ၶႅၵ်ႇ/တွၼ်ႈသၢဝ်းႁႃႈ
တွတ်း ... တွတ်း ... တွတ်း ...
ၽူၼ်းမႃးသေတႃႉ ဢမ်ႇမီးၽႂ်ယိပ်းၽူၼ်းလႄႈ ၸၢႆးၼွင်ႉၸင်ႇၼႅတ်ႈ မႃးယိပ်းၽူၼ်းသေ -
“ ႁလူဝ်ႊ ... လၢတ်ႈၶႃႈလႄႈ ... ”
“ ပဵၼ်ၽႂ်ယိပ်းၽူၼ်း ... ၼႆႉ ... ? ”
“ ၸၢႆးၼွင်ႉဢေႃႈ ... လုၵ်ႉတီႈလႂ်သိုပ်ႇမႃး ၶႃႈ ... ? ”
“ ၸၢႆးၼွင်ႉႁႃႉ ... ? ပဵၼ်ၽူၺ်းသိုပ်ႇဢိူဝ်ႈ ... ”
“ ဢေႃ ... ၽူၺ်းႁႃႉ ... ? မီးလွင်ႈသင် ဝႃႈ ... ? ”
“ ပေႃးဢမ်ႇမီးလွင်ႈ ဢမ်ႇလႆႈသိုပ်ႇ ၼႆႁႃႉ ... ? ”
“ ဢမ်ႇၸႂ်ႈၼင်ႇၵဝ်ႇ ... ”
“ ပေႃးၼႆၵေႃႈ ... ၽူၺ်း ဢမ်ႇသိုပ်ႇယဝ်ႈ ... ၽူၺ်းတေဝၢင်းၽူၼ်းယဝ်ႈၼႃႈ ... ”
“ ဢႃ ... ! ၽူၺ်း ... ယႃႇပေၽူမ်ႈဝၢင်း ... လူဝ်ႇလၢတ်ႈသင်ၵေႃႈ လၢတ်ႈလႄႈ ... ”
“ ဢမ်ႇလူဝ်ႇလၢတ်ႈသင်ယဝ်ႈ ... ”
“ ၽူၺ်း ... ပဵၼ်ၸႂ်ၽၵ်းၵုတ်ႇၵႂႃႇ ယဝ်ႈႁႃႉ ... ? ”
“ ၸႂ်ၽၵ်းၵုတ်ႇ ၸိူင်ႉႁိုဝ် ... ? ၸၢႆးၼွင်ႉ ... ”
“ ၸႂ်ၶူတ်း ၸႂ်ငေႃးၼႆႉ ... ႁဝ်းတႆးဝၢၼ်ႈၼွၵ်ႈတႄႉ ႁဝ်းၵႆႉဝႃႈတီႈၵၼ် ၸႂ်ၽၵ်းၵုတ်ႇ ၼႆယဝ်ႈ ... ၽူၺ်းၶႂ်ႈႁူႉ ... ”
“ ၶိၵ်း ... ၶိၵ်း ... ”
“ ၽူၺ်း ... ၶူဝ်သင် ... ? ”
“ ဢေႃး ... ၽူၺ်းဢမ်ႇယၢမ်ႈငိၼ်းလႄႈ ၶႂ်ႈၶူဝ်ဢိူဝ်ႈ ... ၸၢႆးၸၢႆးဢမ်ႇမီးႁႃႉ ... ? ”
“ ဢိုဝ်ႈ ... ၶဝ်တိုၵ်ႉၵႂႃႇၼႂ်းဝဵင်းဢိူဝ်ႈ ... တေလႆႈလၢတ်ႈပၼ်ၸိူင်ႉႁိုဝ် ... ? ”
“ ဢမ်ႇလၢတ်ႈသင်ယဝ်ႈ ... ၽူၺ်းတေၶိုၼ်းသိုပ်ႇၽူၼ်းထႅင်ႈယူႇ ... ”
ၽူၺ်းလၢတ်ႈၵႂၢမ်းၼင်ႇၼၼ် ပႆႇတၼ်းသုတ်းသေတႃႉ ၸၢႆးၼွင်ႉ ထၢင်ႇဝႃႈသုတ်းယဝ်ႉၼႆ မၼ်းၸင်ႇဝၢင်းၽူၼ်းပႅတ်ႈယူႇယဝ်ႈ -
“ ႁလူဝ်ႊ ... ၸၢႆးၼွင်ႉ ... ဢႃ! သမ်ႉဝၢင်းၽူၼ်းပႅတ်ႈဝႃႈ”
ၽူၺ်းၶိုၼ်းၼႅတ်ႈ ၼဵၵ်းမၢႆၽူၼ်းသေ ႁွင်ႉၶိုၼ်းၵမ်းလဵဝ်ယဝ်ႉ-
တွတ်း... တွတ်း ... တွတ်း...
“ ႁလူဝ်ႊ ... ”
“ၸၢႆးၼွင်ႉ ... ဝၢင်းၽူၼ်းပႅတ်ႈႁဵတ်းသင် ... ? ၽူၺ်းလၢတ်ႈ တမ်ႉပႆႇတၼ်းယဝ်ႉ ... ”
“ ဢေႃ ... ယူဝ်ဝႃႈ ယဝ်ႉယဝ်ႈ ... ၼႆၵႂႃႈ ... ”
“ ၽူၺ်းတိုၵ်ႉဢၢင်ႈလၢတ်ႈထႅင်ႈဢိူဝ်ႈ ၼႆႉ ... ၸၢႆးၼွင်ႉပဵၼ်ၸႂ်ၽၵ်းၵုတ်ႇ ၵႂႃႇယဝ်ႉယူဝ်ႉ ...? ၶိၵ်း ... ၶိၵ်း ... ”
“ ဢႃ ... ဢမ်ႇၵုတ်ႇၵူၺ်း ... ၽူၺ်း ... ႁဝ်းတႆးဝၢၼ်ႈၼွၵ်ႈ ဢမ်ႇယၢမ်ႈသိုပ်ႇၽူၼ်းလႄႈ ပိူၼ်ႈလၢတ်ႈယဝ်ႉဢမ်ႇယဝ်ႉ ၼႆၵေႃႈ ႁိုဝ်တေႁူႉလႃႇ ... ၽူၺ်း ... ”
“ ႁိုဝ်ႉ ... ! ႁူႉၼႅၼ်ႇယဝ်ႈ ... ”
“ ၽူၺ်း ... လူဝ်ႇလၢတ်ႈသင်ထႅင်း ... ? ပေႃးပီႈၸၢႆးမႃးၼႆ တေလႆႈႁႂ်ႈပီႈၸၢႆး သိုပ်ႇၽူၼ်း တီႈၽူၺ်းႁႃႉ ... ? ”
“ ဢမ်ႇလူဝ်ႇလၢတ်ႈယဝ်ႈ ... ၽူၺ်း တေသိုပ်ႇမႃးလႆ ... ယၢမ်းလဵဝ် ၽူၺ်းလူဝ်ႇလၢတ်ႈၸၢႆးၼွင်ႉ မဵဝ်းၼိုင်ႈ ဢိူဝ်ႈ ... ”
“ လၢတ်ႈလႄႈၽူၺ်း ... ၸၢႆးၼွင်ႉ ပႂ်ႉထွမ်ယူႇ ... ”
“ ပေႃးထိုင်ဝၼ်းၽတ်း ဝူင်ႈတေမႃးၼႆႉ ပဵၼ်ဝၼ်းၵိူတ်ႇၽူၺ်းလႄႈ ၽူၺ်းမွၵ်ႇပႃးၸၢႆးၼွင်ႉ ႁႂ်ႈမႃးတီႈပၢင်ပွႆးဝၼ်းၵိူတ်ႇၽူၺ်းဢိူဝ်ႈၼႃႈ”
“ တေႁဵတ်းတီႈလႂ် ... ? ၶၢဝ်းလႂ် ... ? ၽူၺ်း ... ”
“ တေႁဵတ်း တီႈႁိူၼ်းၽူၺ်းၶဝ်ၵူၺ်း ... တၢမ်းၶမ်ႈႁူၵ်းမွင်း တေႃႇၵဝ်ႈမွင်းဢိူဝ်ႈ ... ၸၢႆးၼွင်ႉ မႃးတႄႉတႄႉၼႃႈ ... ”
“ တေၶတ်းၸႂ်သေ မႃးလႆ ... ၵူၺ်းၵႃႈ ... တေလႆႈဢဝ်ၶွင်ၽၢၵ်ႇၸိူင်ႉႁိုဝ် မႃးတွၼ်ႈၽူၺ်းၵေႃႈ ဢမ်ႇႁူႉယဝ်ႈ ... ”
“ ဢႃ ! ... ၶွင်ၽၢၵ်ႇၼၼ်ႉ ဢမ်ႇၸႂ်ႈပိူင်လူင်မၼ်း ... သွၼ်ႇႁႂ်ႈၸၢႆးၼွင်ႉမႃးသေ မႃးႁွင်ႉၵႂၢမ်းၶႅမ်ႉၶႅမ်ႉ ပုၵ်ႈၼိုင်ႈ တွၼ်ႈၵေႃႈ ... ၽူၺ်း ႁၢၼ်ႉၸႂ်ယဝ်ႈ ... ”
“ ၽူၺ်း ... ၸၢႆးၼွင်ႉဢမ်ႇပဵၼ်ယူဝ်ႉ ... ”
“ ဢႃ ... သဵင်ၸၢႆးၼွင်ႉၶႅမ်ႉယူႇၵူၺ်း ... ပုၵ်းလဵဝ်ၵူၺ်း ...”
“ ဢိုဝ် ... ၸၢႆးၼွင်ႉ ဢမ်ႇႁတ်းႁွင်ႉ ... ”
“ ပေႃး ၸၢႆးၼွင်ႉ ဢမ်ႇႁွင်ႉၵႂၢမ်းၼႆ ၽူၺ်းဢမ်ႇၽွမ်ႉၵူၺ်း ”
“ ပေႃးၼၼ် ... ၸၢႆးၼွင်ႉ တေမႃးႁွင်ႉပၼ်လႆ ... ပုၵ်ႈလဵဝ်ၵူၺ်း ၼႃၽူၺ်း ... ”
“ ၶႂ်ႈႁွင်ႉလိူဝ်ၵေႃႈ ၽူၺ်းဢမ်ႇၽိတ်းၸႂ် ၼင်ႇၵဝ်ႇၼႃႈ ... ”
“ ႁွင်ႉၵႂၢမ်းသင်ၵေႃႈ ... လႆႈယူႇႁႃႉ ... ? ၽူၺ်း ... ”
“ လႆႈယူႇ ... ၸၢႆးၼွင်ႉ တေၶႂ်ႈႁွင်ႉၵႂၢမ်းသင် ... ? ”
“ ႁွင်ႉၵႂၢမ်းပၢၼ်ၵဝ်ႇ ၸွင်ႇတေလႆႈ ... ? ဝတီး ... သႅင်လီမီးငဝ်း ... ... ၶမ်းလဝ်း ၼွင်ႉၵူၼ်းလီ ... မဵဝ်းၼႆႉ ၼႃ ... ”
ၽူၺ်းလႆႈငိၼ်းၼင်ႇၼၼ်သေ မၼ်းၸူမ်းၶူဝ်ၵႂႃႇတႄႉတႄႉ -
“ ၶိၵ်း ...ၶိၵ်း ... ဢဝ်ၸၢႆးၼွင်ႉဝႃႈယဝ်ႈ ... ၶႂ်ႈႁွင်ႉၵႂၢမ်းသင်ၵေႃႈ လႆႈယူႇ ... ”
“ဢိူဝ်း ... ပေႃးထိုင်ဝၼ်းၽတ်းမႃး ... ၸင်ႇပႂ်ႉထွမ်ဢဝ်လႃႈၼႃႈ ... ... ”
“ ၽူၺ်းတေပႂ်ႉထွမ်ယူႇ ... ၼႆႉၵူၺ်းၼႃ ... ?”
“ ၵမ်းၼႆႉတႄႉ တမ်းၽူၼ်းလႆႈယဝ်ႉ ...ၶႃႈၼေႃႈ ? ၽူၺ်း”
“ ႁိုဝ်ႉ ! ၼေႃ ... လႆႈယဝ်ႉ လႆႈယဝ်ႉ ... လႆႈတႄႉယဝ်ႉ တမ်းလႆႈယဝ်ႉၶႃႈ ... ပီႈၸၢႆးတႆးၼွၵ်ႈ ဢိူၺ်း ... ႁိုဝ်း ... ! ... ”