တူဝ်သွမ်ၼူမ်း/ယီးလၢႆးၶေႃးယၢဝ်း

ယီးလၢႆးၶေႃးယၢဝ်း သၢမ်တူဝ်။

ယီးလၢႆးၶေႃးယၢဝ်း ပဵၼ်တူဝ်သွမ်ၼူမ်း ဢၼ်သုင်သေပိူၼ်ႈ ထီႈသုတ်းၼၼ်ႉယဝ်ႉ။ ၶဝ်ယူႇတီႈ ဢၾ်းၾရီးၵႂ်း တီႈလႅၼ်ႊပၢင်ႇပဵင်းယိူဝ်ႈယႃႈ တင်းတီႈသၢပ်ႇလႅၼ်ႊပႃႇထိူၼ်ႇမႆႉလႂ်ယဝ်ႉ။ တႃႇမိူဝ်ႈပွၵ်ႈၼိူင်ႈၼၼ်ႉ ၶဝ်ၼႆႉ လႆႈႁၼ်ၸွတ်ႇတူဝ်ႈတင်းလိုမ်လိၼ်လူင်ယူႇ။ ၵမ်းၼႆႉတႄႉ ၵမ်ႈၼမ်ၼမ် ၶဝ်ယူႇတီႈ ပွတ်းတၢင်းဢွၵ်ႇ ဢၾ်ႈၾရီးၵႂ်းၵွၺ်းယဝ်ႉ။ ယီးလၢႆးၶဝ်ၼႆႉ လႄႇၵႂႃႇတၢင်းၸွမ်းၸုမ်းဢွၼ်ႇ ဢၼ်ယေႈၸုမ်းတူဝ်ပေႃႈယေႈတူဝ် ဢွၼ်ႁူဝ်ၵႂႃႇၼၼ်ႉယဝ်ႉ။ ယီးလၢႆးတူဝ်ပေႃႈ ယေႈတူဝ်ၼႆႉ ၸၢင်ႊၸုၵ်းသုင်လႆႈ 18-ထတ်း (5.5 မီးတႂ်း)ယဝ်ႉ။ ၼမ်ႉၼၵ်းၶဝ်ၵေႃႈ ၸၢင်ႊမီးလႆႈ ယ1 တၼ်းၶိုင်ႈ (1362 ၵီးလူဝ်း)ယဝ်ႉ။ တူဝ်မႄႈၶဝ်သမ်ႉ ၸၢင်ႊမီးမွၵ်ႈ ယေႈတၼ်း (908 ၵီးလူဝ်း)ယဝ်ႉ။ ၵွၵ်းႁူဝ်တင်း ၶေႃးယီးလၢႆးၶဝ်ၼႆႉ ပေႃးမီးဝႆႉ တႃႇမွၵ်ႈၼိူင်ႈၶိုင်ႈတၢင်းသုင်ၶဝ်ယဝ်ႉ။ ၶေႃးယၢဝ်းလူင် ယီးလၢႆးၶဝ်ၼႆႉ ၸွႆႈထႅမ်ပၼ်မၼ်းတီႈ လၢႆတၢင်းတေႉတေႉယဝ်ႉ။ ယီးလၢႆးၶဝ် ၸၢင်ႊယဵင်းႁၼ်လႆႈတူဝ်ၶဵၼ်ၶဝ် ၸဵမ်မိူဝ်ႈၶဝ်တိုၵ်ႉမီးဝႆႉ တီႈၵႆၵႆၼၼ်ႉလႂ်ယဝ်ႉ။ ယဝ်ႉၵေႃႈ ယီးလၢႆးၼႆႉ ၸၢင်ႊၵိၼ်လႆႈမႂ်ႊမႆႉ ၸိူဝ်းမီးတီႈသုင်သုင် ၼိူဝ်တူၼ်ႈ ဢမ်ႇၼၼ် တီႈတူၼ်ႈမႆႉ ဢၼ်တူဝ်သတ်းတၢင်ႇၸိူဝ်းၶဝ် ဢမ်ႇၸၢင်ႊယိုၼ်းၶိုတ်းလႆႈၼၼ်ႉလႂ်ယဝ်ႉ။

တူဝ်ၶဵၼ်လူင်ပိူင်ယႂ်ႇ တီႈ ယီးလၢႆးၶဝ်ၸမ်း ပဵၼ်သၢင်ႇသီႈယဝ်ႉ။ သၢင်ႇသီႈၶဝ် တေပႂ်ႉၶဝ်ႈတိုၵ်းသႂ်ႇ ယီးလၢႆးတူဝ်ၼိူင်ႈ မိူင်ႈၽွင်းမၼ်း ဢႃႈတိၼ်မၼ်းသေ တေၵူမ်ႈလူင်းတေႃႇၼႃႈၼမ်ႉသေ ၵိၼ်ၼမ်ႉ ဢမ်ႇၼၼ် တႃႇၵိၼ်ယုမ်းၸိူဝ်းတႅမ်ႇၼၼ်ႉလႂ်ယူႇယဝ်ႉ။ ၽွင်းၼင်ႇၼၼ်ၼၼ်ႉၼႆ ယီးလၢႆးၶဝ်ၼႆႉ ၵမ်ႈၼမ်ၼမ် ဢမ်ႇၸၢင်ႈႁဵတ်းႁိုဝ်လႆႈၼၼ်ႉယဝ်ႉ။ ၵူၺ်းၵႃႊ ယီးလၢႆးတူဝ်ၼိူင်ႈၼႆႉ ၸၢင်ႊဢဝ်တၢင်းပေႉလႆႈ ဢမ်ႇၼၼ် ဢဝ်တၢႆလႆႈတေႃႇ သၢင်ႇသီႈတူဝ်ၼိူင်ႈ တင်း တိၼ်ႁႅင်းယႂ်ႇလူင်မၼ်း ၶိတ်းပိတ်ႉသႂ်ႇၵမ်းလဵဝ်ၼၼ်ႉလႂ်ယူႇ။

ယီးလၢႆးၵမ်ႈၼမ်ၶဝ်ၼႆႉ လႆႈၶၢမ်ႇတၢင်းလႃႊထိူၼ်ႇၶဝ် ဢဝ်တၢႆ ယွၼ်ႉတႃႇၵိၼ်ၼိူဝ်ႉမၼ်း လႄႈ ဢဝ်ၼင်လၢႆးမၼ်းၼၼ်ႉၵွၺ်းယဝ်ႉ။

• ယီးလၢႆးၶေႃးယၢဝ်းၼိူင်ႈတူဝ်ၼႆႉ ၸၢင်ႊလႅၼ်ႈလႆႈတေႃႇတၢင်းဝႆး ယေႈၸူဝ်ႊမူင်း မွၵ်ႈ 30-လၵ်း (40 ၵီးလူဝ်းမီးတႂ်း)လႂ်ယူႇယဝ်ႉ။

←  မိင်ႇ  ●  ယိူင်း →