မွၵ်ႇလူင်ႇလဵဝ်/တွၼ်ႈသၢမ်သိပ်းႁူၵ်း
ဝၢႆးသေ ဢုပ်ႇလၢတ်ႈၼႄဢူႈမႄႈ ၼၢင်းမူဝ်ၶၢဝ်ယဝ်ႉ ၵူႈလွင်ႈလွင်ႈ ထႅင်ႈဝၼ်းၼိုင်ႈ ၸၢႆးၶိူဝ်းလႄႈ ၼၢင်းမူဝ်ၶၢဝ် ၶႃသွင်ၵေႃႉ ပူၼ်ႉမိူဝ်းလွႆလႅမ်ၸွမ်းၵၼ်ယဝ်ႉ၊ ၸၢႆးၶိူဝ်း သိုပ်ႇႁေႃႈၵႃးဢွၵ်ႇတူၼ်ႈ တီးမႃးယူႇယဝ်ႉ ၼၢင်းမူဝ်ၶၢဝ် ၸင်ႇထၢမ်ဝႃႈ
“ပီႈၸၢႆးၶိူဝ်း တေႁေႃႈၵႂႃႇတၢင်းလႂ်ၼႆႉ”
“ဢၢင်ႈႁေႃႈမိူဝ်းလွႆလႅမ်ၼႆဢိူဝ်ႈ ဢမ်ႇၸွမ်းႁႃႉ”
ၼၢင်းမူဝ်ၶၢဝ်ယုမ်ႉၵမ်းၼိုင်ႈသေ
“ဢမ်ႇၶႂ်ႈၸွမ်း”
“ပေႃးဢမ်ႇၶႂ်ႈၸွမ်းၵေႃႈ ဝႅၼ်လူင်းၵႃးလႄႈ”
“တႄႉႁႃႉ ... ပီႈၸၢႆးၶိူဝ်း”
“ဢမ်ႇတႄႉ ... လႃႈလီဝႃႈၵူၺ်း”
“ၵွပ်ႈသင် သမ်ႉဢမ်ႇတႄႉလႃႇ” “ၵွပ်ႈပိူဝ်ႈ ၵူဝ်မွၵ်ႇလူင်လဵဝ်ႁူင်ႈၼၼ်ႉဢိူဝ်ႈ”
ၼၢင်းမူဝ်ၶၢဝ် ဢဝ်ႁူဝ်မၼ်းဢိင်ၸၢႆးၶိူဝ်းသေ
“ပီႈၸၢႆးၶိူဝ်း”
“လၢတ်ႈလႄႈ မူဝ်ၶႂ်ႈလၢတ်ႈသင်”
“ပေႃးၽႅဝ်မိူဝ်းလွႆလႅမ်ၼႆ မူဝ်တေလႆႈႁဵတ်းႁိုဝ်ဝႆႉၼႃႈတေႃႇ ပီႈဢၢႆႈပီႈၼၢင်း ပီႈၸၢႆးၶိူဝ်းၶဝ်လႃႇ”
“မေႃဝႆႉၸိူင်ႉႁိုဝ်ၵေႃႈ ဝႆႉၸိူင်ႉၼၼ်ဢိူဝ်ႈ”
“မူဝ်လၢႆဢီ လီဢၢႆ ဢိူဝ်ႈမေႃႉ”
“လီဢၢႆသင် ပီႈၸၢႆးၶိူဝ်းယင်းလူဝ်ႇလႆႈမိူဝ်း မႅၼ်ၼႄပီႈဢၢႆႈ ပီႈၼၢင်းႁဝ်းၶဝ်ၵွၼ်ႇဢိူဝ်ႈ”
“တေၵႂႃႇႁဵတ်းႁိုဝ်မႅၼ်(ၵျွႃး) ၼႄ”
“ဢေႃႈ ... လူဝ်ႇမိူဝ်းလၢတ်ႈဝႃႈ ၼႆႉပဵၼ်ၼွင်ႉပႂ်ႉ ပီႈဢၢႆႈ ပီႈၼၢင်းႁဝ်းၶဝ်ဢိူဝ်ႈ ၸွင်ႇႁၢင်ႈလီ ၸွင်ႇလီႁၵ်ႉၼႆဢိူဝ်ႈ”
“ဢူဝ် ... တႃႉလၢႆဢီ လီဢၢႆတႄႉတႄႉ သမ်ႉတေဝႃႈႁိုဝ် ထႅင်ႈ”
“သမ်ႉတေဝႃႈ တၢင်းႁၵ်ႉဢၼ်မၼ်းႁၵ်ႉ ပီႈၸၢႆးၶိူဝ်းၼႆႉ ပဵၼ်တၢင်းႁၵ်ႉမွၵ်ႇလူင်ႇလဵဝ်ၵူၺ်းၼႆဝႃႇ ဢမ်ႇၸႂ်ႈႁႃႉ”
“ဢမ်ႇႁူႉ”
ၵႃးဢွၼ်ႇၶႃသွင်ၵေႃႉ သိုပ်ႇႁေႃႈၵႂႃႇယဝ်ႉၵႂႃႇထႅင်ႈယူႇတိၵ်း တိၵ်း...
သဵင်ၶူဝ်ဢွၼ်ႇၶႃသွင်ၵေႃႉ ယွၵ်ႇၵၼ်ယုမ်ႉၶူဝ်ၼၼ်ႉၵေႃႈ မေႃးယူႇၶိၵ်းၶိၵ်း...
တၢင်းႁၵ်ႉမွၵ်ႇလူင်ႇလဵဝ်ၶႃသွင်ၵေႃႉၵေႃႈ တေသိုပ်ႇၵီႈ ႁၢင်ႈလီယူႇတိၵ်းတိၵ်း ... ...
သုတ်းယဝ်ႉ။ ။
ယုမ်ႇယမ်ဝႃႈ တေထႅင်ႈပၼ် တၢင်းထုၵ်ႇမႅၼ်ႈၸႂ် ပွတ်းဢွၼ်ႇ တွၼ်ႈၼိုင်ႈ တမ်ႈတီႈ ၽူႈႁၵ်ႉလိၵ်ႈလၢႆးတႆးႁဝ်းၶဝ် ၼႆယူႇယဝ်ႉ...
တေသိုပ်ႇၶတ်းၸႂ်ယူႇ
ႁႅင်းသိူဝ်ၶႅင် - တင်ႉယၢၼ်း
28 - 2 - 87 (2:20) ၵၢင်ဝၼ်း