ၶေႃႈသပ်းလႅင်း ဝိပတ်ႉသၼႃႇ/ယႃႇပေပူတ်းတြႃး
ယႃႇပေပူတ်း သုတ်းတီႈပဵၼ်ၼႂ်းတြႃးလူင်၊ ႁၼ်ပဵၼ်လူႉၸိူင်ႉ ၼႆသေ မၼ်းၶႂ်ႈပဵၼ်ႁိုဝ် ပွႆႇမၼ်းပဵၼ်လူး။ တီႈၼႆႈႁဝ်းလူဝ်ႇပႄႉၸႂ်ဢိူဝ်ႈ။ ဢၼ်ၼႆႉ တြႃးမႃးၸၢမ်းႁဝ်း ၵမ်းလိုၼ်းသုတ်းယဝ်ႉ။ တြႃးမႃးၸၢမ်းဝႃႈ ယေႃးၵီႇၵေႃႉၼႆ ၸွင်ႇမၼ်းပႄႉၸႂ်ႁႃႉ? ဢမ်ႇပႄႉၸႂ်ႁႃႉ? မၢၵ်ႇႁူဝ်ၸႂ်မၼ်း တွတ်ႇပေႃးပဵၼ်တၢၼ်ႇၼႆႉ ၸွင်ႇမၼ်းတေၵူဝ်ႁႃႉ? ပေႃးဝႃႈႁဝ်းၵူဝ်သေ ႁဝ်းပူတ်းတြႃးႁဝ်းပႅတ်ႈၼႆၵေႃႈ ဝၢၼ်ႇၶဝ်ႈသွႆးမႃးၽႅဝ်တီႈႁိမ်းႁဝ်းယဝ်ႉ ႁဝ်းသမ်ႉဢမ်ႇၵိၼ်သေ ႁဝ်းသမ်ႉၵႂႃႇပၢႆႇလူမ်ႉပႅတ်ႈၼၼ်ႉယဝ်ႉ။
ဢိူဝ်ႈၸမ်တေလႆႈၵိၼ်ယႅၼ်ႉ“ၼၼ်ႉ လူဝ်ႇမီးသတိ။ မိူဝ်ႈၽွင်း ပဵၼ်ၸႂ်သၼ်ၸႂ်ၸႃႉမႃးၼၼ်ႉ တီႈလိုဝ်ႈၸႂ်ပေႃးဢမ်ႇၶႂ်ႈလႆႈယဝ်ႉ။ ႁႃႁူး ဢွၵ်ႇမၼ်းပေႃး ဢမ်ႇၶႂ်ႈလႆႈ။ ၵႂၢမ်း တႆးႁဝ်းဝႃႈ ပဵၼ်ၸႂ်ၵွၵ်ႇၵီႈၵွၵ်ႇၵႅၵ်ႇ ဢၼ်ဝႃႈၼၼ်ႉယဝ်ႉ။ ၸႂ်ၸႃႉၸႂ်မိူဝ်ႇ ၸၢင်ႈပဵၼ်မႃးယဝ်ႉ။ ပဵၼ်ႁိုဝ်ၵေႃယဝ်ႉ ယေႃးၵီႇႁဝ်းၶဝ် ဢဝ်ၸႂ်ႁဝ်ၶိုၼ်းဝႆႉတီႈလူမ်းၶဝ်ႈလူမ်းဢွၵ်ႇဢွၼ်ႇ သိပ်းၵမ်းသၢဝ်းၵမ်းသေ ၶိုၼ်းမႄးတူၺ်းပဵၼ်လူႉဢၼ်သၢၼ်ႈၸွတ်ႇ တင်းတူဝ်တင်းၶိင်းၼၼ်ႉတႃႉ။ တႅပ်းတတ်းၸႂ်ဝႃႈ ၶႂ်ႈပဵၼ်ႁိုဝ်ၵေႃႈ ဢဝ်တြႃးဝႃႈယဝ်ႉ တေလႆႈပႄႉၸႂ်ယဝ်ႉ။ ဢိူဝ်ႈ ပေႃးဢဝ်တြႃးဝႃႈၼႆ ပဵၼ် လူႉႁဝ်းၼၼ်ႉမၼ်းတေဢွၼ်ႁဝ်းၵႂႃႇ တီႈဢမ်ႇပဵၼ်ဢမ်ႇလူႉၼၼ်ႉယဝ်ႉ။ ဢၼ်ၼၼ်ႉတႄႉ တြႃးတေဢွၼ်ႇၵႂႃႇႁင်းမၼ်းၵူၺ်း။ ႁဝ်းတင်ႈၸႂ်ႁဵတ်း ဢဝ်မၼ်းဢမ်ႇလႆႈ။ ၵၢၼ်ယေႃးၵီႇၶဝ်တႄႉၵေႃႈ တေလႆႈမီးသတိယႂ်ႇ“သေ ပႂ်ႉတူၺ်းပဵၼ်လူႉၵူၺ်း။ "မၼ်းၶႂ်ႈပဵၼ်ႁိုဝ်ပဵၼ်လူး မၼ်းၶႂ်ႈပိၼ်ႈလူမ်ႉတၢႆ ၵေႃႈယဝ်ႉ ၶႂ်ႈတႅၵ်ႇ“ၶႂ်ႈယၢႆႈ“ၵေႃႈယဝ်ႉ ဢဝ်မၼ်းဝႃႈလႃႈ ဢဝ်တြႃးဝႃႈၵႂႃႈ" ၼႆ "ၸုၼ်ႉ" ဢၼ်ဝႃႈၼၼ်ႉ ပဵၼ်ၵမ်းၼႆႉယဝ်ႉ။
ပေႃးပဵၼ်ၸိူင်ႉၼၼ်မႃး လူဝ်ႇမေႃဝႆႉၸႂ်မၢၼ်ႇမႅၼ်ႈယဝ်ႉ။ ယႃႇပေပူတ်းတြႃးႁဝ်းပႅတ်ႈ၊ ယႃႇပေၵူဝ်။ ၸဝ်ႈတြႃးႁဝ်းဝႃႈ "ယႃႇပေၵူဝ်ဝႃႇ၊ ၼႆႉပဵၼ်တြႃးဝႃႇ" ၼႆ ဝႆႉသတိယႂ်ႇ“သေ ၶိုၼ်းႁွမ်ႁႅင်းၸႂ် ဢဝ်လူမ်းၶဝ်ႈ လူမ်းဢွၵ်ႇ မွၵ်ႈသိပ်းၵမ်း။ သိုပ်ႉယၵ်ႉတူၺ်း သၽေႃးပဵၼ်လူႉဢၼ်သၢၼ်ႈ ယူႇတင်းတူဝ်တင်းၶိင်းၼၼ်ႉတႃႉ။ မၼ်းတေသိုပ်ႉပဵၼ်ႁိုဝ်ၵႂႃႇၼႆၼၼ်ႉ တေလႆႈႁူႉဝႃႈ တြႃးတေဢွၼ်ပဵၼ်ၵႂႃႇၵူၺ်းၼႆယဝ်ႉ။ ၽွင်းတိုၵ်ႉယၵ်ႉ တြႃးပဵၼ်လူႉယူႇၼၼ်ႉ မၼ်းတေၽႅတ်းၵႂႃႇႁႃႉ မၼ်းလပ်းမိင်းၵႂႃႇႁႃႉ ဢမ်ႇၼၼ်ၵေႃႈ ၼႂ်းၸႂ်ႁဝ်းၵလိုၵ်ႉၼႆ မၼ်းတေမေႃးမႃးႁႃႉ တြႃးတေ ဢွၼ်ပဵၼ်ၵႂႃႇ ႁင်းၵူၺ်းမၼ်းၵူၺ်း။ ႁဝ်းႁဵတ်းပဵၼ်ဢဝ်ဢမ်ႇလႆႈ။ ယွၼ်ႉဝႃႈ သၿ်ၿေꩪမ်မႃ ဢၼတ်တႃ=သၽေႃးတြႃးၼႆႉ မၼ်းပဵၼ် ဢၼတ်ႉတႃႉၼၼ်ႉယဝ်ႉ။
ဢိူဝ်ႈ… ၺၢၼ်ႇဢၼ်ႁၼ်ပဵၼ်လူႉ တင်းတူဝ်ၼၼ်ႉႁွင်ႉဝႃႈ ပလဝ ဝိပတ်ႉသၼႃႇၺၢၼ်ႇသေ ဢၼ်ၼၼ်ႉယဝ်ႉတေၶဝ်ႈၸူး လေႃးၵုတ်ႉတရုႇ မၢၵ်ႈၺၢၼ်ႇၽူဝ်ႇၺၢၼ်ႇ။ ၼႂ်းၵႂၢမ်းၶၢမ်ႇပတိင်ႇၺၢၼ်ႇတႄႉဝႃႈဝႆႉ "လေႃး ၵုတ်ႉတရုႇၺၢၼ်ႇ တူၵ်းမႃး တမ်ႈၵၢင်ဢူၵ်းၼႆႉသေ ထူပ်းႁၼ်ဢႃႇရူင်ႇ ၼိပ်ႉပၢၼ်ႇ သိုဝ်ႈၼႃႈတၼ်းတ" ၼႆယဝ်ႉ။
လေႃးၵုတ်ႉတရုႇမၢၵ်ႈၺၢၼ်ႇ ၽူဝ်ႇၺၢၼ်ႇၼၼ်ႉတႄႉ မီးသီႇၸၼ်ႉသေ ပဵၼ်သေႃးတႃႇပတ်ႉတိ မၢၵ်ႈၺၢၼ်ႇ ၽူဝ်ႇၺၢၼ်ႇ၊ သၵတႃႇၵႃႇ မိမၢၵ်ႈၺၢၼ်ႇ ၽူဝ်ႇၺၢၼ်ႇ၊ ဢၼႃႇၵႃႇမိမၢၵ်ႈၺၢၼ်ႇ ၽူဝ်ႇၺၢၼ်ႇ၊ ဢရႁတ်ႉတမၢၵ်ႈၺၢၼ်ႇ ၽူဝ်ႇၺၢၼ်ႇယဝ်ႉ။ တႃႇတေႁွတ်ႈထိုင် သေႃးတႃႇပတ်ႉတိ မၢၵ်ႈၺၢၼ်ႇ ၽူဝ်ႇၺၢၼ်ႇၼၼ်ႉၵေႃႈ တေလႆႈယၵ်ႉတူၺ်း သၽေႃးတြႃးပဵၼ်လူႉတီႈၶၼ်ႇထႃႇသေ ပေႃးဝႃႈ ၺၢၼ်ႇဝိပတ်ႉသၼႃႇ ဢၼ်ႁႅင်းယႂ်ႇၼၼ်ႉ ဢွၼ်ႁွတ်ႈၵႂႃႇ တီႈဢမ်ႇပဵၼ်ဢမ်ႇလူႉၵေႃႈ ႁွတ်ႈထိုင် သေႃးတႃႇပတ်ႉတိမၢၵ်ႈၺၢၼ်ႉ ၽူဝ်ႇၺၢၼ်ႇယဝ်ႉ။ တႃႇတေၶိုၼ်ႈထႅင်ႈ တြႃးထၢၼ်ႈၼိူဝ်ၸိူဝ်းၼၼ်ႉၵေႃႈ တေႃႈတေ လႆႈသိုပ်ႉယၵ်ႉတူၺ်း ၶၼ်ႇထႃႇ ပဵၼ်လူႉၵူၺ်းၼင်ႇၵဝ်ႇ။
မိူဝ်ႈယၵ်ႉတြႃးဝိပတ်ႉသၼႃႇၼႆႉ တေဢမ်ႇလႆႈတူၺ်းၸွမ်း ဢႃႇရူင်ႇ။ ၵမ်းၽွင်ႈၵႆႇလေႇႁၼ်မႃး ၼႂ်းတႃ ၼႂ်းၸႂ်၊ ၵႆႇလေႇႁၼ်သေ တူၺ်းၸွမ်း ႁၢင်ႈၽြႃးမိၼ်သၢၼ်ႇမႃး ၼိူဝ်ၵၢင်ႁၢဝ်လႂ်၊ ႁၼ်ႁၢင်ႈ ရႁၢၼ်းတႃႇၶဝ် မိၼ်သၢၼ်ႇမႃးလႂ်၊ ငဝ်းလႅင်းလႂ် ၸိူဝ်းၼၼ်ႉယဝ်ႉ။ ဢၼ်ၼၼ်ႉ ပဵၼ်ၼိမိတ်ႈဢႃႇရူင်ႇၵူၺ်းလႄႈ တေဢမ်ႇလႆႈတူၺ်း။ ပေႃးႁၼ်မႃးၵေႃႈ တေဢမ်ႇလႆႈ ၸပ်းၸႂ်။ တေလႆႈ လႅၵ်ႈလၢႆႈ ဢႃႇရူင်ႇ တၢင်ႇပိူင်သေ ၶိုၼ်းတူၺ်း လွင်ႈသၽေႃးပဵၼ်လူႉ ၼႂ်းတူဝ်ၸဝ်ႈၵဝ်ႇၼၼ်ႉၵူၺ်း။ ပေႃးဝႃႈ ဢႃႇရူင်ႇၸိူဝ်းၼၼ်ႉ ငဝ်းလႅင်းၸိူဝ်းၼၼ်ႉ ဢမ်ႇႁၢႆၼႆ မိုၼ်းၵႅပ်ႉၼိုင်ႈၵမ်းသေ ၶိုၼ်းသိုပ်ႇယၵ်ႉတူၺ်းတြႃး သၽေႃးပဵၼ်လူႉ သၽေႃးဝေႇသၼႃႇ ပဵၼ်လူႉၸိူဝ်းၼၼ်ႉၵူၺ်းတႃႉ။