ၶိုၼ်းထူပ်းႁၼ်ၵၼ်/တွၼ်ႈ 19 သႃႊတီႈၸႂ်
ဝူင်းလိူၼ် ၶိုၼ်းပွၵ်ႈၽႅဝ်မႃး တူၼ်ႈတီးယဝ်ႉသေ ၸင်ႇသိုပ်ႇၽူၼ်း ၸူးၶႅတ်ႉလႃး
“ တုတ်း...တုတ်ႈ...တုတ်း...”
“ ႁလူဝ်...လၢတ်ႈလႃႈလႄႈ ”
“ ဢေႃႈ...ၶႅတ်ႉလႃး ယူႇလီယူႇႁႃႉ?”
“ ယူႇလီယူႇ ဝူင်ႈလိူၼ် ၽႅဝ်မႃႈမိူဝ်ႈလႂ်?”
“ မႃးမိူဝ်ႈဝႃးဢိူဝ်ႈ ”
“ ဝူင်းလိူၼ် ယူႇလီယူႇႁႃႉ ?”
“ ဢိူဝ်ႈ...ၵဝ်ၶႂ်ႈၶုတ်ႇသႃႊလႄႈ ၸင်ႇသိုပ်ႇၽူၼ်ႈႁွင်ႉမႂ်းဢိူဝ်ႈ ”
“ ၶိုၵ်ႉယဝ်ႈ...ၵႂႃႇတၢင်းမႃးမိူဝ်ႈလႂ်ၵေႃႈ ၵုမ်ႇပဵၼ်သႃႊမႃးယူႇလႃႇ ”
“ မၼ်းၸမ်ၵူၼ်းမေႃၶုတ်ႇမၼ်းလႄႈ ၸင်ႇပဵၼ်ၵႂႃႈ ”
“ ဢိူဝ်ႈ...ၵမ်ႉၵဝ်တေမႃးလႆ ၵဝ်လူဝ်ႇလၢတ်ႈမႂ်း လွင်ႈၼိုင်ႈဢိူဝ်ႈ ”
ယူႇၵမ်းၼိုင်ႈ ၶႅတ်ႉလႃး ၶီႇရူတ်ႉၶိူင်ႈသေ ၽႅဝ်မႃးႁိူၼ်းဝူင်းလိူၼ်ၶဝ် မၼ်းလူင်းရူတ်ႉသေ ပႆၶဝ်ႈမႃး ၼႂ်းႁိူၼ်း၊ ၼႂ်းႁိူၼ်း ၶဝ်ယဵၼ်ဝႆႉသီႇသီႇ၊ မၼ်းၼၢင်းဢမ်ႇႁၼ်ၽႂ်သေၵေႃႉ တူၺ်းၵႂႃႇတူၺ်းၶိုၼ်း ႁၼ်ဝူင်းလိူၼ် ၼွၼ်းလပ်းဝႆႉၼိူဝ်ႇတင်ႇယၢဝ်း ဢၼ်ၼင်ႈသွင်ၵေႃႉၼၼ်ႉယူႇ။ ၶႅတ်ႉလႃး ပႆၵႂႃႇ လွႆးလွႆးသေ ၵႂႃႇယိပ်းတူၺ်း ၼႃႈၽၢၵ်ႇဝူင်းလိူၼ်ယူႇ။ ဝူင်းလိူၼ် မိုၼ်းတႃမႃးၵမ်းလဵဝ်။ ၶႅတ်ႉလႃး ၵမ်းတူၺ်း ၼႃႈၽၢၵ်ႇဝူင်းလိူၼ်လီ ၼိူဝ်ႉမၼ်းဢမ်ႇလိူတ်ႇဢမ်ႇမႆႈသင်သေဢိတ်းလႄႈ
“ ဝူင်းလိူၼ် ၸိုင်ဝႃႈ ပဵၼ်သႃႊ ၼိူဝ်ႉတမ်ႉဢမ်ႇလိူတ်ႇဢမ်ႇမႆႈသင်လႃႇ ?”
ဝူင်းလိူၼ် ယိပ်းဢဝ်ၽႃႇမိုဝ်း ၼုမ်ႇၼုမ်ႇၶႅတ်ႉလႃးသေ လုၵ်ႉၼင်ႈမႃး သမ်ႉၸၼ်ၶႅတ်ႉလႃး ၼင်ႈႁိမ်းမၼ်ႈဝႆႉယူႇ။
“ ပဵၼ်သႃႊဢိူဝ်ႈ...ၶႅတ်ႉလႃး လူဝ်ႇလၢတ်ႈသင်ၵေႃႈ လၢတ်ႈဢွၼ်တၢင်းလႄႈ ပေႃးလၢတ်ႈယဝ်ႉ ၵဝ်တေယႃသႃႊၵဝ် ”
ၶႅတ်ႉလႃးၵေႃႈ ဢဝ်လင်မၼ်းဢိင်သူဝ်ႇၽႃႇ ၽၢႆႇလင်တင်ႇသေ
“ ဝူင်ႈလိူၼ် ၸွင်ႇမႂ်းတေယုမ်ႇႁိုဝ်ၵေႃႈ ဢမ်ႇႁူႉယဝ်ႈ ”
“ လၢတ်ႈၵွၼ်ႇလႄႈ ...ၵဝ်ပႂ်ႉထွမ်ႇယူႇ ”
ၶႅတ်ႉလႃးၵေႃႈ ၶိုၼ်းလၢတ်ႈၼႄ လွင်ႈဢၼ်မၼ်းလၵ်ႉပၢႆႈၵၢင်ၶိုၼ်း၊ လွင်ႈမေႃယႃလူင် မႃးႁၼ်မၼ်း၊ လွင်ႈမေႃယႃလူင် ၶႆႈၼႄပိုၼ်းသၢႆၶေႃးငိုၼ်းၸိူဝ်းၼၼ်ႉ ၵူႈပိူင်ပိူင်ယဝ်ႈ။
“ ဝူင်းလိူၼ် ...ယိူင်းဢၢၼ်းၵဝ် ဢၼ်ၶႂ်ႈႁၼ်ပေႃႈၵဝ်ၼၼ်ႉ တဵမ်ထူၼ်ႈယဝ်ႈၵမ်းၼႆႉ ။ ၵူၺ်းၵႃႈ ၵဝ်ၶေႃးၶူမ် လွင်ႈႁႃးမိုၼ်ႇႁွမ် ပဵၼ်ပီႈၼွင်ႉၵၼ်သေ မိုၼ်ႇႁွမ်ဢမ်ႇလႆႈႁူႉၵႂႃႇၼၼ်ႉၵူၺ်းဢိူဝ်ႈ ”
ဝူင်းလိူၼ်ၵေႃႈ ထူၺ်ႈၸႂ်လူင်ၵမ်းၼိုင်ႈသေ
“ ဢိူဝ်ႈ...ၵဝ်ၵေႃႈသေလၢႆ မိုၼ်ႇႁွမ်တႄႉတႄႉဢိူဝ်ႈ ၶႅတ်ႉလႃႈ၊ လွင်ႈၵဝ်ဢမ်ႇႁၵ်ႉ မၼ်းတႄႉတႄႉသေ ႁဵတ်းႁၢင်ႈပႅတ်ႉႁၵ်ႉမၼ်းၼၼ်ႉ သင်မၼ်ႈႁူႉ မၼ်းတေၸႂ်လမ်တေႃႇၵဝ်တၢၼ်ႇႁိုဝ် ၼႆ ၵဝ်ဝူၼ်ႉသေ ၸႂ်ဢမ်ႇလီၼင်ႇၵဝ်ႇ ”
“ ဝူင်းလိူၼ်...ၼၼ်ႉတႄႉ ႁဝ်းၶႂ်ႈႁႂ်ႈမၼ်းသိူဝ်းၸႂ်သေ ထႅမ်ပၼ်လွင်ႈသိူဝ်းၸႂ်မၼ်းၵႂႃႇယူႇလူး ”
“ ၶႅတ်ႉလႃး...မႂ်းၸႂ်ႉၵဝ်ၼႄလၵ်းထၢၼ်သၢၵ်ႈသေႇ လွင်ႈၵဝ်ႁၵ်ႉမႂ်းၼၼ်ႉ ၵဝ်ၼႄ ၵႂႃႇယဝ်ႉယဝ်ႈၼႃႈ ၊ ၸွင်ႇပႃႈၵုမ်ႇထူၼ်ႈႁိုဝ် တေၸႂ်ႉၼႄသၢၵ်ႈသေႇသင်ထႅင်ႈ?၊ ပေႃးမႂ်းပႆႇယုမ်ႇၵဝ် ၼႆၵေႃႈ ၸႂ်ႉၼႄလၵ်းထၢၼ်ထႅင်ႈၵေႃႈလႆႈယူႇ ၶႅတ်ႉလႃး”
ၶႅတ်ႉလႃး ဢမ်ႇတၵ်းသႅင်သင်လႄႈ ဝူင်းလိူၼ်ယိပ်းႁူဝ်မႃႇၶႅတ်ႉလႃးတင်းသွင်ၽၢႆႇ ၶဝ်ႇႁူဝ်မႃႇၶႅတ်ႉလႃႈ ယၵ်ႉတူၺ်ႈၼႃႈ ၶႅတ်ႉလႃးသေထၢမ်
“ ၶႅတ်ႉလႃး ...ၵဝ်တေလႆႈႁဵတ်းႁိုဝ် ၼႄသၢၵ်ႈသေႇသင်ထႅင်ႈ? လၢတ်ႈလႄႈ ”
ၶႅတ်ႉလႃး ဢမ်ႇတၵ်ႈသဵင်သင်သေ ဝႆႁူဝ်ၼႄယူႇ။ ဝူင်းလိူၼ် ၸၼ်ဢဝ်တူဝ်ႁၢင်ႈလီဢွၼ်ႇၶႅတ်ႉလႃး ၶဝ်ႈမႃးၼႂ်းဢူၵ်းမၼ်းသေ
“ ၶႅတ်ႉလႃး...သၢၵ်ႈသေႇၵဝ်ၵုမ်ႇထူၼ်ႈယဝ်ႈၼေႃႈ?”
ၶႅတ်ႉလႃးငွၵ်ႈႁူဝ်ၼႄယူႇၵမ်ႈၼိုင်ႈသေ
“ ဝူင်းလိူၼ်... ၵဝ်ဢမ်ႇၸႂ်ႈသၢဝ်သေတႃႉ မႂ်းႁၵ်ႉၵဝ်ယူႇႁႃႉ ?”
“ ၶႅတ်ႉလႃး ...ၵဝ်ၵေႃႈပဵၼ်ပေႃႈမၢႆႈၵေႃႉၼိုင်ႈယဝ်ႈလူး ၶႅတ်ႉလႃးဢမ်ႇႁၵ်ႉလႆႈပေႃႈမၢႆႈ ဝူင်းလိူၼ်ယူဝ်ႉၼေႃ?”
“ဢမ်ႇႁၵ်ႉလႆႈၼႆ ၶႅတ်ႉလႃး ဢမ်ႇဢၢၼ်းဝႃႈသေပွၵ်ႈ ”
“ ပေႃႈၼႆ တေႁၵ်ႉလႆႈတေႃႇၸူဝ်ႈယူႇၼေႃႈ?”
ၶႅတ်ႉလႃႈ ၶိုၼ်းၵွတ်ႇဝူင်းလိူၼ်ဝႆႉသေ
“ ဝူင်းလိူၼ်...ၵဝ်ဢမ်ႇတွၼ်ႉယုမ်ႇၵူၼ်းၸၢႆးၵေႃႉလႂ်သေၵေႃႉ၊ ဢမ်ႇတွၼ်ႉၼပ်ႉယမ်ၸမ်ၸႂ်မႃးသေၵေႃႉ ၵူၺ်း...ၵူၺ်းၵႃႈ ဝူင်ႈလိူၼ် မႂ်းၼႆႉသမ်ႉ ပဵၼ်ၵေႃႉၸုင်ၸၼ်ၽဝၵဝ်ဢွၵ်ႇလွတ်ႈ တႃႇတေၽိတ်းတၢင်းၼၼ်ႉလႄႈ ၵဝ်ၼပ်ႉယမ်မႂ်းၸႂ်ၸပ်းမႂ်း ၸဵမ်မိူဝ်ႈ ႁႃးၶိုၼ်းထူပ်းႁၼ်ၵၼ်ၼၼ်ႉယဝ်ႈ ”
“ ၶႅတ်ႉလႃး ...ၸဵမ်မိူဝ်ႈမႂ်းၶႆႈၼႄၵဝ် ၽဝမႂ်းၼၼ်ႉ ၵဝ်ဢေးလူမႂ်းသေ ႁၵ်ႉမႂ်း၊ ၶႂ်ႈၸွႆႈထႅမ်ၽဝမႂ်းၼႆ ၵဝ်လၢတ်ႈယဝ်ႉလူးၶႅတ်ႉလႃး ”
“ ဝူင်းလိူၼ် ”
ဝူင်းလိူၼ် ၼူမ်ႁွမ်ပၼ်ၼႃႈၽၢၵ်ႇၶႅတ်ႉလႃး ၵႅမ်ႈၶႅတ်ႉလႃးသေ သီႇသူပ်ႈၶႃသွင်ၵေႃႉ တေႃႉၸပ်းၵၼ်ၵႂႃႇ တင်းႁိုင်ယူႇယဝ်ႉ။
“ ဢိုဝ်ႈ...ဝူင်ႈလိူၼ် ၵႂႃႇၼင်ႈတၢင်းပုၼ်ႉလႄႈ ၵမ်ႉပေႃးပိူၼ်ႈမႃးႁၼ်ၼႆ လီဢၢႆပိူၼ်ႈ ”
“ ၵူၼ်းႁိူၼ်းႁဝ်း...ၶဝ်ၵႂႃႇဝႆႈၽြႃး ၼႂ်းၼွင်ႁၢႆးယႃႈဢိူဝ်ႈ မိူဝ်ႈၼႆႉ ၊ ဢမ်ႇမီးၽႂ်ၵူၺ်း ”
“ ႁဵတ်းသင် ဝူင်းလိူၼ် သမ်ႉဢမ်ႇၵႂႃႇၸွမ်းလႃႇ?”
“ ၵဝ်ပဵၼ်သႃႊၼႆ ၵဝ်ဝႃႈယူႇလူး ...”
“ သႃႊသင်ၸိူင်ႉၼႆ ၼိူဝ်ႉၵေႃႈဢမ်ႇမႆႈ ၊ ႁူဝ်ၵေႃႈဢမ်ႇၶႆႈ”
“ ၶႅတ်ႉလႃး လူမ်းသႃႊ မီးသွင်ပိူင်လူး ”
“ ၸိူင်ႉႁိုဝ်လၢႆလၢႆ ”
“ သႃႊတီႈတူဝ်ပိူင်ၼိုင်ႈ သႃႊတီႈၸႂ်ပိူင်ၼိုင်ႈ...ယၢမ်းလဵဝ် ၵဝ်ပဵၼ်သႃႊ တီႈၸႂ် လႄႈ ႁွင်ႉၶႅတ်ႉလႃးမႃးယႃပၼ်ဢိူဝ်ႈ ”
“ ႁိုဝ်ႉ...ဢမ်ႇတွၼ်ႉငိၼ်း...ၶႅတ်ႉလႃးဢမ်ႇမေႃႇယႃ သႃႊမဵဝ်းၼႆႉ ႁဝ်းၵူဝ်ၸပ်ႈပႃးႁဝ်း ၶိၵ်ႈၶိၵ်ႈ ”
ၶႅတ်ႉလႃး ယုမ်ႉၶူဝ်ႁၢင်ႈလီဝႆႉ ၼႂ်းၵႄႈဢူၵ်းဝူင်းလိူၼ်ယူႇ
“ ၶႅတ်ႉလႃး...ဢၼ်ၵဝ်ဢမ်ႇလိုမ်းလႆႈသေပွၵ်ႈသေ ၶႂ်ႈၶူဝ်ႇတႃႇသေႇၼၼ်ႉ မီးဢၼ်ၼိုင်ႈဢိူဝ်ႈ ”
“ ဢၼ်လႂ်?”
“ မိူဝ်ႈႁႃးၶီႇႁိူဝ်းမိၼ်သေ မႂ်းၺႃးဢဝ်သူပ်းလႅင်မႂ်း ယွမ်ႉပၼ်ၵႅမ်ႈၵဝ်ၼၼ်ႉဢိူဝ်ႈ ”
“ ၽႂ်ၸႂ်ႉဝူင်:လိူၼ် ၶႂ်ႈၵူမ်ႈမႃးၸမ်ၶႅတ်ႉလႃးလႃႇ ယႃႇပေလၢတ်ႈယဝ်ႈ ”
“ ဢူဝ်ႈ...ၶႅတ်ႉလႃးၵေႃႈ သၢႆငၢႆမၼ်းၽၢၼ်ႇပဵၼ်မႃး တီႈမၢႆတွင်းႁႃးယဝ်ႉလူး၊ ဢမ်ႇလီၼႄႇ သင်မႂ်းဢမ်ႇၸဵတ်ႉပၼ်ၼႆတႄႉ ၵဝ်ဢမ်ႇဢၢၼ်းသုၵ်ႈၼႃႈတေႃႇၸူဝ်ႈၵူၺ်းၼၼ်ႉ ”
“ ဝႆႉသေၵွၼ်လႄႈ ...”
“ ဝႆႉသေယူႇယဝ်ႈ ”
“ ဝူင်းလိူၼ်...ၽဝၵဝ်ၼႆႉ ၵဝ်ယူဝ်ဝႃႈ တေဢမ်ႇမီးလွင်ႈသိူဝ်းၸႂ်ယဝ်ႉၼႆဢိူဝ်ႈ...”
“ တိုၵ်ႉတေမီးထႅင်ႈ တင်းၼမ်ယူႇ ၶႅတ်ႉလႃး ဢေႃႈ...ၶႅတ်ႉလႃး...မႂ်းဝႃႈ ပေႃးၵဝ် ႁၵ်ႉမႂ်း ႁႂ်ႈၵဝ်ႁဵတ်းလုၵ်ႈၶူၺ်မေႃယႃလူင်ၼႆ ဢမ်ႇၸိုဝ်ႈႁိkဝ် ၸွင်ႇမႂ်းတိုၵ်ႉတွင်း?”
“ တွင်းယူႇ...ၶႂ်ႈၸၢမ်းတူၺ်းၸႂ်မႂ်းၵေႃႈပိူင်ၼိုင်ႈ၊ ၶႂ်ႈႁႂ်ႈမိုၼ်ႇႁွမ်သိူဝ်:ၸႂ်ၵေႃႈ ပိူင်ၼိုင်ႈသေ ၶႅတ်ႉလႃးၸင်ႇဝႃႈၼၼ်ယဝ်ႉ ”
“ ပေႃးၼႆ လၢတ်ႈထႅင်ႈလေႃႇ ”
“ လၢတ်ႈၸိူင်ႉႁိုဝ်? ဝူင်းလိူၼ် ”
“ ပေႃးႁၵ်ႉၶႅတ်ႉလႃးတႄႉတႄႉ ႁဵတ်ႈလုၵ်ႈၶူၺ်မေႃယႃလူင်လႃႈ ၼႆဢိူဝ်ႈ ”
“ ႁိုဝ်...ဢမ်ႇဝႃႈ ၶႅတ်ႉလႃးၵူဝ်လႆႈၶုတ်ႇသႃႊပၼ်ဝူင်းလိူၼ် ”
ၶႃသွင်ၵေႃႉ ၵျေႃႇသိူဝ်းၸႂ်ႁူမ်ႈၵၼ် လွတ်ႈလွတ်ႈလႅဝ်းလႅဝ်းယူႇ။ ဝူင်ႈလိူၼ်ၸင်ႇဝႃႈ
“ ၶႅတ်ႉလႃး...ပေႃးႁႃးၵူပ်ႉၵူႈၵၼ်ၼႆ ၶႅတ်ႉလႃးၶႂ်ႈႁႂ်ႈပဵၼ်ၸိူင်ႉႁိုဝ် ”
“ ဝူင်းလိူၼ်...ပိူင်လူင်မၼ်းတႄႉ လူဝ်ႇႁၵ်ႉၵၼ် လူဝ်ႇမီးသတ်ႉၸႃႇၼိူဝ်ၵၼ်ၵူၺ်း ...ၵၢင်ၸႂ်ႁဝ်း ၼၢင်ႈယိင်းၵမ်ႉၼမ်ၼမ်တႄႉ ၶႂ်ႈႁဵတ်းပွႆးပၢင်ၶႅၵ်ႇၶိုၵ်ႉၶိုၵ်ႉၶၢႆးၶၢႆးဢိူဝ်ႈ ။ ၵူၺ်းၵႃႈ ၶႅတ်ႉလႃးတႄႉ ဢမ်ႇၶႂ်ႈႁဵတ်ႈ ”
“ ၶႅတ်ႉလႃႈ ၶႂ်ႈႁႂ်ႈမိူၼ်ႁိုဝ်လႃႇ ?”
“ ဝူင်းလိူၼ်...ၵႂႃႇလူင်းလၢႆးမိုဝ်း တီႈလုမ်းသေ မွၵ်ႇၵူၼ်းလူင် မၵ်းမၼ်ႈလဵင်ႉလူ တၢၼ်ႇတၢၼ်ႇၵေႃႈ လႆႈယဝ်ႈ ”
“ ဢဝ်ၶႅတ်ႉလႃးဝႃႈၵူၺ်းယဝ်ႈ...ပေႃးၼႆ လွင်ႈၼႆႉ ၶႅတ်ႉလႃးလၢတ်ႈၼႄပေႃႈမႄႈ ၶႅၻ်ႉလႃးလႄႈ ဝူင်ႈလိူၼ်ၵေႃႈ တေလၢတ်ႈၽၢႆႇဝူင်းလိူၼ် ”
ၶႅတ်ႉလႃႈငွၵ်းႁူဝ်ၼႄဝူင်းလိူၼ်သေ
“ ဝူင်ႈလိူၼ် ၶႅတ်ႉလႃးတေမိူဝ်းၵွၼ်ႇ ”
“ လွႆးလွႆးလေႃႇ ”
“ လူဝ်ႇမိူဝ်း ႁုင်ၶဝ်ႈၽၵ်းဢိူဝ်ႈ...တၢင်ႇပွၵ်ႈၸင်ႇထူပ်းၵၼ်ထႅင်ႈၼႃႈ ”
ၶႅတ်ႉလႃး ၼူမ်ၵႅမ်ႈဝူင်းလိူၼ်တင်းသွင်ၽၢႆႇသေ ဢွၵ်ႇၵႂႃႇၶီႇရူတ်ႉၶိူင်ႈမၼ်းယဝ်ႈ။ ၽွင်းၶႅတ်ႉလႃးဢွၵ်ႇၵႂႃႇၼၼ်ႉ ၶႅတ်ႉလႃးဝႃႈ
“ ဝူင်းလိူၼ် ...တၢင်ႇပွၵ်ႈပေႃးမႂ်းပဵၼ်သႃႊၼႆ ၵဝ်တေဢမ်ႇႁတ်းမႃးၶုတ်ႇယဝ်ႈ မွၼ်းမွၼ်း ”
“ မွၼ်း...”