တူဝ်သွမ်ၼူမ်း/သၢင်ႇသီႈ
သၢင်ႇသီႈ ပဵၼ် ၸိူဝ်ႉမႅဝ်း တူဝ်ထိူၼ်ႇလိူင်းလူင်လူင် ၸိူဝ်ႉၼိူင်ႈၼၼ်ႉယဝ်ႉ။ ၵမ်ႉၼမ်ၼမ် ၶဝ်ယူႇတီႈ ဢၾ်ႉၾရီးၵႂ်း ၽၢႆႇၸၢၼ်းပႃႇႁၢတ်ႇသၢႆလူင် သႂ်ႇႁႃးရႃးၼၼ်ႉယဝ်ႉ။ မၢင်ႊၽွင်ႈ ဢွၼ်ႇၶဝ်တႄႉသမ်ႉ ယူႇတီႈ ဢိၼ်းတီးယႂ်းယဝ်ႉ။ သၢင်ႇသီႈ တူဝ်ပေႃႈ ဢၼ်ယႂ်ႇတဵမ်ထူၼ်ႈလီငၢမ်းယဝ်ႉၼၼ်ႉ တေၸၢင်ႊမီး ၼမ်ႉၼၵ်း တေႃႇထိုင် 400-ပွင်ႇ (181 ၵီးလူဝ်း)သေ ပေႃးၸုၵ်း တေၸၢင်ႊသုင်လႆႈ မွၵ်ႈ သၢမ်ထတ်း (91-သႅၼ်းတီးမီးတႂ်း) တေႃႇထိုင်ႁူဝ်မႃႇၶဝ်ၼၼ်ႉယဝ်ႉ။
သၢင်ႇသီႈၶဝ်ၼႆႉ ပဵၼ်ၸိူဝ်ႉမႅဝ်း ဢၼ်လဵဝ်လဵဝ် ဢၼ်ၸၢင်ႊယူႇၸွမ်းၵၼ် ပဵၼ်ၽုင် ဢၼ်ႁွင်ႉဝႃႈ ၸုမ်းဢူ ၼၼ်ႉယဝ်ႉ။ ၼိူင်ႈၸုမ်းဢူၼႆႉ ၵႆႉၸၢင်ႊမီးသၢင်ႇသီႈ မွၵ်ႈ သိပ်းသွင်တူဝ်လႂ်ယဝ်ႉ။ ႁူမ်ႈပႃးတင်း တူဝ်မႄႈ ၼိူင်ႈတေႃႇသီႇတူဝ်၊ တင်းသၢင်ႇသီႈဢွၼ်ႇ ဢၼ်ွႁ်ႉဝႃႈ ဢေဝၢၼ်ႇၼၼ်ႉၶဝ်လႂ်ယဝ်ႉ။ သၢင်ႇသီႈၶဝ်ၼႆႉ ပဵၼ်ၼိူဝ်ႈသင်ၵေႃႈလီ ပေႃးပဵၼ်ဢၼ်ၶဝ်ႁႃႈလႆႈၼၼ်ႉၼႆ ၶဝ်ၵိၼ်ယဝ်ႉ။ ႁူမ်ႈပႃးတင်း တူဝ်သတ်းတၢႆၶဝ်ယဝ်ႉ။ ၶဝ်သူႈမိုတ်ႈ တႃႇဢဝ်တၢႆ တူဝ်သတ်းယႂ်ႇ မိူၼ်ၸိူဝ်ႉၼင်ႇ မႃႉလၢႆးလႂ်ယဝ်ႉ။ ၼႆႉ မၼ်းၸင်ႇၸၢင်ႈလဵင်ႉလႆႈ ၸုမ်းဢူၶဝ်တင်းသဵင်ႈၼၼ်ႉယဝ်ႉ။ သၢင်ႇသီႈၶဝ် ၵႆႉၵႆႉတႄႇဢွၵ်ႇႁႃၵိၼ် မိူဝ်ႈၼႃႈႁူဝ်ၶမ်ႈယဝ်ႉ။ တူဝ်သၢင်ႇသီႈမႄႈၶဝ် သမ်ႉပႂ်ႉငွႆးသေ ဢဝ်တူဝ်ယိူဝ်ၶဝ် တၢႆယဝ်ႉ။
- ဝၢႆးသေ သၢင်ႇသီႈတူဝ်မႄႈၶဝ် လႆႈဢဝ်တူဝ်သတ်းသေတူဝ် တၢႆယဝ်ႉၼႆၸင်ႇ သၢင်ႇသီႈတူဝ်ပေႃႈ တေၽုတ်းမႃး တႃႇၵိၼ်ယဝ်ႉ။ သၢင်ႇသီႈတူဝ်ပေႃႈယေႈတူဝ်ႈၼႆႉ ၼႂ်းၵႃႊ ယေႈတႃႇမၼ်းၸၢင်ႊၵိၼ်လႆႈၼိူဝ်ႉ 75-ပွင်ႇ (34-ၵီးလူဝ်းၵရႅမ်း)လႂ်ယဝ်ႉ။
- သၢင်ႇသီႈတူဝ်မႄႈၵမ်ႈၼမ်ၼမ်ၶဝ်ၼႆႉ ၵႆႉၸၢႆႇၶၢဝ်းယၢဝ်းၸူဝ်ႊၸၢတ်ႈၶဝ် ယူႇၵႂႃႇတီႈၼႂ်းၸုမ်းဢၼ်လဵဝ်ယဝ်ႉ။ တူဝ်ပေႃႈ ဢၼ်ယႂ်ႇထူၼ်ႈယဝ်ႉၶဝ်ၼႆႉ ယူႇၸွမ်း တီႈၼႂ်း ၸုမ်းဢူၶဝ်တႃႇလၢႆလိူၼ်သေ ယဝ်ႉၵေႃႈ ဝၢႆးမႃး တူဝ်ပေႃႈတၢင်ႇတူဝ်ၶဝ်သမ်ႉ မႃးဢဝ်တီႈ တႅၼ်းတၢင်မၼ်းယဝ်ႉ။