တူဝ်သွမ်ၼူမ်း/ယိူင်း
ယိူင်း ဢမ်ႇၼၼ် ပႄႉၽႃၼႆႉ ပဵၼ်တူဝ်သွမ်ၼူမ်း ဢၼ်မီးၵိပ်ႇတိၼ် တင်း ၶဝ်ပွတ်းလိမ်ႇ သီလမ်ၼၼ်ႉယဝ်ႉ။ ယိူင်းၼႆႉ ၵႆႉတိူဝ်းႁူႉၸၵ်းမၼ်းဝႃႈ ပဵၼ် ပႄႉၽႃ (ပႄႉလွႆ)ၼႆယဝ်ႉ။ တီႈတေႉမၼ်း ၶဝ်ဢမ်ႇၸႂ်ႈပႄႉ တေႉတေႉသႄႈ။ ၵူၺ်းၵႃႊ ပႄႉၵႂၢင်ဢိူဝ်ႈ။ ပဵၼ်ၸၢဝ်းၶိူဝ်းပီႈၼွင်ႉတေႃႇ ၶျၢမ်းမွၺ်ႉသ် (ၵႂၢင်လွႆၵွၼ်ႇ) ယေႃးရွပ်ႉပီးယၼ်းယဝ်ႉ။ ၶဝ်ယူႇတီႈၼိူဝ်ႁၢဝ်းလွႆလူင် ဢမႄးရီးၵႂ်းႁွင်ႇ တင်ႈဢဝ်ဢလၢသ်ႉၵႂ်း တေႃႇထိုင် မွၼ်ႇတၼ်းၼႃးယဝ်ႉ။
ယိူင်းတီႈလွႆလူင် ရွၵ်ႉၵီးၶ်ၼႆႉ ပဵၼ်တူဝ်ၶိုၼ်ႈလွႆၽႃ ၵႅပ်ႉတေႉတေႉယဝ်ႉ။ ၶဝ်ၸၢင်ႊၵႂႃႇပႆလႆႈ တီႈဢၼ်ၽႃၸၼ်းလႂ် တီႈၼိူဝ်ႁႃမူၺ်လႂ်ၶဝ်ယဝ်ႉ။ ၶဝ်မီးၶူၼ်ၶၢဝ် ဢၼ်ၼႃယၢဝ်းသေ ပေႃးပဵၼ်ဝႆႉၼင်ႇသၼ်တႃႇ တီႈၵွင်းလင်ၶဝ်ဝႆႉယဝ်ႉ။ ၶူၼ်ၶၢဝ်လူင်ၼႆႉ သိူင်ႇလပ်ႉပၼ်ၶဝ် တေႃႇၽူႈၶဵၼ်ၶဝ် တီႈၼႂ်းပႃႇမူၺ်ႁႃယဝ်ႉ။ ၶဝ်ၵိၼ်တဝ်းၵႆးလႂ်၊ ဢွင်ႇလွတ်ႈၸွမ်းႁိၼ်ၶဝ်လႂ် ဢိၵ်ႇတူၼ်ႈ ဢၼ်ဢွၵ်ႇတီႈလွႆၶဝ်လႂ်ယဝ်ႉ။
- ပႄႉၽႃလွႆလူင်ရွၵ်းၵီးၶဝ်ၼႆႉ ၸၢင်ႊၶိုၼ်ႈလႆႈ တီႈႁိုၵ်းၸၼ်းလႂ်ၶဝ်ယဝ်ႉ။ ၵိပ်ႇတိၼ်ၶဝ် မီးၶွပ်ႇၽၢႆ ဢၼ်ၸၢင်ႊ လွမ်ႉႁႄႉပၼ်လႆႈ ဢူင်ႈဢူၼ်ႈၽၢႆႇၼႂ်းမၼ်းသေ ၼႆႉႁဵတ်းႁႂ်ႈၶဝ် ယၼ်မၼ်ႈလႆႈ တီႈၽႃႁိၼ်ၶဝ်ယူႇယဝ်ႉ။
- ပႄႉၽႃလူင်ရွၵ်ႉၵီး တူဝ်ပေႃႈၶဝ်ၼႆႉ ၸၢင်ႊသုင်လႆႈ တေႃႇသၢမ်ထတ်း (91 သႅၼ်းတီးမီးတႂ်း) ထိုင်ႁူဝ်မႃႇၶဝ်၊ သမ်ႉမီးၼမ်ႉၼၵ်း တေႃႇထိုင် 200 ပွင်ႇ (91-ၵီးလူဝ်းၵရႅမ်း) ၵွၼ်ႇယဝ်ႉ။
← ယီးလၢႆးၶေႃးယၢဝ်း ● ယႅၵ်ႉ →