ၶိုၼ်းထူပ်းႁၼ်ၵၼ်/တွၼ်ႈ 20 လူင်းလၢႆးမိုဝ်း
ဝူင်းလိူၼ်လႄႈ ၶႅတ်ႉလႃး ၵႂႃႇလူင်းလၢႆႈမိုဝ်း ဢဝ်ၵၼ်တီႈလုမ်းသေ ဢွၵ်ႇလုမ်းမႃးယူႇ။ ၶႅတ်ႉလႃး လႆႈႁၼ်ၼၢင်းယိင်းၵေႃႉၼိုင်ႈလႄႈ မၼ်းၸူမ်းသိူဝ်းသေ တူင်ႉတၵ်ႉ
“ မႂ်ႇသုင်ၶႃႈ ပီႈမူၼ်ႈ ”
“ မႂ်ႇသုင်...ဢေႃႈ...ၶႅတ်ႉလႃးဢမ်ႇၸႂ်ႈႁႃႉၼႆႉ ဢလူဝ်...ပီႈမူၼ်းပေႃးဢမ်ႇၶႂ်ႈတွင်ႈ ယဝ်ႈ၊ သူၵိၼ်သင်ပႄႉမႃးႁၢင်ႈလီတၢၼ်ႇၼႆႉ မႃးႁဵတ်းသင်တီႈလုမ်းၼႆႉ?”
“ ပီႈမူၼ်း ၼႆႉပဵၼ်ဝူင်ႈလိူၼ်ဢေႃႈ...ႁႃးမႃးလူင်ႈလၢႆးမိုဝ်းဢဝ်ၵၼ်ၶႃႈဢေႃႈ... ဝူင်းလိူၼ် ၼႆႉပဵၼ်ပီႈမူၼ်း ဢၼ်ႁဝ်းၶႆႈၼႄသူ ဢၼ်ၸွႆႈထႅမ်ႁဝ်း မိူဝ်ႈတူၵ်းၵိၼ်းၼၼ်ႉဢိူဝ်ႈ ”
“ မႂ်ႇသုင်ၶႃႈ ပီႈမူၼ်း”
“ မႂ်ႇသုင် ဝူင်းလိူၼ် ”
ပီႈမူၼ်း လွမ်တူၺ်းဝူင်းလိူၼ်လီလီသေ
“ ၶႅတ်ႉလႃးမႂ်းမေႃႁႃၵျႃႇလႃႇ...ဢိူဝ်ႈ ၶိူဝ်သွင်ၵေႃႉလႅပ်ႈၵၼ်တႄႉဢိူဝ်ႈ။ ၵူၺ်းၼႃႇ ၵွပ်ႈသင် ဢမ်ႇႁဵတ်းပွႆးပၢင်ၶႅၵ်ႇလူင်လူင်လၢင်လၢင်”
“ပီႈမူၼ်း ဝၢႆးၼႆႉ ၶႅတ်ႉလႃး တေၶႆႈၼႄပီႈမူၼ်းလႆ သေဝၼ်းဝၼ်း ပေႃးပီႈမူၼ်းတၼ်းၼႆ ႁႃးတေၵႂႃႇလဵင်ႉၶဝ်ႈ ပီႈမူၼ်းယူႇၼႃႈ ”
ၶႅတ်ႉလႃး ဢဝ်ၶႅပ်းႁဵင်းလိၵ်ႈၶဝ် ပၼ်ပီႈမူၼ်းသေ
“ ပီႈမူၼ်း ၼႆႉပဵၼ်ၶႅပ်းႁဵင်းလိၵ်ႈႁဝ်းဢေႃႈ...မႃးဢႅဝ်ႇၶႃႈၼႃႈ ”
ၶႅတ်ႉလႃးလႄႈ ဝူင်းလိူၼ် ၶီႇရူတ်ႉမႃးတီႈႁိူၼ်းမႂ်ႇဢွၼ်ႇၶႃၼၼ်ႉသေ ထိုင်တၢမ်းၶမ်ႈမႃး ၽိတ်ႈမွၵ်ႇ ပေႃႈထဝ်ႈမႄႈၵႄႇသေ လဵင်ႉလူၸႃႇၵႃႉ ယွၼ်းၵၼ်ႇတေႃးယဝ်ႈ။
ၵူၼ်းလူင်ၶဝ်ၵေႃႈ ႁေႃးပၼ်ၶႃတင်းသွင် မင်ႇၵလႃႇလီၵူႈပိူင်ပိူင်ယူႇ။