ပပ်ႉႁဵၼ်း ၾိင်ႈပိူင်ပၢၼ်မႂ်ႇ ပုၼ်ႈတႃႇၵူၼ်းမိူင်းတႆး/လွင်ႈလၢတ်ႈၸႃ

ၶေႃႈပွၼ်ႈၸႂ်

သူပ်းလီသဵင်ဝၢၼ်ၼႆႉ ပဵၼ်မင်ႇၵလႃႇၼႆယဝ်ႉ၊ ၵႂၢမ်းဢၼ်ၽြႃးပဵၼ်ၸဝ်ႈႁဝ်း ဢွၼ်လၢတ်ႈၼႆႉ မီးသွင်ပိူင်ၵူၺ်း။

1. ၵႂၢမ်းဢၼ်ၸိုဝ်ႈၸႂ်ႈ၊ မီးၽွၼ်းလီ၊ ပိူၼ်ႈထုၵ်ႇၸႂ်။
2. ၵႂၢမ်းဢၼ်ၸိုဝ်ႈၸႂ်ႈ၊ မီးၽွၼ်းလီ၊ ပိူၼ်ႈဢမ်ႇထုၵ်ႇၸႂ်။ တေလႆႈလၢတ်ႈသွင်ပိူင်ႈၼႆယဝ်ႉ။

တီႈဢၼ်ၵူၼ်းႁဝ်းယူႇၼႂ်းၶွပ်ႈဝူင်းၼိုင်ႈဢၼ်ၼႆႉ ပေႃးမီးၵူၼ်းသွင်ၵေႃႉၵေႃႈ ႁူႉမီးၵၢၼ်ၵပ်းသိုပ်ႇၵၼ်လူၺ်ႈ သူပ်းၵႂၢမ်းယဝ်ႉ။

ၵွပ်ႈၼႆၸင်ႇမီးမႃးၵႂၢမ်းဢၼ်ဝႃႈ-“လူမ်ႇတိၼ်ၸၢင်ႈၵၢၼ်းလႆႈ၊ လူမ်ႇၵႂၢမ်းဢမ်ႇဢဝ်လႆႈၶိုၼ်း” “မေႃလၢတ်ႈပဵၼ်သထေး၊ ဢမ်ႇမေႃလၢတ်ႈပဵၼ်ၽေး” “ႁၵ်ႉၵၼ်ၵေႃႈယွၼ်ႉသူပ်းဢွၼ်ႇၼႆႉ၊ ၸင်းၵၼ်ၵေႃႈယွၼ်ႉသူပ်းဢွၼ်ႇၼႆႉ” ၸိူဝ်းၼႆႉမီးမႃး၊ ၸင်ႇဝႃႈလွင်ႈလၢတ်ႈၸႃၼႆႉ ၵူၼ်းမိူင်းတႆးၵူႈၵေႃႉလီလႆႈ သႂ်ႇၸႂ်တႄႉတႄႉယူႇ။

လၢႆးႁဵတ်းလၢႆးသၢင်ႈ

1. မီးလွင်ႈသင်သေဢမ်ႇဝႃႈ လီလႆႈဝႆႉၸႂ်ၵတ်းၵတ်းယဵၼ်ယဵၼ်သေ လၢတ်ႈၸႃသဵင်ၸႅင်ႈၶေႃႈတႅၵ်ႇလႅင်း။
2. လၢတ်ႈၸႃၸွမ်းဢၼ်ထုၵ်ႇမႅၼ်ႈလူၺ်ႈတြႃး၊ ႁဝ်းၼင်ႇၵၼ်ဢမ်ႇလီလႆႈလၢတ်ႈ ႁႂ်ႈၵေႃႉၼိုင်ႈပေႃးလႆႈလူႉသုမ်းတႅၵ်ႇယၢႆႈ ယွၼ်ႉလူၺ်ႈသူပ်းၵႂၢမ်းႁဝ်း။
3. တေလႆႈလၢတ်ႈၸႃႇၸွမ်း ၽၢင်ႁၢင်ႈဢၼ်ယဵၼ်ႇငႄႈဢွမ်ႈပွမ်ႈ၊ သဵင်ဢူၼ်ႈဢွၼ် ဢမ်ႇထိူင်းဢမ်ႇဝႆး လၢတ်ႈႁႂ်ႈလီမိုတ်ႈလီပႅင်း။
4. လၢတ်ႈၸႃႁႂ်ႈႁူႉတီႈသုင်တီႈတဵမ်ႇ ႁႂ်ႈတူၺ်းၵူၼ်း၊ တူၺ်းတီႈ၊တူၺ်းၶၢဝ်းယၢမ်း(ၵႃလ-တေႇသ-ပုၵ်ႉၵၸ)။
5. လၢတ်ႈၸႃႇၸွမ်းလိူင်ႈၼၵ်းလိူင်ႈမဝ် ၸိုဝ်ႈၸိုဝ်ႈၸႂ်ႈၸႂ်ႈ၊ ဢမ်ႇလူဝ်ႇမႄႇၵႂၢမ်းၶႃႉၸိုဝ်ႈၶၢႆသဵင်။
6. လၢတ်ႈၸႃႁႂ်ႈမီးၼမ်ႉမီးတူဝ် ၵႂၢမ်းဢမ်ႇမီးၽွၼ်းလီၸၢင်ႈပဵၼ်ၽွၼ်းၸႃႉၼၼ်ႉ ဝႆႉသတိသေငိူင်ႉဝႄႈ။
7. ႁႂ်ႈႁူႉၽွၼ်းလီၽွၼ်းၸႃႉ မီးလွင်ႈဢဝ်ပုၼ်ႈၽွၼ်းၼိူဝ်ၵႂၢမ်းၸဝ်ႈၵဝ်ႇတေလၢတ်ႈ လၢတ်ႈလိတ်ႈၵႂႃႇသေ ဢမ်ႇႁပ်ႉၶိုၼ်ႈုၼ်ႈၽွၼ်းၼိူဝ်ၵႂၢမ်းၸဝ်ႈၵဝ်ႇၼႆႉ တေဢမ်လႆႈမီး။
8. ၵႂၢမ်းၼႆႉ လီလႆႈဝူၼ်ႉၶႆႈႁိဝ်ႈၸင်ႈတႅၵ်ႈယင်ႇတူၺ်းယဝ်ႉ ၸင်ႇလၢတ်ႈ။

ၶေႃႈထၢမ်

1. ယွၼ်ႉဢမ်ႇမေႃလၢတ်ႈလႄႈပဵၼ်ၽေးၼႆႉ ၸွင်ႇၸဝ်ႈၵဝ်ႇယၢမ်ႈထူပ်းယၢမ်ႈငိၼ်း?။ ၶႆႈၼႄဢိတ်းၼိုင်ႈ။
2. ယွၼ်ႉမေႃလၢတ်ႈလႄႈပဵၼ်ၵူၼ်းလီၵႂႃႇၼႆႉ ယၢမ်ႈထူပ်းယၢမ်းငိၼ်းႁူႉႁၼ်ၸိူင်ႉႁိုဝ်?။
3. ၵဵဝ်ႇလူၺ်ႈလွင်ႈလၢတ်ႈၵႂၢမ်းၼႆႉ ၸဝ်ႈၵဝ်ႇလႆႈလူဢၢၼ်ႇလိၵ်ႈၶေႃၼႄႉၼမ်းၸိၸမ်ႈၼႂ်ႈၼႆႉယဝ်ႉ ႁၼ်ထိုင်ၸိူင်ႉႁိုဝ် တႅမ်ႈၼႄတီႈၵေႇသုတ်းသၢမ်ထႅဝ်တႃႉ။