ၶေႃႈသပ်းလႅင်း ဝိပတ်ႉသၼႃႇ/ယိူၼ်ႉ

"ၶႂ်ႈၸွမ်းတိုၼ်းၶဝ် ၽဝ်ၵၼ်ပဵၼ်လူႉ ၸူႉၵၼ်တႅၵ်ႇယၢႆႈ" မၼ်းတေမႃးၸူႉၵၼ်ဝႆႉ ပဵၼ်ၵွၼ်ႈပဵၼ်မမ်ႈလူင်သေ သမ်ႉတေၶိုၼ်းပဵၼ်ႁိုဝ်ၵႂႃႇၼႆ ၸူႉၵၼ်တႅၵ်ႇယၢႆႈ ပေႃးႁဝ်းဢဝ်ၼူၵ်ႇတိုၵ်းသေယိူၼ်ႉ ၸိူင်ႉၼင်ႇၸဝ်ႈ မၢဝ်းလူင်သွၼ်ဝႆႉၼၼ်ႉယဝ်ႉ "ယိူၼ်ႉလႆႈၵေႃႈယိူၼ်ႉ ဢမ်ႇယိူၼ်ႉလႆႈၵေႃႈယိူၼ်ႉ" ၼၼ်ႉယဝ်ႉ။

ယိူၼ်ႉၵႂႃႇတိၵ်း“လႃႈ ယေႃးၵီႇၶဝ်။ ဝႆႉၸႂ်ဝႃႈ မၼ်းပဵၼ်မၢၵ်ႇမူင်ႈ ၼွၵ်ႈဝၢင်း။ ပိူၼ်ႈမႃးပိတ်းၵႂႃႇၵေႃႈ ဢမ်ႇပၼ်တိူဝ်ႉၸႂ်။ ၸဵပ်းတူဝ် ယႃႇပေႁႂ်ႈၸဵပ်းၸႂ်ၼႆၼႃႇ။ ပေႃးယိူၼ်ႉတိၵ်း“ၼႆ မၼ်းတေပဵၼ်သင်မႃး? "ၽဝ်ၵၼ်ပဵၼ်လူႉ ၸူႉၵၼ်တႅၵ်ႇယၢႆႈ" ပေႃးမႃးၸူႉၵၼ် ပေႃးႁဝ်းဢဝ်ၺၢၼ်ႇ ပၵ်းသႂ်ႇပၵ်ႈသႂ်ႇၼႆ မၼ်းတေတႅၵ်ႇယၢႆႈၵႂႃႇ။ ဢိူဝ်ႈ… ပေႃးပဵၼ်ၼၼ်မႃး ယူႇငၢႆႈ ယူႇယၢပ်ႇ ဝႃႇ ႁဝ်းၼင်ႇတြႃးၼႆႉ မၼ်းဢမ်ႇၸွမ်းၸႂ်ႁဝ်း။ မၢင်ပွၵ်ႈၵေႃႈ ယူႇငၢႆႈမၢင်ပွၵ်ႈသမ်ႉယူႇယၢပ်ႇ။ မၢင်ပွၵ်ႈၵေႃႈ ယူႇတၢၼ်ႇႁဝ်းၼင်ႈ ၼိူဝ်ၼူၼ်းၵုၺ်ယဝ်ႉ။

မဝ်ထူင်ယူင် ပေႃးတၢၼ်ႇႁဝ်းၼင်ႈ ၼိူဝ်မွၵ်ႇၵုမ်ႈယဝ်ႉ မဝ်ထူင်ယူင် ယူႇငၢႆႈၵေႃႈပဵၼ်။ မၢင်ပွၵ်ႈသမ်ႉ ဢမ်ႇၸႂ်ႈၸိူင်ႉၼၼ်။ ယူႇယၢပ်ႇဝႃႈ ယူႇယၢပ်ႇ။ မၢင်ပွၵ်ႈၼႆႉ ယူႇႁဵတ်းႁိုဝ်ၵေႃႈ တိုၼ်းဢမ်ႇလီသေဢိတ်း။ ယူႇယၢပ်ႇၼႆႉ မၼ်းပဵၼ်သၽေႃးသင်လႃႇ?

ၵူၺ်ႁၢပ်ႇၶၼ်ႇထႃႇ ၼေႈ ၶၼ်ႇထႃႇႁဝ်းၼႆႉ ပဵၼ်ၵူၺ်ႁၢပ်ႇဝႃႇ။ ႁဝ်းႁၢပ်ႇမၢၵ်ႇႁိၼ် ႁဝ်းႁၢပ်ႇၶဝ်ႈသဵၼ်ႈၶဝ်ႈသွႆး ႁဝ်းႁၢပ်ႇသိပ်းၸွႆႉ ႁဝ်းႁၢပ်ႇသၢဝ်းၸွႆႉၸိူဝ်းၼၼ်ႉ ပေႃးမၼ်းၼၵ်းမႃး ႁဝ်းယင်းဝၢင်းႁၢပ်ႇႁဝ်းလႆႈ ၵူႈၶိင်ႇၵူႈၶၢဝ်းဢိူဝ်ႈ။ ၵူၺ်းၵႃႈ ၵူၺ်ႁၢပ်ႇၶၼ်ႇထႃႇၼႆႉ ဢမ်ႇၸၢင်ႈဝၢင်းၼေႃ။ မိူဝ်ႈလဵဝ်ႁဝ်းမႃးႁၢပ်ႇၶၼ်ႇထႃႇၵူၼ်းဝႆႉ။ ပေႃးဢိင်ပိုင်ႈ ၵူႉသူဝ်ႇႁဝ်း သမ်ႉ တေလႆႈမိူဝ်းႁၢပ်ႇၶၼ်ႇထႃႇၽီ။ ဢိင်ပိုင်ႈႁႅင်းသမထသေ ႁဝ်းတေ လႆႈမိူဝ်းႁၢပ်ႇၶၼ်ႇထႃႇသၢင်။ ဢိင်ပိုင်ႈဢၵူႉသူဝ်ႇသေ ႁဝ်းတေလႆႈမိူဝ်းၵႂႃႇ ႁၢပ်ႇၶၼ်ႇထႃႇဝူဝ်း ၵႂႃႇႁၢပ်ႇၶၼ်ႇထႃႇငရၢႆး။ ႁၢပ်ႇၶၼ်ႇထႃႇၼႆႉ မၼ်းဢမ်ႇဝၢင်းလႆႈသေပွၵ်ႈ။ ၼႂ်းလေႃးၵၼႆႉ ႁၢပ်ႇၶၼ်ႇထႃႇၼႆႉ ၼၵ်းသေပိူၼ်ႈယဝ်ႉ။ ၶၼ်ႇထႃႇၼၵ်းလူင်ၼႆႉ သမ်ႉပဵၼ်ၼင်ႇႁိုဝ်ဝႆႉ ပေႃးၼႆၸိုင် "ယူႇငၢႆႈ ယူႇယၢပ်ႇ ၵူၺ်ႁၢပ်ႇၶၼ်ႇထႃႇ သတ်ႉၸႃႇတုၵ်ႉၶ"ၼႆလႄႈ တူဝ်ၶၼ်ႇထႃႇႁဝ်းၼႆႉ မၼ်းပဵၼ် သၽေႃးတြႃးတုၵ်ႉၶသတ်ႉၸႃႇ မူတ်း“ယဝ်ႉ။

ၸဵပ်းမႃး ၵူၼ်ႉမႃး မူၺ်ႈမႃး ၶိုၼ်ႈမႃး လိူတ်ႇမႃး မႆႈမႃးၸိူဝ်ႈၼၼ်ႉ မၼ်းပဵၼ်တုၵ်ႉၶသတ်ႉၸႃႇ ၼႄပိူၼ်ႈယဝ်ႉ။ ဢၼ်ႁဝ်းဢမ်ႇႁူႉ လွင်ႈတုၵ်ႉၶတႄႉ ႁဝ်ယွၼ်းသူးဝႃႈ ႁႂ်ႈလႆႈပဵၼ်ၵူၼ်းလီ ၽီမျၢတ်ႈၼႆယူႇ။ မိူဝ်ႈလဵဝ် ႁဝ်းလႆႈမႃးပဵၼ်ၵူၼ်းလီယဝ်ႉၼႃႇ။ ၵူၺ်းၵႃႈ မၼ်းဢမ်ႇၸႂ်ႈ ဢၼ်လီတႄႉ“။ မၼ်းတိုၵ်ႉလေႃးလီလေႃးလႄး ယုၵ်းယီႈယုၵ်ႈယၢင်ႇဝႆႉယူႇ။ ၶၼ်ႇထႃႇၼႆႉ ဢၼ်ဢမ်ႇလီမၼ်းၵေႃႈ ပႃးမႃးတၢင်းၼမ်၊ ၼၼ်ႉပဵၼ် တုၵ်ႉၶသတ်ႉၸႃႇလူင်ယဝ်ႉ။ ၼႆႉမၼ်းပဵၼ်သၽႃႇဝၼႂ်းတူဝ်ႁဝ်းယဝ်ႉ။