ၶိုၼ်းထူပ်းႁၼ်ၵၼ်/တွၼ်ႈ 16 ၶူဝ်းလုၵ်ႈပႂ်ႉမႂ်ႇ
“ ၶႅတ်ႉလႃး သိူဝ်ႈၶူဝ်းလုၵ်ႈပႂ်ႉမႂ်ႇ လႆႈမိူဝ်ႈၼႆႉ ၼႆဢမ်ႇၸိုဝ်ႈႁိုဝ်?”
“ ၸႂ်ႈဢိူဝ်ႈ ”
“ ၵႂႃႇႁႃႈၵႂႃႇဢဝ် ”
ၶႃၶီႇရူတ်ႉၶိူင်ႈသေ ၵႂႃႇတီႈယဵပ်ႉသိူဝ်ႈၶူဝ်းလုၵ်ႈပႂ်ႉမႂ်ႇၼၼ်ႉယူႇ။ ၵွပ်ႈပိူဝ်ႈယဵပ်ႉယဝ်ႉလႄႈ မိုၼ်ႇႁွမ်ၼုင်ႈတူၺ်းသေ ၵႂႃႇယၵ်ႉၸမ်ႈ ဢၼ်ႁၼ်တင်းတူဝ်ၼၼ်ႉယူႇ။ ၶႅတ်ႉလႃးတႄႉ ၸွႆႈၼုင်ႈ ၸွႆႈၼဵပ်းမၢၵ်ႇတုမ်ႇပၼ်မိုၼ်ႇႁွမ်ယူႇ။
“ ၸွင်ႇလႅပ်ႈ မိုၼ်ႇႁွမ်ႁိုဝ်? ၶႅတ်ႉလႃး ”
“ လႅပ်ႈဝႃႈလႅပ်ႈယဝ်ႈ သမ်ႉပေႃးတၢၼ်ႇၼၢင်းၽီဢွၼ်ႇ လုၵ်ႉၼိူဝ်ၵၢင်ႁၢဝ်မႃးဢိူဝ်ႈၼႆႉ ”
မိုၼ်ႇႁွမ် လွမ်တူၺ်းထုၵ်ႇၸႂ်မၼ်းတႄႉတႄႉသေ လၢတ်ႈဝႃႈ
“ ဢိူဝ်ႈ...ပေႃးလႆႈၼုင်ႈၶူဝ်းလုၵ်ႈပႂ်ႉမႂ်ႇ ၵႃႈၶၼ်ယႂ်ႇၸိူင်ႉၼႆတႄႉ တၢႆၵေႃႈသိူဝ်းၸႂ်ယဝ်ႈ ”
“ ႁေႉ...ၽိင်ႉ...ၽိင်ႉ မိုၼ်ႇႁွမ်ၼႆႉ လႃႈလီဝႃႈဝီႈလူင်ၵႂႃႇ ”
မိုၼ်ႇႁွမ် ၶိုၼ်းဢဝ်မိုဝ်းတူမ်းသူပ်းမၼ်းသေ
“ ဢေႃး...ၽိင်ႉၽိင်ႉ ဢမ်ႇၸႂ်ႈသင် ၶႅတ်ႉလႃး ၸိုင်ၶႅတ်ႉလႃး ဢမ်ႇၼုင်ႈတူၺ်း သိူဝ်ႈၶူဝ်းၵႅမ် လုၵ်ႈပႂ်ႉမႂ်ႇၼၼ်ႉလႃႇ၊ ၼုင်ႈလႄႈ မိုၼ်ႇႁွမ်ၶႂ်ႈႁၼ်ဢိူဝ်ႈ ”
ၶႅတ်ႉလႃးၵေႃႈ ၼုင်ႈတူၺ်းသိုဝ်ႈၶူဝ်း ၵႅမ်လုၵ်ႈပႂ်ႉမႂ်ႇၼၼ်ႉယူႇ။ ၶႅတ်ႉလႃးမႃးၼုင်ႈယဝ်ႉသေ ပဵၼ်ဢၼ်လႅပ်ႈမၼ်ႈၼၢင်ႈတႄႉတႄႉ။ ၶႃသွင်ၵေႃႉမိုၼ်ႇႁွမ် ထႆႇႁၢင်ႈၵိုၵ်းၵၼ်ဝႆႉယူႇယဝ်ႈ။