ၶေႃႈသပ်းလႅင်း ဝိပတ်ႉသၼႃႇ/တီႈတႅၵ်ႈ ၵွၼ်ႈၵိူဝ်

မၼ်းမိူၼ်ၼင်ႇႁိုဝ်လႃႇ? မိူၼ်ၼင်ႇၵွၼ်ႈၵိူဝ်ၼၼ်ႉယဝ်ႉ။ ၵွၼ်ႈၵိူဝ်ၼႆႉ ပေႃးႁဝ်းတူၺ်းလုပ်ႈလၢပ်ႈ၊ ထၢင်ႇဝႃႈမၼ်းပဵၼ်ၵွၼ်ႈလူင်ယႂ်ႇ“ ပေႃးၵႂႃႇတူၺ်းၸမ်“ ယၵ်ႉတူၺ်းလီ“ၼၼ်ႉ ၽွင်ၵိူၼ်ဢွၼ်ႇတၢင်းၼမ် ၶွၼ်ႈလုမ်းၵၼ်သေ ပဵၼ်ၵွၼ်ႈလူင်ဝႆႉယဝ်ႉ။

ႁဝ်းယၵ်ႉတူၺ်းတြႃးၼႆ တုၵ်ႉၶ ဝေႇတၼႃႇ ပေႃႇမႃးၼႆၵေႃႈ မၼ်းမိူၼ်ၵွၼ်ႈၵိူဝ်ၼၼ်ႉယဝ်ႉ။ တေလႆႈယၵ်ႉႁႃတူၺ်း ႁႂ်ႈႁၼ်ဢၼ်ၽွင်“ၽႅင်“ သၢၼ်ႈၽိၼ်း“ၽွၼ်း“၊ ငၢၼ်ႈယွၵ်ႉ“ယႅၵ်ႉ“။ တေလႆႈႁႃတူၺ်း ႁႂ်ႈႁၼ် ၸိူင်ႉၼင်ႇ ႁဝ်းတူၺ်းႁၼ်ၽွင်ၵိူဝ်ၸပ်းဝႆႉတီႈ ၵွၼ်ႈၵိူဝ်ၼၼ်ႉယဝ်ႉ။ တူၺ်းႁႂ်ႈႁၼ်သၽေႃး မၼ်းပဵၼ်ၽွင်ၵႂႃႇ။ တႃႇတေယၵ်ႉတူၺ်း ႁႂ်ႈမၼ်းၽွင်ၼၼ်ႉ ယူႇပႃႈယၵ်ႉၼူၵ်ႇ တူၵ်ႇတူၺ်း တူဝ်ၸႂ် တေလႆႈဢဝ်ၼူၵ်ႇတိုၵ်ႈ။ ၼူၵ်ႇ ၼၼ်ႉပွင်ႇဝႃႈသင်? ပဵၼ်ၶၼ်ႇထီႇတြႃးယဝ်ႉ။

သုတ်းတီႈ မိူဝ်ႈၶၢမ်ႇပတိင်ႇၺိၼ်ႇၼၼ်ႉၵေႃႈ ႁဝ်းဝႃႈပႃး ပိၵ်ႉသမ်ႉၼိူဝ်ႉၶႂ်ႈယၢတ်ႇ“ဢဵၼ်ၶႂ်ႈၶၢတ်ႇ“ ၼင်ၶႂ်ႈႁႅင်ႈ“ လုပ်ႇၶႂ်ႈႁၵ်း“ ႁဝ်းဝႃႈယူႇ။ ယွၼ်ႉၼၼ်လႄႈ ၶၼ်ႇထီႇတြႃးႁဝ်းတေလႆႈမီး။ “ၶႆႈၸွမ်းတိုၼ်းၶဝ် ၽဝ်ၵၼ်ပဵၼ်လူႉ“ဝႃႇ တိုၼ်းမၼ်းသမ်ႉပဵၼ်သင်? ငဝ်ႈတိုၼ်းမၼ်းၼၼ်ႉ မၼ်းပဵၼ်လူႉၵူၺ်း။ မိူၼ်ၸိူင်ႉၼင်ႇၵွၼ်ႈၵိူဝ်ၼၼ်ႉ ငဝ်ႈမၼ်းပဵၼ်ၽွင်ၵိူဝ် မႃးလေႃးၵၼ်သေ ၵွၼ်ႈၸပ်းၵၼ်သေ ပဵၼ်ၵွၼ်ႈၵိူဝ်ၵႂႃႇၵူၺ်း။

ၶႆႈၸွမ်းတိုၼ်းၶဝ် ပေႃးၶႆႈၸွမ်းတိုၼ်းမၼ်း ယၵ်ႉတူၺ်းႁိုင်ႁိုင်ၸိုင် တူၺ်းၼႂ်းမၼ်းၼၼ်ႉ မၼ်းမီးဢၼ်ငၢၼ်ႈယွၵ်ႉ“ယႅၵ်ႉ“၊ သၢၼ်ႈၽိၼ်း“ၽွၼ်း“ ၼဵတ်းထိတ်း“ထွတ်း“၊ တမ်“တႅင်း“၊ သေႇ“သွႆ“၊ သွႆႉ“ၸီး“၊ ထွင်း“ဢီး“၊ မူင်ႇ“သွႆ“၊ ယၵ်း“ယၢႆး“၊ ၵႆၢး“ၶူမ်း“ၼႆ ၼႂ်းမၼ်းမီးၵူႈမဵဝ်ႈၼၼ်ႉ သၽေႃးၸိူဝ်းၼႆႉ မၼ်းပဵၼ်တိုၼ်းမၼ်း (တိုၼ်းပဵၼ်လူႉ)ယဝ်ႉ။

သၽေႃးပဵၼ်လူႉၼႆႉ ၸိူဝ်းၼၼ်ႉပဵၼ်ငိူၼ်ႈမၼ်းယဝ်ႉ။ ငၢၼ်ႈယိုၵ်ႉ“လူင်မႃး ပေႃးတၢၼ်ႇႁဝ်းပဵၼ်မိုဝ်းႁူဝ်လိူၼ်၊ ဢမ်ႇၼၼ် ႁဝ်းပဵၼ်တုမ်ႇၽီလူင်သေ ငၢၼ်ႈယိုၵ်ႉ“လူင်ဝႆႉၼၼ်ႉ ႁဝ်းလူဝ်ႇၶႆႈၸွမ်းတိုၼ်းမၼ်းယဝ်ႉ။ ၼႂ်းမၼ်းမီးသင်လႃႇ? မီးသၽေႃးပဵၼ်လူႉ။