ၶိုၼ်းထူပ်းႁၼ်ၵၼ်/တွၼ်ႈ 4 ၶႅတ်ႉလႃးလႄႈၽူႈတၢင်ၼႃႈ
ၶႅတ်ႉလႃႈ ယိပ်းသွႆႉမွၵ်ႇၶဝ်ႈတႅၵ်ႇသေ “ ပီႈၼၢင်းမူၼ်း ဢမ်ႇဢဝ်မွၵ်ႇၶဝ်ႈတႅၵ်ႇၶႃႈႁႃႉ ”
“ ဢဝ်ဢိူဝ်ႈ...ၶဝ်ႈမႃးလႄႈ ၶႅတ်ႉလႃး ”
ၶႅတ်ႉလႃးၶဝ်ႈမိူဝ်းၼႂ်းဝၢင်ႈႁိူၼ်းသေ
“ပီႈၼၢင်းမူၼ်း မိူဝ်ႈၼႆႉ မွၵ်ႇၶဝ်ႈတႅၵ်ႇႁၢင်ႈလီၼႃႇၶႃႈ ပေႃးပီႈၼၢင်းမူၼ်းဢဝ်ၼႆ ၶႃႈတေယွမ်းပၼ်ဢေႃႈ”
“ ၼမ်ပေႃးပဵၼ်တၢၼ်ႇၼႆႉ ၵေႃႉလဵဝ်ၵူၺ်းတေႁဵတ်းႁိူဝ်ပၵ်းလႆႈသဵင်ႈ”
“ ဢဝ်လူႇၽြႃးၽွင်ႈဢေႃႈ...ယွၼ်းသူး ႁႂ်ႈၸဵဝ်းပူၼ်ႉပၢၼ်ၽဝႃႉသၢဝ်လူင်ၼႆဢေႃႈ ”
“ ဢေးယွၵ်းဢွၼ်ႇၼႆႉ ၵမ်ႉၵဝ်တေဢမ်ႇသိုဝ်ႉမွၵ်ႇမႂ်းယူႇ ”
“ ယႃႇပေဝႃႈၼၼ်ၶႃႈ တင်းမူတ်းၼႆႉ ဝႆႉပၼ်ၸွႆႉၸိတ်ႉၶႃႈလႄႈ ”
“ ဢမ်ႇဝႆႉဢေႉ ပၼ်ၸွႆႉၼိုင်ႈၵူၺ်းယဝ်ႉ ၸွင်ႇတေၶၢႆဢမ်ႇၶၢႆ?”
“ ဢဝ်ၶႃႈလႄႈ ပေႃးၼႆၵေႃႈ ပီႈၼၢင်းမူၼ်း တေလူႇၽွင်ႈ ပၵ်းၽွင်ႈဢမ်ႇၸႂ်ႈၶႃႈႁႃႉ ဢဝ်ၶႃႈ လႄႈ ”
“ ႁိူဝ်ႈ...ၸွႆႉၼိုင်ႈ ”
“ ပေႃးလူႇၽြႃးၼႆ ယွၼ်းသူးလီလီ ၶႃႈၼႃႈပီႈၼၢင်းမူၼ်း ၶိၵ်း...ၶိၵ်း...”
“ ဢေးယွၵ်းဢွၼ်ႇၼႆႉ ၵဝ်ပဵၼ်သၢဝ်လူင်သေတႃႉ ၸၢင်ႈလူဝ်ႇၵႂႃႇယွၼ်းသူးသင်၊ ႁဝ်းပႆႇ ၶႂ်ႈလႆႈလႄႈ တိုၵ်ႉႁဵတ်းသၢဝ်လူင်ဝႆႉၵူၺ်းဢိူဝ်ႈ မႂ်းၶႂ်ႈႁူႉၵေႃႈ တီႈလဵဝ်ၼႆႉ ၵဝ်လူဝ်ႇယွၼ်း ႁႂ်ႈပိူၼ်ႈမႃး ၸၢင်ႈၵဝ်ၵႂႃႇၸွႆႈလၢတ်ႈ ဢမူႉပိူၼ်ႈၼမ်ၼမ်ၼၼ်ႉၵူၺ်းယဝ်ႉ ”
“ ပေႃးၼႆ ပေႃးၶႃႈပဵၼ်ဢမူႉၼႆ ၶႃႈတေမႃးၸၢင်ႈ ပီႈၼၢင်းမူၼ်းၼႃႈ တေလႆႈပၼ်ၵႃႈႁိူဝ် ”
“ ဢမ်ႇပၼ်ၵေႃႈ လႆႈယူႇ ”
ပီႈၼၢင်းမူၼ်း ၼႅတ်ႈဢဝ်မိုဝ်ႈတူမ်းသူပ်းမၼ်းၽႂ်းၽႂ်းသေ
“ ၶႅတ်ႉလႃး ပိူၼ်ႈဢမ်ႇလီလၢတ်ႈၸိူင်ႉၼၼ် ”
“ ပေႃးလၢတ်ႈယဝ်ႉၼႃႇ တေႁဵတ်းႁိူဝ်လႃႇ ”
“ ယႃႇပေလၢတ်ႈထႅင်ႈ ”
“ ဢေႃႈၶႃႈ...ဢေႃႈၶႃႈ...ၽူႈတၢင်ၼႃႈႁဝ်းၶႃႈ ၶႃႈတေမိူဝ်းၵွၼ်ႇၶႃႈၼႃႈ ”
“ မိူဝ်းလွႆးလွႆး ”