ႈၵဵင်း (ၵွၼ်ႈၼိူဝ်ႉ) လႄႈ ဢဝ် ၼမ်ႉမၼ်းၽၵ်းမီႇလႅင်ၶူဝ်ႈၼၼ်ႉ တၢင်ႇသႂ်ႇၼိူဝ် ၶဝ်ႈႁုင်လႅဝ်ၼၼ်ႉသေၵေႃႈ ၵိၼ်လႆႈယဝ်ႉ။ ပေႃးၶႂ်ႈသႂ်ႇ ၽၵ်းမီႇၶဵဝ် လႄႈ မၢၵ်ႇၽိတ်ႉပွမ်ႈထႅင်ႈၵေႃႈ သႂ်ႇလႆႈယူႇ။