တူဝ်သွမ်ၼူမ်း/သိူဝ်ၸုမ်ႈလူင်

သိူဝ်ၸုမ်ႈလူင် ဢႃႇၾရီၵၼ်ႇ တီႈႁိမ်းၼွင် ပၼ်းၼိၵ်ႉ တီႈသူၼ်ၸိူဝ်ႉၸတ်ႈ ၵရူႇၵႃႇ၊ ဢႃႇၾရိၵၸၢၼ်း။

သိူဝ်ၸုမ်ႈလူင် ပဵၼ် မဵဝ်းသႅၼ်းၶိူဝ်းမႅဝ်း ဢၼ်မီးႁွႆႈၸုမ်ႈလွၵ်းယႂ်ႇလူင် တီႈတူဝ်ၶဝ် ဢၼ်ၸၢင်ႊႁၼ်လႆႈတီႈ ဢၾ်ႉၾရီးၵႂ်း တင်း ဢေးသီးယႂ်း ၽၢႆႇၸၢၼ်းၼၼ်ႉယဝ်ႉ။ သိူဝ်ၸုမ်ႈ မဵဝ်းၼင်သီလမ် ၶဝ်သမ်ႉ ဢွၼ်ၵၼ်ႁွင်ႉဝႃႈ သိူဝ်လမ် (ပႅၼ်းတႂ်းသ်) ၼႆယဝ်ႉ။ ၶိူဝ်းမႅဝ်းၵမ်ႈၼမ်ၼမ်ၶဝ်ၼႆႉ မေႃၶိုၼ်ႈလႆႈ တူၼ်ႈမႆႉယဝ်ႉ။ ၵူၺ်းၵႃႊ သိူဝ်ၸုမ်ႈလူင်ၶဝ်ၸမ်း ပဵၼ်တူဝ်ၵႅပ်ႉတူၼ်ႈမႆႉယဝ်ႉ။ တၢင်းယႂ်ႇသိူဝ်ၸုမ်ႈလူင် ဢၼ်ၽဵင်ႈမၼ်းၼႆႉ ၸၢင်ႊမီးတၢင်းယၢဝ်း မွၵ်ႈ ႁူၵ်းထတ်း (1.8 မီးတႂ်း) ယဝ်ႉ။ ပႃးတင်းႁၢင်ဢၼ်ယၢဝ်း 21/2 ထတ်း (76) သႅၼ်းတီးမီးတႂ်း)၊ ၼမ်ႉၼၵ်းသမ်ႉ လုၵ်ႉ 75-တေႃႇ 125-ပွင်ႇ (34 57 ၵီးလူဝ်းၵရႅမ်း) ယဝ်ႉ။

သိူဝ်ၸုမ်ႈလူင်ၶဝ်ၼႆႉ ၵိၼ်တူဝ်သတ်းႁမ်ႉ ၶႂ်ႈၵူႈမဵဝ်း ၼင်ႇဢၼ်ၶဝ်တိလႆႈၼၼ်ႉယဝ်ႉ။ ႁူမ်ႈပႃး-ပႃၶဝ်၊ လိူမ်ၶဝ်၊ မႃထိူၼ်ႇၶဝ်၊ ၽၢၼ်းၶဝ် ၵႂၢင်ၶဝ်၊ ဢိၵ်ႇတူဝ်သတ်းလဵင်ႉလူၶဝ် လႂ်ၵွၼ်ႇယဝ်ႉ။ သိူဝ်ၸုမ်ႈလူင်ၶဝ်ၼႆႉ ၵၢၼ်းၸူးတေႃႇ တူဝ်ယိူဝ်ႇမၼ်းသေ လႄႈ သင် ဢမ်ႇၼၼ် လုၵ်ႉတီႈၼိူဝ်မႆႉသေ ဝႅၼ်ႁူမ်ႇသႂ်ႇၼိူဝ်ၶဝ်လႄႈသင် တီႉဢဝ်ယဝ်ႉ။ ၶဝ်တေလၢၵ်ႈဢဝ် တူဝ်တၢႆ ဢၼ်ပဵၼ် တူဝ်ယိူဝ်ႇၶဝ်ၼၼ်ႉ ၶိုၼ်ႈၵႂႃႇ တီႈသုင် ၼႂ်းပၢႆတူၼ်ႈမႆႉတေႃႇ ယႃႇႁႂ်ႈတူဝ်သတ်းတၢင်ႇၸိူဝ်းၶဝ် ၸၢင်ႊၶိုတ်ႉလႆႈၼၼ်ႉယဝ်ႉ။

• သိူဝ်ၸုမ်ႈလူင် ၵမ်ႈၼမ်ၼမ်ၶဝ်ၼႆႉ ယူႇတီႈၼႂ်းထိူၼ်ႇမႆႉလူင် ဢမ်ႇၼၼ် ၼိူဝ်လွႆလူင်ၶဝ်လႂ်ယဝ်ႉ။ ၶဝ်ၵမ်ႈၼမ် ၵႆႉ ၵႂႃႇတၢင်း တူဝ်လဵဝ်ၵွၺ်းသေ ႁႃၵိၼ်ယိူဝ်ႇ မိူဝ်ႈၵၢင်ၶမ်ႈယဝ်ႉ။

• သိူဝ်ၸုမ်ႈလူင် လႄႈ ဢေသိူဝ်ၸုမ်ႈဢွၼ်ၶဝ်ၼႆႉ ပေႃးဝႃႈ ၵိၼ်ဢိမ်ႇတွင်ႉယဝ်ႉၼႆ ၶဝ်ၵႆႉဢၢပ်ႇၼမ်ႉ မူတ်းသႂ် တီႈတူဝ်ၶဝ်ယဝ်ႉ။ ၶဝ်လေးပၼ်တူဝ်ၵဝ်ႇၶဝ် ႁႂ်ႈၵဵင်ႈသႂ်ဝႆႉယဝ်ႉ။ သိူဝ်ၸုမ်ႈလူင် (ပႃႇထိူၼ်ႇ) ၶဝ်ၼႆႉၸၢင်ႊယူႇလႆႈတေႃႇ ၸူဝ်ႊၶူပ်ၵႇ 25-ပီ လႂ်ယဝ်ႉ။

←  သိူဝ်ၸုမ်ႈပၢင်ႇ  ●  သၢင်ႇသီႈ →