ၶေႃႈသပ်းလႅင်း ဝိပတ်ႉသၼႃႇ/ၶေႃႈပၼ်ၾၢင်ႉသတိ
ပေႃးၼင်ႈတြႃးႁိုင်မႃးသေ မၢင်ၵေႃႉၸၢင်ႈသၼ်ႇသၼ်ႇဝႆဝႆယဝ်ႉ။ ပေႃးပဵၼ်ၼၼ်မႃး ႁဝ်းယႃႇပေသၼ်ႇၸွမ်း။ ၼင်ႇႁိုဝ်မၼ်းတေ ဢမ်ႇသၼ်ႇၼၼ်ႉ တေလႆႈၶတ်းဝႆႉယူႇ။ သင်သၼ်ႇတိၵ်းတိၵ်းၸိုင် ၶိုၼ်းမႄးလႅၵ်ႈလၢႆႈ လၢႆးၼင်ႈႁဝ်းတႃႉ။ သင်ဝႃႈလႆႈႁၼ်သေၵေႃႉၵေႃႉ သၼ်ႇၸိူင်ႉၼၼ်ၸိုင် ၸိူဝ်းဢၼ်မီး ႁိမ်းႁွမ်းၸမ်ၼၼ်ႉ ၸွႆႈၵၼ်ဢဝ် ၵုသူဝ်ႇသေ ဢဝ်မိုဝ်းႁဝ်း ၵႂႃႇယိပ်းပၼ် ႁူဝ်ၶဝ်ႇမၼ်း ဢမ်ႇၼၼ် ႁူဝ်မႃႇမၼ်းသေ ပၼ်သတိဝႃႈ"“ဝႆႉသတိလႄႈယေႃးၵီႇ၊ ထိင်းတူဝ် ထိင်းၸႂ် ႁႂ်ႈၼိမ်မၼ်ႈတႃႉ" ၼႆတႃႉ။ ပေႃးၸွႆႈပၼ်ၸိူင်ႉၼၼ်ၸိုင် ပဵၼ်ၵၢၼ်လီၵုသူဝ်ႇလူင်ယဝ်ႉ။
မၢင်ၵေႃႉၼႆႉ ယွၼ်ႉပိူဝ်ႈ မီးဝူတ်ႈဝၼ်းလင်ၵေႃႈ ၸၢင်ႈသၼ်ႇၸိူင်ႉ ၼၼ်ယဝ်ႉ။ မၢင်ၵေႃႉသမ်ႉ တေလႆႈဝႃႈ ယွၼ်ႉပိူဝ်ႈပရလေႃးၵၶဝ် မႃယွၼ်း ၵုသူဝ်ႇတၢင်းလီၵေႃႈ ၸၢင်ႈသၼ်ႇၸိူင်ႉၼၼ်ယဝ်ႉ။ ပေႃးပဵၼ်ၼၼ်ၸိုင် တေလႆႈႁႃဢဝ်သၢင်ႇၵၢၼ်းၸုမ်ႇၼိုင်ႈသေ လူႇတၢၼ်းပၼ် တမ်ႈတီႈ သင်ႇၶႃႇသေ ၸႅၵ်ႇၽႄၵုသူဝ်ႇပၼ်ၶဝ်တႃႉ။ ပေႃးႁဵတ်းၼၼ်ပၼ်ၶဝ်ၸိုင် ႁဝ်းၼင်ႈၵၢၼ်တြႃးၵေႃႈ တေၼိမ်လီၵႂႃႇၶိုၼ်းယူႇ။
ၶေႃႈသပ်းလႅင်း ပတိင်ႇၺိၼ်ႇ (ၽၢႆႇတႆး) သုတ်းယဝ်ႉ။