ဢပုမ်ႇပွတ်းလႄႈၵႂၢမ်းၵပ်းထုၵ်ႇ/တွၼ်ႈ ၵႂၢမ်းၵပ်းထုၵ်ႇ (လ)

1. လႃႇၼံႉတွင်ႈၸႂ်ပႃ - လႃႇမႃတွင်ႈၸႂ်ၸဝ်ႈ
2. လႃႈလီႈၸီႇၽဝ် - ဢဝ်ဢိဝ်လႆႈတၢင်းယၢပ်ႇ
3. လႃႈလီႁႃၸၢင်ႈၺႃး - လႃႈလီႈပႃးသၢင်ႇထုၵ်ႇ
4. လီပိူဝ်ႈၶဝ်ႈ - ယဝ်ႉပိူဝ်ႈငိုၼ်း
5. လီပိူဝ်ႈထၢမ် - ငၢမ်းပိူဝ်ႈတႅမ်ႈ
6. လီပိူဝ်ႈတႅမ်ႈ - ၶႅမ်ႉပိူဝ်ႈမၢႆ
7. လီတေႃႇလီ - ၵီးႁွမ်ႇတေႃႇၼိူဝ်ႉသႃႈ
8. ၸႃႉတေႃႇၸႃႉ - မၢၵ်ႇၼႃႉၵပ်းၶဝ်ႈယဵၼ်
9. လုၵ်ႈလီပႃးပေႃႈမႄႈၶိုၼ်ႈၾႃႉ - လုၵ်ႈၸႃႉပႃးပေႃႈမႄႈၵႂႃႇလုမ်း
10. လံၼံႉႁႂ်ႈထိုင်သၢႆး - တူၵ်းငရၢႆးႁႂ်ႈထိုင်ၵူၼ်ႈမေႃႈ
11. လၢမ်းလိမ်းလၢတ်ႈၵေႃႈမဝ် - လၢမ်းလိမ်းဢဝ်ၵေႃႈပိူင်ႈ
12. လႆႈၵိၼ်ယႃႇယၢမ်ႈ - ႁၢမ်းၵိၼ်ယႃႇလၢပ်ႇ
13. လၢမ်းလိမ်းသိုဝ်ႉဢံႇလႆႈ - လႃႈလီႈဝႆႉၸၢင်ႈထူး
14. လုၵ်ႈဢွၼ်လဵၼ်ႈၵၢင်ၵႅၼ်ႇ - ၵူၼ်းထဝ်ႈယႃႇဢႅၼ်ႇၸွမ်း
15. လူတူဝ်ၸင်ႇသၢၼ်သွင်း - တူၺ်းမွင်းၸင်ႇသၢၼ်ၵူၺ်
16. လုၵ်ႈတူၵ်းၽၢၵ်ႈ - မႄႈတၢၵ်ႇတၢႆ
17. လုၵ်ႈႁၵ်ႉပဵၼ်လုၵ်ႈၸင်း - ၶံးလႅင်ပဵၼ်ထူဝ်ႇၼဝ်ႈ
18. လုၵ်ႈမူင်ႈၵေႃႈမူင်ႈပႅင်း - လုၵ်ႈမႅင်းၵေႃႈမႅင်းႁၵ်ႉ
19. လုၵ်ႈလၢင်းႁုၶေႃႈ - ၵွပ်ႈပေႃႈမႄႈမေႃသွၼ်
20. လိူၼ်သိပ်းယႃႇၵႃႉၶဝ်ႈ - လိူၼ်ၵဝ်ႈၶႅၵ်ႇယႃႇမႃး
21. လိူၼ်သၢမ်ၶႅၵ်ႇယႃႇတဝ်ႈ - လိူၼ်ႈၵဝ်ႇၶႅၵ်ႇယႃႇမႃး
22. လိူၼ်သၢမ်ၵွတ်းၽႃႈ - လိူၼ်ႁႃႈၵွတ်းၽၵ်း
23. လိူၼ်တေလႅင်း - တူၼ်ႈမၢၵ်ႇၵႅင်းမႃးလပ်ႉ
24. လိူၼ်ဢံႇမႂ်ႉၵၼ် - ဝၼ်းဢံႇပႂ်ႉၵၢတ်ႇ
25. ၵၢတ်ႈယွႆႈၵူၼ်းမဝ် - ၵဝ်းယွႆႈၵူၼ်းလုၼ်ႈ
26. လၢတ်ႈၸႃႉႁႂ်ႈလီမႃး - ထဵင်ၸႃးႁႂ်ႈငိူၼ်ႈပေႃႇ
27. လၢတ်ႈၵတ်ႉၶတ်းၵျၢင်ႇ - ထၢင်ႇပိူၼ်ႈဢံႇႁုသင်
28. လၢတ်ႈႁတ်းၵႂႃႇႁတ်း - ဢံႇတွၼ်ႉၶတ်းပိူၼ်ႈ
29. လၢတ်ႈဢံႇႁုတူဝ် - ၶူဝ်ဢံႇႁုႁၢင်ႈ
30. လၢတ်ႈပႆႇယဝ်ႉပေႃးၶူဝ် - ႁူဝ်ဝႆသၼ်ႇတင်းၵူၼ်ႈ
31. လၢတ်ႈၵႅတ်ႇႁူဝ်ႁၢင် - ၵၢင်မၼ်းပွႆႇၵူၼ်ႈ
32. လၢတ်ႈၶပ်ႉပေႃးၶိူဝ်း - သူပ်းပိူဝ်းၼံႉလၢႆးၽူင်ႉ
33. လၢတ်ႈယွင်ႈဢၢမ်းယေႃး - ၵွတ်ႇၶေႃးၸူၵ်းထူင်
34. လၢတ်ႈၶိုၼ်ႈလၢတ်ႈလူင်း - ၵႂၢမ်းပူင်းဢံႇမီးလွၼ်ႉ
35. လၢတ်ႈၶႅမ်ႉလၢတ်ႈလႅပ်ႈ - ဢုပ်ႇဢႅပ်ႈဢႅပ်ႈၽႂ်ဢမ်ႇတၼ်းထွမ်ႇ
36. လၢတ်ႈၶိူဝ်းလုၵ်ႈလၢၼ် - ႁၢမ်းၵၢၼ်တူဝ်ၵဝ်ႇ
37. လၵ်းၽႅဝ်ၵႃတွတ်ႇတွင်ႉ - ငိူဝ်ႈၽႅဝ်ၸိူၵ်ႈၵွင်ႉၶေႃး
38. လၵ်းလိင်းဢူၺ်းၵေႃႉဢေႇ - ငိူဝ်ႈၽႅဝ်သရေႇဢမ်ႇမီး
39. လၵ်ႉယိပ်းလၵ်ႉယွႆႈ - ၵွႆႈယူႇၵွႆႈၽၢၼ်
40. လၵ်ႉႁုလၵ်ႉႁဵတ်း - မဵတ်းပႃၼႂ်းၼံႉမေႃႇ
41. လဵၼ်ႈၵႂၢမ်းယွႆႈဢမ်ႇလႆႈ - မႆႈပိူၼ်ႈၸၢင်ႈၸပ်းႁဝ်း
42. လိၼ်ႉၶဵဝ်ႈၵိူတ်ႇၵိုၵ်းပႃး - တေႃႈယင်းၶူပ်းၺႃးၵၼ်
43. လူမ်းပဝ်ႇဢမ်ႇၼႆႈ - လႅတ်ႇမႆႈၵေႃႈၶၢမ်ႇ
44. လိူၵ်ႈဝၼ်းၸင်ႇၵႂႃႇ သံႉၽႃႇၺႃးၸူၼ်
45. လိူၵ်ႈဝၼ်းလီႁဵတ်းႁိူၼ်း - သဝ်မၼ်းၸိူၼ်းၵူႈလႅမ်ႈ
46. လိၼ်ႉဢမ်ႇတူမ်ႈၸၢင်ႈၵႂၵ်း - ၶႃဢံႇႁၵ်းၸၢင်ႈလႅၼ်ႈ
47. လဵင်ႉလုၵ်ႈထႃႈၵိၼ်ႁႅင်း - ပႅင်းငိုၼ်းၸၢႆႇမိူဝ်ႈထဝ်ႈ
48. လႅၼ်ႈၵိၼ်ၼင်ႇမႄႈမူတ်ႉ - ၵူတ်ႉၵိၼ်ၼင်ႇပူႇၽၢမ်း
49. လိုမ်းလႆႈ ဢံႇမႆႈၼင်ႇၸႂ်ၸပ်း
50. လူမ်ႉတီႈလႂ် - လုၵ်ႉတီႈၼၼ်ႈ ဢံႇလူဝ်ႇၵၼ်ႈၸႂ်ယူႇ
51. လုၵ်ႈဢွၼ်ႇႁၵ်ႉတၢင်းၵိၼ် - ၼၢႆးသိလ်ႁၵ်ႉတၢင်းလူႇ - ပူႇသိၼ်ႁၵ်ႉတၢင်းၼွၼ်း