ၶေႃႈသပ်းလႅင်း ဝိပတ်ႉသၼႃႇ/ၶဝ်ႈၸူး သၽေႃး ပရမၢတ်ႈ
"ဢဝ်ၺၢၼ်ႇယၵ်ႉၽႄႈ ၼႂ်းၵႄႈဢႃႇရုင်ႇ ရုပ်ႈထၢတ်ႈၼၢမ်ႉ ထၢတ်ႈပရမၢတ်ႈၼႆႉသေ" ယၵ်ႉတြႃးၼႆႉ မိူဝ်ႈႁဵတ်းၵၢၼ်မၼ်းၼၼ်ႉ ယၵ်ႉတီႈတိၼ်ၼႆ ဢမ်ႇလႆႈဝႃႈ၊ ယၵ်ႉတီႈၵွၵ်းႁူဝ်ၼႆၵေႃႈ ဢမ်ႇလႆႈဝႃႈ၊ ယၵ်ႉတီႈပုမ်ႇၼႆၵေႃႈ ဢမ်ႇလႆႈဝႃႈ၊ ယၵ်ႉတီႈ ၽႃႇမိုဝ်း ယၵ်ႉတီႈၽႃႇတိၼ်ၵေႃႈ ဢမ်ႇလႆႈဝႃႈ။ ၵူၺ်းၵႃႈ ဢၼ်ႁဝ်းၸဝ်ႈဝႃႈၵႂႃႇ ယၵ်ႉတူၺ်းၽႃႇတိၼ် ၼႆၼၼ်ႉ ၸႂ်ႉဝေႃးႁႃႇရပိင်းၺၢတ်ႈၼႆသေတႃႉၵေႃႈ ၶႂ်ႈႁႂ်ႈယေႃးၵီႇၶဝ် ႁူႉၸၵ်းတီႈမၼ်းသေလၢတ်ႈၵႂႃႇၵူၺ်း။ ႁဝ်းတေလႆႈပွင်ႇၸႂ်ဝႃႈ ယၵ်ႉ တူၺ်း ရူပ်ႈၼၢမ် ဢၼ်ဢမ်ႇမၼ်ႈၵိုမ်းၼႆယူႇ။
မိူဝ်ႈႁဝ်းယၵ်ႉတြႃး မိူဝ်ႈၸဝ်ႉတေႉၵေႃႈ ဢိင်ၼိူဝ်ပိင်းၺၢတ်ႈသေ တူၺ်းတီႈၽႃႇတိၼ်ဢွၼ်တၢင်းယူႇ။ ဢဝ်ၸႂ်ႁဝ်းယိူင်းတီႈၽႃႇတိၼ်၊ ၼႂ်းၽႃႇတိၼ်ၼၼ်ႉ မီးသၢၼ်ႈၽိၼ်း“ၽွၼ်း“၊ မွၼ်ႈယွပ်ႉ“ယႅပ်ႉ“ ပေႃးႁၼ်ၸိူင်ႉၼၼ်ယဝ်ႉၵေႃႈ ၽႃႇတိၼ်ၼၼ်ႉ ယႃႇပေဝႃႈၽႃႇတိၼ်ၵဝ်။ တေလႆးတႅပ်းပႅတ်ႈ သၵ်ႉၵႃႇယတိၵ်ႉထိႉ၊ တေလႆႈဝႆႉၸႂ်ဝႃႈ မၼ်းပဵၼ် ရုပ်ႈတြႃးပွတ်ႈတႂ်ႈ၊ ႁဝ်းတေလႆႈပွင်ႇၸႂ်ၸိူင်ႉၼႆ။ "ဢေႃး…. ရုပ်ႈတြႃး ပွတ်းတႂ်ႈၼႆႉ မၼ်းဢမ်ႇမၼ်ႈၵိုမ်း" ဢဝ်ၺၢၼ်ႇဢွၼ်ႇႁဝ်းသေပႂ်ႉတူၺ်း လွင်ႈဝႃႈမၼ်းတူင်ႉတွတ်ႇ ၼဵတ်းသၢၼ်ႈ ၶူပ်းငၢၼ်ႈ ၵူၼ်ႉမူၺ်ႈ ထူၺ်ႈမၢၼ်ႇ“ဢဝ်ၺၢၼ်ႇယၵ်ႉၽႄႈၼႂ်းၵႄႈဢႃႇရုင်ႇ ရုပ်ႈထၢတ်ႈၼၢမ်ႇ ထၢတ်ႈပရမၢတ်ႈၼႆႉသေ ဝႃႈဝႆႉၸိူင်ႉၼႆလႄႈ တေလႆႈၶဝ်ႈၸူးၼႂ်း ပရမၢတ်ႈၼၼ်ႉယဝ်ႉ။
ပရမၢတ်ႈၼႆႉ ပဵၼ်ၼၢမ်ႇရုပ်ႈၼၼ်ႉယဝ်ႉ မိူဝ်ႈယၵ်ႉတြႃးၼၼ်ႉ ယႃႇပေဝႃႈတိၼ်ၵဝ် ယႃႇပေဝႃႈမိုဝ်းၵဝ် ဢၼ်သၢၼ်ႈၼၼ်ႉၵေႃႈ ယႃႇပေ ဝႃႈၵဝ်ၼဵတ်းၵဝ်သၢၼ်ႈ။ မၼ်းပဵၼ်သၽေႃးတြႃး ပဵၼ်ယူႇလူႉယူႇ ႁၢင်းၵူၺ်းၶဝ်ၵူၺ်း။ မၼ်းပဵၼ်သၽေႃးဢၼတ်ႉတတြႃး ပဵၼ်ယူႇလူႉယူႇ ႁၢင်းၵူၺ်းမၼ်းၵူၺ်း။ လွၼ်ႉၵႅၼ်ၵေႃႈဢမ်ႇမီး ႁၢမ်ႈသီးၵေႃႈ ဢမ်ႇလႆႈ ၶႅၼ်သီးၵေႃႈဢမ်ႇလႆႈ ပဵၼ်ယူႇလူႉယူႇ ႁင်းၵူၺ်းၶဝ်ယဝ်ႉ။ ပဵၼ်သၽေႃးတြႃး ပဵၼ်လူႉၼၼ်ႉယဝ်ႉ။
ထၢတ်ႈလိၼ်ၼမ်ႉၽႆးလူမ်း တုမ်ႉတေႃႇလေႃႇၺႃးၵၼ်သေ တႅၵ်ႇယူႇထုပ်ႉ“ထၢပ်ႉ“၊ လူႉယူႇလႅဝ်ယူႇ ဝၼ်းၵူပ်းၶိုၼ်း ၶိုၼ်းၵူပ်းဝၼ်း။ လိူဝ်သေလူႉလႅဝ်ၵေႃႈ မၼ်းဢမ်ႇမီးသင်၊ ၵွပ်ႈၼၼ် တူဝ်ၶၼ်ႇထႃႇႁဝ်းၼႆႉ ၸင်ႇလႆႈဝႃႈ ရုပ်ႈထၢတ်ႈၼၢမ်ႇထၢတ်ႈပရမၢတ်ႈၼႆႉသေ တီႈၼိူဝ် ပရမၢတ်ႈၼႆႉ ရုပ်ႈၼၢမ်ႇၼၼ်ႉ ႁဝ်းတူၺ်းၵႂႃႇႁႂ်ႈႁၼ် ဢၼ်ပဵၼ်ဢၼ်လူႉ ၸူႉၵၼ်သေ တႅၵ်ႇၵႂႃႇၸိူဝ်းၼၼ်ႉ ႁဝ်းလူဝ်ႇတူၺ်းၸိူဝ်းၼႆႉ၊ ပေႃးႁၼ် ၸိူဝ်းၼႆႉ ပွင်ႇဝႃႈ ႁဝ်းၶဝ်ႈမႃးၼႂ်းဝိပတ်ႉသၼႃႇၺၢၼ်ႇယဝ်ႉ။