တူဝ်သွမ်ၼူမ်း/မူၼ်ႈငႃး

မူၼ်ႈငႃး မီးယူႇတီႈ ပႃႇၼမ်ႉၶႅင်

မူၼ်ႈငႃး ပဵၼ်တူဝ်သွမ်ၼူမ်း ယူႇပၢင်ႇလၢႆႇ သမ်ႉမီးငႃးလူင်ဝႆႉ ထၢင်ႇၸႅင်ႈၼၼ်ႉယဝ်ႉ။ တူဝ်ပေႃႈၵေႃႈလီ တူဝ်မႄႈၵေႃႈလီ တင်းသွင်ၼႆႉ မီးငႃး ၼင်ႇၵၼ်ယဝ်ႉ။ ၶဵဝ်ႈငႃးယၢဝ်းလူဝ်ၶဝ် ပဵၼ်ၶဵဝ်းငႃးၵၢႆႇၼိူဝ်သေယဝ်ႉ ပေႃးပဵၼ်တူဝ်ပေႃႈ ဢၼ်ယႂ်ႇထူၼ်ႈၼႆ ၸၢင်ႊယႂ်ႇယၢဝ်းတေႃႇထိုင် သၢမ်ထတ်း (91-သႅၼ်းတီးမီးတႂ်း)ၵွၼ်ႇယဝ်ႉ။ မူၼ်ႈငႃးၶဝ်ၼႆႉ ၶဝ်ၸႂ်ႉတိုဝ်းငႃးလူင်ၶဝ် တႃႇၵၢၼ်းၶိုၼ်ႈလႆႈၼိူဝ် ၶႅပ်းၼမ်ႉၶႅင်ၽူးၶဝ်လႂ်၊ တႃႇတိုၵ်းတေႃးလႂ်၊ သမ်ႉ တႃႇၶုတ်းဢဝ်ပႃၵၢပ်ႇငႄ ၶဝ်လႂ် ပႃၵၢပ်ႇလၢဝ်ၶဝ်လႂ်ၼၼ်ႉယဝ်ႉ။ မူၼ်ႈငႃးၶဝ် ယူႇတီႈၼမ်ႉလူင်ဢႃးတိတ်ႉယဝ်ႉ။ တူဝ်ပေႃႈၼႆႉ ၸၢင်ႊယႂ်ႇထိုင်တေႃႇ တၢင်းယၢဝ်း 12-ထတ်း (3.7 မီးတႂ်း)သေ ၼမ်ႉၼၵ်းၸၢင်ႊမီးတေႃႇ 3,000 ပွင်ႇ (1,361 ၵီးလူဝ်း)ယဝ်ႉ။ မူၼ်ႈငႃးၶဝ် မီးၼင်ၼႃ ဢၼ်ၵႅၼ်ႇၶႅင်သေ သမ်ႉ ႁူႇႁမ်းဝႆႉ သမ်ႉဢမ်ႇမီးၶူၼ်ၼၼ်ႉယဝ်ႉ။ ၽၢႆႇတႂ်ႈၼင်ၼႃၶဝ်ၼႆႉ ၶဝ်သမ်ႉ မီးထႅင်ႈ ၸၼ်ႉၶႆမၼ်း ဢၼ်ၼႃပဵၼ်လၢႆပႅတ်ႉတေႉတေႉသေ၊ မၼ်းၸိူဝ်းၼႆႉ သမ်ႉႁႄႉၵင်ႈပၼ်ၶဝ် ႁႂ်ႈၸင်ႈလႆႈတေႃႇ တၢင်းၵတ်းယဝ်ႉ။ ၵူၼ်း ဢႅသ်ႉၵီးမူဝ်းၶဝ် ငွႆးယိုဝ်းမူၼ်ႈငႃး တႃႇၵိၼ်ၼိူဝ်ႉၶဝ်လႄႈ တႃႇႁႂ်ႈလႆႈၸႂ် ၼင်ၶဝ် တင်း ငႃးၶဝ် ၼၼ်ႉယဝ်ႉ။

• မူၼ်ႈငႃးၶဝ် ၵမ်ႈၼမ် ၵႆႉယူႇၸွမ်းၵၼ် ပဵၼ်ၽုင်ယႂ်ႇၸုမ်းလူင်ယဝ်ႉ။ ပေႃးၶဝ်မႆႈမႃး တင်းၽုင်တင်းၸုမ်း ၶဝ်ၶၢႆႉၷႂႃႇၸူးၼမ်ႉတၢင်းႁွင်ႇ တီႈ ဢၼ်ၵႆၵႆၼၼ်ႉယဝ်ႉ။

• မူၼ်ႈငႃးလူင်ပၢင်ႇလၢႆႇၶဝ်ၼႆႉ ၸၢႆႇယူႇၸူဝ်ႊပၢၼ်ၶဝ် ၼႂ်းၼမ်ႉၵၢမ်ႈၶႅင်ၵွၺ်းယဝ်ႉ။

←  မဵၼ်ႈ  ●  မူၼ်ႈပၢင်ႇလၢႆႇ →