ၸဝ်ႈထေရ်မေႇၶိယ

ၸဝ်ႈထေရ်မေႇၶိယ

ၸဝ်ႈထေရ် မထေရ်မေဃိယမေႇၶိယၼႆႉ ပဵၼ်ၽူႈလူႁၼ်လုမ်းလႃးၿုၻ်ꩪၸဝ်ႈ မိူဝ်ႈၽွင်းယၢမ်း ပႆႇတဵမ် (20)ဝႃႇ ၼၼ်ႉယဝ်ႉ။ ၸဝ်ႈမေႇၶိယၼႆႉ မိူဝ်ႈပႆၸွမ်းႁဵတ်းဝတ်ႈဝၢတ်ႈ လူလွမ်လုမ်းလႃး Buddha ဗုဒ္ဓၿုၻ်ꩪ ၸဝ်ႈၼၼ်ႉ ယင်းတိုၵ်ႉပဵၼ်ၸဝ်ႈပုထုၸၼ်ႇ ပႆႇလႆႈမၢၵ်ႈၽူဝ်ႇသင်၊ ယွၼ်ႉၼၼ်လႄႈ ၿုၻ်ꩪ ၸဝ်ႈ ၸင်ႇဢဝ်ၶေႃႈတြႃး မေႃႁႂ်ႈထိင်းတူဝ်ၼၼ်ႉ ႁေႃးၼေသေ ႁၢၼ်ႉတေႃႇပေႃးလႆႈထိုင်တြႃး ၸၼ်ႉသေႃးတႃႇပတ်တိၽလယူႇယဝ်ႉ။ မိူဝ်ႈၿုၻ်ꩪၸဝ်ႈ ပႆႇတဵမ်သၢဝ်းဝႃႇ ၼႂ်းမိူဝ်ႈပထမပေႃး ထိ ၼၼ်ႉ ၸဝ်ႈမေႇၶိယၼႆႉ လူႁၼ်လုမ်းလႃးပုတ်ႉထၸဝ်ႈသေ မိူဝ်ႈဝၼ်းၼိုင် ၸဝ်ႈမေႇၶိယ ၸွၼ်ႇတုင်းသွမ်းၼႂ်းဝဵင်း တီႈဝၢၼ်ႈ ၸၼ်ႇတုၵႃႇမ၊ ၶိုၼ်းသိုပ်ႇၵႂႃႇတီႈၽင်ႇၼမ်ႉ ၵိမိၵႃႇလယႃႇၼ သေ သုင်းၵိၼ်ၶဝ်ႈသွမ်းယဝ်ႉ။ ပေႃးယဝ်ႉ ပႆၽၢႆႈသၢင်းၵျၢၼ်ႇ ႁႂ်ႈပေႃးပေႇၵူၼ်ႉ ၶိုၼ်ႈၼၼ်ႉသေ ၵႂႃႇထူပ်းႁၼ် သူၼ်မၢၵ်ႇမူင်ႈ ဢၼ်ၶႅမ်ႉလီ ယဵၼ်လီတီႈၼိုင်ႈယဝ်ႉ။ မၼ်း ဢွၵ်ႇၸႂ် ၶႆႈၼင်ႈတြႃးသေ ယွၼ်းၶၢင်ႉတီႈၿုၻ်ꩪၸဝ်ႈယဝ်ႉ။ ပုတ်ႉထၸဝ်ႈၸင်ႇဝႃႈ “ၸဝ်ႈမေႇၶိယဢိူၺ် ၸူဝ်ႈၵႃႈ ၽူႈလူႁၼ်လုမ်းလႃးၵဝ်ၽြႃး ၵေႃႉ မႂ်ႇပႆႇပေႃႇမႃးၼၼ်ႉ ၸဝ်ႈယိူၼ်ႉၸႂ်သေ သိုပ်ႇပႂ်ႉထႅင်ႈလူးၵွၼ်ႇ” ပုတ်ႉထလၢတ်ႈၼင်ႇၼႆ ၵူၺ်း ၸဝ်ႈမေႇၶိယ ဢမ်ႇယွမ်းလႄႈ ၵမ်းၵမ်းတုၵ်းယွၼ်းယူႇလႄႈ ပုတ်ႉထၸင်ႇၶိုၼ်းဝႃႈ “မေႇၶိယ ၵဝ်ၽြႃးဢမ်ႇၸၢင်ႈႁၢမ်ႈတပ်ႉၸဝ်ႈလႆႈ လွင်ႈၸဝ်ႈၶႆႈၼင်ႈၵမ်ႇမထၢၼ်းၼႆႉ ဢဝ်ၸႂ်ၸဝ်ႈဝႃႈ ယဝ်ႉၼႃႈ” ပူင်ၶေႃႈဝႃႈၼႆသေ ၸဝ်ႈမေႇၶိယၵေႃႈ ၸင်ႇၶဝ်ႈၵႂႃႇၼင်ႈၵမ်ထမ်း တီႈၼႂ်းသူၼ် မၢၵ်ႇမူင်ႈၼၼ်ႉယဝ်ႉ။ မိူဝ်ႈတိုဝ်းၵမ်ၼင်ႈၵမ်မထၢၼ်းယူႇၼၼ်ႉ ဢၵုသူဝ်ႇဝိတၵ်ၵသၢမ်ယိူင်ႈ ၽုတ်းပေႃႇမႃး တီႈၼႂ်းတူဝ်ၶၼ်ႇထႃႇ ၸဝ်ႈမေႇၶိယယဝ်ႉ။ ၸႂ်ဝိတၵ်ၵသၢမ်ပိူင်ၼၼ်ႉ 1-ၵႃႇမဝိတၢၵ်ႈ-ဢၼ် ၵဵဝ်ႇလူၺ်ႈ ၸႂ်ၵႃႇမၵုင်ႇ (ၸႂ်ၶႆႈၼူမ် ၶႂ်ႈႁွမ်းသွင် ဢၼ်တၼ်ႇႁႃႇဢွၼ်ႁူဝ်) ၸိူဝ်းၼႆႉပေႃႇမႃး ပိူင်ၼိုင်ႈ။ 2-ပျႃႇပႃႇတဝိ တၢၵ်ႈ- ၸႂ်ဢၼ်ၶႂ်ႈႁႂ်ႈပိူၼ်ႈလုလႅဝ်သုမ်း ၸႂ်ၶႆႈၶႃႈႁႅမ်တၢႆပိူၼ်ႈ၊ ၸႂ် ၶႆႈတဵၵ်းတဵင်ပိူၼ်ႈ ဢၼ်မီးၸႂ် တေႃးသၶၢမ်ႇငဝ်ႈမၼ်းၼၼ်ႉ ပေႃႇမႃးယဝ်ႉ။ 3-ဝိႁိင်သဝိတၢၵ်ႈ ၸႂ်ၶႆႈတဵၵ်းငႅၼ်းသတ်တဝႃႇ၊ ၸႂ်ဢၼ်ဢမ်ႇမီးလွင်ႈဢေးလူၼိူဝ်ပိူၼ်ႈၼၼ်ႉ ပေႃႇမႃးယဝ်ႉ။ ထမ်းသၢမ်ပိူင်ၼႆႉ တဵၵ်းငႅၼ်းယူႇသေ ၸႂ်ၵေႃႈဢမ်ႇၼိမ်ၵိုမ်းလႆႈ ဢမ်ႇပဵၼ်သမႃႇထိၼိမ်ယဵၼ် လႆႈ ၸင်ႇဝူၼ်ႉဢွၵ်ႇၼႂ်းၸႂ်ဝႃႈ “ၵဝ်မႃးႁဵတ်းရႁၢၼ်း ၼႂ်းသႃႇသၼႃႇ တႃႇႁႂ်ႈလႆႈၶျၢမ်းသႃႇလူင် ၵွပ်ႈသင် တၼ်ႇႁႃႇ တေႃးသ ၸိူဝ်းၼႆႉ တိုၵ်ႉမႃးတဵၵ်းငႅၼ်းယူႇတႃႇသေႇၼေႃ” ဝူၼ်ႉဝႃႈၼႆယဝ်ႉ သွင်ႉပၢႆႈမႃးၸူးပုတ်ႉထၸဝ်ႈယဝ်ႉ။ ၵမ်းၼၼ်ႉ ပုတ်ႉထၸဝ်ႈ ၸင်ႇဝႃ “ၸဝ်ႈမေႇၶိယ ၵဝ်ၸဝ်ႈပေႃးလၢတ်ႈႁႂ်ႈယိူၼ်ႉထႃႈ ၵွၼ်ႇ၊ ႁႂ်ႈမီးလွင်ႈယိူၼ်ႉၵၼ်ႈၼႆ ၸဝ်ႈဢမ်ႇထွမ်ႇၵဝ်ၽြႃးၼႃႇ ၵိုင်ႇၸဝ်ႈပေႃးလုသုမ်းၵၢၼ် လူင်ၼၼ်ႉယဝ်ႉ”။ “မေႇၶိယဢိူၺ် သဵၼ်ႈၸႂ်ၼိုင်ႈဢၼ်ၼႆႉ ဢၼ်ယႃႉၵဝ်းမၼ်းၼႆ ၼမ်ၼႃႇ ပဵၼ်ၶၼ်ၽႂ်ၼႃႇ လုဝႆးၼႃႇသေ တီႈသဵၼ်ႈၸႂ် ဢၼ်သၼ်ႇဝႆၸွမ်းၼိူဝ် ရူပႃႇရုင်ႇၸၵႂႃႇၼႆႉ မၼ်းထိင်းယၢပ်ႇ၊ ၽူႈမီးပၺ်ႇၺႃႇၶဝ်ၼႆႉ ဢဝ်တင်းသမထဝိပသ်သၼႃႇသေ မေးလတ်းသိုဝ်ႈ သိုဝ်ႈသေ ထိင်းသိမ်းႁႂ်ႈပေႃးလႆႈၼၼ်ႉယဝ်ႉ။ ပိူင်တႅၵ်ႈမၼ်း ပေႃးတၢၼ်ႇ ၸဝ်ႈၵဝ်ႇၶဝ် လတ်း မႆႉၵႅၼ်ႇဢၼ်ၵူတ်ႉၼၼ်ႉ ႁႂ်ႈပေႃးသိုဝ်ႈမႃး ပဵၼ်လႅမ်ႈၵၢင်ႇလႆႈၼၼ်ႉယဝ်ႉ။ ပႃဢၼ်မိုတ်ႈၼမ်ႉ ၼႆႉ ပေႃးဢဝ်ဢွၵ်ႇမႃးဝႆႉၼိူဝ်ၵုင်းၸိုင် တၵ်းတႅၼ်ႈလၢတ်ႇလၢတ်ႇၶၢင်းတၢႆယူႇယဝ်ႉ။ တေႃႈၼင်ႇ ၼၼ် ၽူႈဢၼ်တေၵၢင်းယၢၼ်ပၢၵ်ႈပႅတ်ႈ ၵိလေႇသႃႇ ၶုၼ်တၢႆလႄႈသင် တေၽၢတ်ႇဢွၵ်ႇ ၵႃႇမၵုင်ႇလႄႈသင် ၸႂ်ၽူင်ႉပိဝ် ဢၼ်ၶႆႈယွမ်းသုမ်းၼၼ်ႉ ပေႃႇမႃးယဝ်ႉ၊ ပေႃးဝႃႈ ထိင်းသိမ်းလႆႈ ၸႂ်ဢၼ်ပေႃႇပဵၼ်မႃး ၸႂ်ဝိတၢၵ်ႈ ၸိူဝ်းၼၼ်ႉၸိုင် ၸင်ႇမီးလွင်ႈၵတ်းယဵၼ်ယဝ်ႉယဝ်ႉ။ ပေႃးဝႃႈ ၶေႃႈထမ်းသုတ်းၵႂႃႇယဝ်ႉၸိုင် ၸဝ်ႈမေႇၶိယ လႆႈၸၼ်ႉတြႃးထူး ပဵၼ်သေႃးတႃႇပတ်တိၽလ ၵႂႃႇယဝ်ႉ။ ၽူႈၵူၼ်းတင်းၼမ်ၵေႃႈ လႆႈသေႃးတႃပတ်တိၽလ တင်းၼမ်၊ တီႈၼႆႈၶႆႈၼႄဝႃႈ ပေႃးတိုဝ်းၵမ်ထမ်းလႄႈ ၸႂ်ဢၵုသူဝ်ႇပေႃႇပဵၼ်မႃးၸိုင် ယႃႇပေလမ်းၸွမ်းမၼ်း သိုပ်ႇၶတ်းၸႂ် ႁႂ်ႈၼႃႈၵၢၼ်ပေႃးယဝ်ႉတူဝ်ႈ လူဝ်ႇမီးလွင်ႈယိူၼ်ႉၵၼ်ႈသေ ဢဝ်တၢင်းၶတ်းၸႂ်သႂ်ႇႁႅင်းၼၼ်ႉ ၸင်ႇၸၢင်ႈထိုင်တီႈၵတ်းယဵၼ် ၼႃႈၵၢၼ်ၸင်ႇယဝ်ႉတူဝ်ႈလႆႈၼႆယဝ်ႉ။

ၽိုၼ်ဢိင်= ꩪမ်မပတ ပိၼ်ႇတႆး ၸိတ်တဝၵ်ႈ တွႆးသွင်၊ ၸဝ်ႈသြႃႇဝိသုတ်ႉထမူႇၸေႈ ပိၼ်ႇတႅမ်ႈ။ Bold text