ပပ်ႉႁဵၼ်း ၾိင်ႈပိူင်ပၢၼ်မႂ်ႇ ပုၼ်ႈတႃႇၵူၼ်းမိူင်းတႆး/ၵၢၼ်ၵူၼ်း
ၼႂ်းၵႃႈၵၢၼ်ၵူၼ်းႁဝ်းတင်းသဵင်ႈတင်းလၢႆၼႆႉ ပေႃးႁုပ်ႈတူၺ်းၸိုင် မီးသၢမ်လွင်ႈၵူၺ်း။
ပဵၼ်-ၵၢၼ်ၸႂ်၊ ၵၢၼ်သူပ်း လႄႈ ၵၢၼ်တူဝ်ယဝ်ႉ။
- ၵၢၼ်ၸႂ်ၼႆၵေႃႈ တေမီး - လွင်ႈသႂ်ႇၸႂ်၊ ဝူၼ်ႉၶႆႈ၊ တႅပ်းတတ်း လႄႈ တိုဝ်းၵမ်။
- ၵၢၼ်းသူပ်းၼႆၵေႃႈ တေမီး - ၵိၼ်ယႅမ်ႉ လႄႈ လၢတ်ႈၸႃ။
- ၵၢၼ်တူဝ်ၼႆၵေႃႈ တေမီး - ၶပ်ႉၶိုင်လွင်ႈယူႇလီ၊ ၼုင်ႈဝႆ၊ ယူႇသဝ်း၊ ၵႂႃႇပႆ၊ လဵပ်ႈႁဵၼ်းပိုၼ်ႉႁူႉတၢင်းမေႃ၊ ႁဵတ်းၵၢၼ် လဵင်ႉတွင်ႉ လႄႈ သိူၵ်ႈသမ်ႇၶဝ်ႈဢွၵ်ႇၵၼ် - ၸဵမ်ၸိူဝ်းၼႆႉၵႂႃႇ။
ၵၢၼ်ၸႂ်ဢၼ်ၽူႈဢၢၼ်ႇလိၵ်ႈႁဝ်းၶဝ် ထုၵ်ႇလီလႆႈသႂ်ႇၸႂ် ဝူၼ်ႉၶႆႈ တႅပ်းတတ်းၼၼ်ႉၸမ်ႉ - လွင်ႈတၢင်းဢၼ်တၢင်ႇလဝ်ႈ ၼႄၵႂႃႇၼႂ်းၵႂၢမ်းၼမ်းၼႆႉ မၼ်းၸိုဝ်ႈၸႂ်ႈၼမ်ၵႄႇၵႃႈႁိုဝ်ၼၼ်ႉယဝ်ႉ။
သင်ဝႃႈၸိုဝ်ႈၸႂ်ႈၼမ်ယူႇ၊ ၵႂၢမ်းသင်ႇသွၼ်ၽြႃးပဵၼ်ၸဝ်ႈႁဝ်းၼႆႉတိုၼ်းဢမ်ႇၽိတ်းၼႆၵေႃႈလီ လႆႈတိုဝ်းၵမ်ပၢႆးဝူၼ်ႉႁၼ် ဢၼ်ၼႆႉသေၶပ်းသၢင်ႈႁၢင်ႈပွင်ၵၢၼ်သူပ်းလႄႈၵၢၼ်ၸႂ်ႁဝ်းၵႂႃႇႁႂ်ႈပေႃးပဵၼ်ပၵ်းပဵၼ်ပိူင်မႃး ႁႂ်ႈပေႃးပဵၼ်ၽိင်ႈပဵၼ်ထုင်းမႃး ၼၼ်ႉယဝ်ႉ။
ၶေႃႈထၢမ်
[မႄးထတ်း]- ၸဝ်ႈၵဝ်ႇႁၼ်ထိုင်ဝႃႈ
- - ပေႃးမီးပၵ်းပိူင်ၸိုင်တေယၢပ်ၵိၼ်းယူႇၼႄႇ?။
- - ပေႃးမီးပၵ်းပိူင်ၸင်ႇတေမီးလွင်ႈထင်ႇႁၢင်ႈၼႄႇ?။
- - ဢမ်ႇတၢပ်ႈဢၢၼ်ၸႂ်ၼိူဝ်ၽြႃးပဵၼ်ၸဝ်ႈ၊ သႂ်ႇၸႂ်ဝူၼ်ႉၶႆႈလီလီသေတွပ်ႇၵႄႈၼႄတႃ.?
- ၸဝ်ႈၵဝ်ႇၸၼ်ထိုင်ဝႃႈၵႃးပဵၼ်ၾိင်ႈထုင်းၸဝ်ႈၵဝ်ႇၼႆႉ-
- - လူဝ်ႇၵဵပ်းႁွမ်ထိင်းသိမ်းဝႆႉၼႄႇ?။
- - လူဝ်ႇပိုၼ်ႉပႅတ်ႈသေဢဝ်ဢၼ်မႂ်ႇလုမ်းလုမ်းၼႄႇ?။
- - လူဝ်ႇၵဵပ်းႁွမ်ထိင်းသိမ်းဝႆႉဢၼ်လီသေဢဝ်ၶွင်မႂ်ႇဢၼ်လူဝ်ႇမီးလူဝ်ႇလႆႈလူဝ်ႇပဵၼ်ၸိူဝ်းၼၼ်ႉၼႄႇ?။ ၼႄလွင်ႈတၢင်းသေတွပ်ႇပၼ်တႃႉ။
- ၵၢၼ်ၸႂ်၊ ၵၢၼ်သူပ်း၊ ၵၢၼ်တူဝ် ဢၼ်ၵူၼ်းမိူင်းတႆးႁဝ်း လူဝ်ႇပူၵ်းပွင်ၵႂႃႇၼႆႉ ထုၵ်ႇလီပူၵ်းပွင်ၾၢႆႇလႂ်လၢႆလၢႆလႄႈၸိူင်ႉႁိုဝ်?။