ပပ်ႉတူမ်ႈႁုင်:ၵုင်ႈဢုပ်ႉ

ပပ်ႉတူမ်ႈႁုင် | မီႇၵီး | လၢႆးမိုဝ်ႉႁုင်

လၢႆးႁဵတ်း ၵုင်ႈဢုပ်ႉ

ၵုင်ႈဢုပ်ႉ
ပိူင်ထၢၼ်ႈ	လၢႆးႁဵတ်း ဢၼ်ဢုပ်ႉ
ႁဵတ်းတႃႇ	4
တၢင်းႁိုင်	15 မိတ်ႉၼိတ်ႉ
လွင်ႈႁဵတ်းယၢပ်ႇ

ၵုင်ႈဢုပ်ႉၼႆႉၵေႃႈ မၼ်းပဵၼ် ၽၵ်းမၢၼ်ႈမဵဝ်းၼိုင်ႈ။ ၼမ်ႉဝၢၼ်ၵုင်ႈ လႄႈ တင်းဢူၼ်ႁွမ်ႁွမ်မၼ်းၼၼ်ႉ တေႁဵတ်းႁႂ်ႈလၼ်ႇၵမ်းၶဝ်ႈလီသေဢမ်ႇၵႃး ၶဝ်ႈပႃး ထၢတ်ႈၸိူဝ်း တေယုၵ်ႉပၼ်ပႃး ႁႅင်းၵမ်ႉတူဝ် မိူၼ်ၼင်ႇ ဝီႇတႃႇမိၼ်ႇ B6၊ ဝီႇတႃႇမိၼ်ႇ ၸီႇ လႄႈ ဝီႇတႃႇမိၼ်ႇတၢင်ႇၸိူၵ်း ဢိၵ်ႇတင်း ထၢတ်ႈႁဵၵ်ႇ မိူၼ်ၼင်ႇ ပရူဝ်ႇတဵင်း လႄႈ ဝီႇတႃႇမိၼ်ႇဢီး ၸိူဝ်းၼႆႉၵေႃႈ ၶဝ်ႈပႃးလႄႈ တွၼ်ႈတႃႇ မုင်ႉႁေႃႁိူၼ်းၸဝ်ႈၵဝ်ႇတႄႉၵေႃႈ မၼ်းပဵၼ် ၽၵ်းၶိုၵ်ႉၶႅမ်ႉယူႇ မီႇၼိုင်ႈယဝ်ႉ။

မီႇၵီးၸိူဝ်းၶဝ်ႈပႃး

1. ၵုင်ႈ 800 ၵရမ်ႇ
2. ၽၵ်းမီႇလႅင် 1 ႁူဝ်
3. ၽၵ်းမီႇႁေႃ 2 ၵိပ်ႇ
4. ၽွင်ၼိူဝ်ႉၵႆႇ ၸေႃႉၼမ်ႉၼဵင်ႈဝၢၼ် 2 ၸေႃႉ
5. ၵိူဝ်ဝၢၼ် ၸေႃႉၼမ်ႉၼဵင်ႈဝၢၼ် ၶိုင်ႈၸေၢႉ
6. မိၼ်ႉ ၸေႃႉၼမ်ႉၼဵင်ႈဝၢၼ် 1 ၸေႃႉ
7. မၢၵ်ႇၽိတ်ႉလႅင် 3 ၵရမ်ႇ (သွႆးဝႆႉလႄႈ)
8. ၶိင် 2 သႅၼ်ႇတီႇမီႇတႃႇ (ပွၵ်ႇပိူၵ်ႇဝႆႉ)
9. ၼမ်ႉမၼ်း 120 ၵရမ်ႇ
10. မၢၵ်ႇၶိူဝ်သူမ်ႈ 3 လုၵ်ႈ (သွႆးဝႆႉမၢင်မၢင်)
11. ၼမ်ႉ 100 မီႇလီႇလီႇတႃႇ

ႁၢင်ႈႁႅၼ်းတူမ်ႈႁုင်

1. ဢဝ် ၽၵ်းမီႇလႅင်၊ ၶိင်၊ ၽၵ်းမီႇႁေႃ (ၽၵ်းမီႇၽိူၵ်ႇ)၊ ၽၵ်းမီႇလႅင်ႁူဝ်လဵဝ် လႄႈ မၢၵ်ႇၽိတ်ႉ ၸိူဝ်းၼႆႉ တမ်ဝႆႉ ယႃႇႁႂ်ႈမၼ်းပေႃးဢွၼ်ႇႁႅင်း။
2. ဢဝ်ၼမ်ႉမၼ်း သႂ်ႇ ၼႂ်းမေႃႈ၊ သႂ်ႇ မိၼ်ႉသေ ၶူၼ်းပၼ် တေႃႇဢၢႆႁွမ်မၼ်းပေႃး ဢွၵ်ႇမႃး။ ယဝ်ႉၵေႃႈ ဢဝ်ဢၼ်တမ်ဝႆႉ ၸိူဝ်းၼၼ်ႉ သႂ်ႇသေၵေႃႈ ၶူဝ်ႈပၼ်။
3. ယဝ်ႉၵေႃႈ ဢဝ်မၢၵ်ႇၶိူဝ်သူမ်ႈ ဢၼ်သွႆးဝႆႉၼၼ်ႉသႂ်ႇ၊ ယဝ်ႉၵေႃႈ ဢဝ် ၽွင်ၼိူဝ်ႉၵႆႇ သႂ်ႇ ၸေႃႉၼမ်ႉၼဵင်ႈ 2 ၸေႃႉ လႄႈ သႂ်ႇ ၵိူဝ်ဝၢၼ်သေ ၶူၼ်းတဝ်ပၼ် ႁႂ်ႈမၼ်းၶဝ်ႈၵၼ်လီလီ။
4. ဢဝ်ၵုင်ႈသႂ်ႇ၊ သႂ်ႇၼမ်ႉသေ တဝ်ပၼ်ဢိတ်းဢွၼ်း။ ဝႆႉၽႆးဢမ်ႇပေႃးႁႅင်းႁႅင်းသေၵေႃႈ တင်ႈပၼ်သေ မွၵ်ႈ 5 မိတ်ႉၼိတ်ႉ။
5. ဢဝ်သႂ်ႇၼႂ်းဝၢၼ်ႇသေ ဢဝ်ၽၵ်းၵီးဢုမ်ႇၼိူဝ်မၼ်းသေၵေႃႈ ၵိၼ်လႆႈယဝ်ႉ။